Nýtt upphaf í fjölnýtingu jarðhitaafurða á Þeistareykjum
Mynd/Þingeyjarsveit.
Fyrirtækið GeoSilica hefur skrifað undir samstarfssamning við Landsvirkjun og mun hefja starfsemi í Þingeyjarsveit næsta haust. Samningurinn var undirritaður þann 27. maí og markar upphaf nýrrar stefnu um fjölnýtingu jarðhitaafurða á Þeistareykjum. Þetta kemur fram í tilkynningu á vef Þingeyjarsveitar.
„Nýlega fékk ég góða heimsókn frá fulltrúum GeoSilica þar sem ég fékk tækifæri til að segja þeim frá sveitarfélaginu og þau kynntu sínar fyrirætlanir,“ er haft eftir Ragnheiði Jónu Ingimarsdóttur, sveitarstjóra Þingeyjarsveitar í tilkynningunni. „Hefja á byggingu á húsnæði fyrir starfsemina í sumar og standa vonir til að það klárist í haust. Þá ætla þau að flytja alla framleiðsluna á Þeistareyki og hefja starfsemi þar á árinu,“ segir hún jafnframt.
GeoSilica, sem var stofnað árið 2012 af Fida Abu Libdeh og sérhæfir sig í framleiðslu náttúrulegra fæðubótarefna í vökvaformi til daglegrar inntöku. Fyrirtækið vinnur steinefni úr jarðhitavatni, meðal annars kísil, sem er eitt algengasta steinefni í náttúrunni og gegnir lykilhlutverki í líkamsstarfsemi mannsins. Kísill úr jarðhitavökva frá Þeistareykjastöð verður nýttur í framleiðslu GeoSilica á gæðavottuðum og vegan-vottuðum vörum.
Nýja húsnæðið sem Landsvirkjun reisir verður á svokallaðri fjölnýtingarlóð milli skiljustöðvar og aflstöðvar Landsvirkjunar, og mun GeoSilica fá beinan aðgang að auðlindastraumum frá jarðvarmavinnslunni.
Þá segir í tilkynningunni að samstarf Landsvirkjunar og GeoSilica sé stórt skref í átt að sjálfbærri nýtingu jarðhitaauðlinda og stuðli að aukinni atvinnuuppbyggingu, styrki innviði Þingeyjarsveitar og sé í takt við stefnu sveitarfélagsins um græna framtíð og fjölbreytt atvinnulíf.
Nýjast
-
Nýtt upphaf í fjölnýtingu jarðhitaafurða á Þeistareykjum
Nýja húsnæðið sem Landsvirkjun reisir verður á svokallaðri fjölnýtingarlóð milli skiljustöðvar og aflstöðvar Landsvirkjunar, og mun GeoSilica fá beinan aðgang að auðlindastraumum frá jarðvarmavinnslunni. -
Assgolli fínt! – Múmínkastalinn frægi tilbúinn
Múmínkastalinn í Ævintýralundi í Kjarnaskógi er tilbúinn. Ævintýraþyrst börn á öllum aldri velkomin að líta við. -
Myndlistarsýning: Fjallið Kerling séð frá Fujian héraði
Laugardaginn 5. júlí kl 18.00 opnar myndlistarmaðurinn Aðalsteinn Þórsson sýningu á nýjum verkum í Dyngjunni - listhúsi í Eyjafjarðarsveit -
Neistinn tendraður í Kveikjunni Norðlensk fyrirtæki sameinast um nýsköpun innan fyrirtækja að sænskri fyrirmynd
Upphafsviðburður Kveikjunnar á vegum Driftar EA fór fram á dögunum í Messanum við Ráðhústorg á Akureyri. Þar komu saman fulltrúar ellefu fyrirtækja úr fjölbreyttum greinum atvinnulífsins og hófu formlega þátttöku sína í verkefninu. -
Sparisjóðir sameinast
Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameiningu sjóðanna en hún tekur mið af stöðu sjóðanna í upphafi árs. -
PWC styður áfram við bakið á Völsungi
PwC og Völsungur hafa skrifað undir áframhaldandi samstarfssamning sín á milli -
Vilja lóð undir iðnaðarmannaíbúðir
Hnjúkur efh. hefur óskað eftir að fá úthlutað eða leigða lóð á Akureyri til að reisa á iðnaðarmanníbúðir. -
Sótt um rekstur ölstofu í fyrrum apóteki
Sótt hefur verið um leyfi til reksturs ölstofu á neðstu hæð Hafnarstrætis 95 við göngugötuna á Akureyri. Þar hefur um árabil verið rekið apótek,m.a. Stjörnuapótek í eina tíð og síðar Apótekarinn, en því var lokað nú nýverið. -
Blood Harmony spilar á tónleikum á Minjasafninu í kvöld.
Blood Harmony er samstarfsverkefni systkinanna Arnar, Aspar og Bjarkar Eldjárn sem hófst snemma árs 2020 þegar heimsfaraldurinn skall á og sökum hans voru þau flutt í heimahagana fyrir norðan.
