Nýr skemmtistaður opnaður innan skamms á Akureyri
Eigendur eru þau Sigurður Karl Jóhannsson og Heba Finnsdóttir, en fyrir reka þau veitingastaðinn Strikið í Alþýðuhúsinu við Skipagötu og pítsustaðinn Bryggjuna við sömu götu. Heba segir að nú standi yfir framkvæmdir við húsnæðið, en verið sé að gera á því nauðsynlegar endurbætur og lagfæringar vegna hins nýja hlutverks. Hún segir að til að byrja með verði opið þrjú kvöld í viku, fimmtudags,- föstudags,- og laugardagskvöld og þar muni plötusnúður þeyta skífum flest kvöld, en á stundum muni hljómsveitir troða upp.
„Við skiptum þessu upp, þannig að á þeim stað þar sem pósthólfin voru áður ætlum við að hafa bar með þægilegu andrúmslofti, þar verða borð og sófar, þjónusta á borðin og tónlist í lægri kantinum. Í aðalsalnum verður svo stór bar, borð, stólar og stórt dansgólf," segir Heba. Þá segir hún að salurinn muni nýtast veitingastaðnum sem veislusalur og er þegar búið að bóka hann undir veislur. Veitingar munu koma frá Strikinu.
Stefnt er að opnun Pósthúsbarsins í næsta mánuði og kveðst Heba bjartsýn á að vel muni ganga. „Við teljum að þörf hafi verið á breytingum á skemmtanalífi hér í bænum, við viljum bjóða upp á eitthvað nýtt og þá teljum við að staðsetningin í miðbæ Akureyrar sé ákjósanleg og muni nýtast vel," segir Heba. Í sumar er t.d. ætlunin að rýmka afgreiðslutímann og breyta staðnum í kaffihús yfir daginn og fram á kvöld. „Okkar stefna er sú að þetta verði skemmtilegur skemmtistaður," segir hún. „Við erum ný í þessu en bjartsýn engu að síður og teljum okkur eiga fullt erindi inn á þennan markað. Það er þó nokkur samkeppni í þessum bransa, en hún er af hinu góða, þá leggja menn sig alla fram og það ætlum við okkur að gera," segir Heba.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.