Neistinn tendraður í Kveikjunni Norðlensk fyrirtæki sameinast um nýsköpun innan fyrirtækja að sænskri fyrirmynd
Upphafsviðburður Kveikjunnar á vegum Driftar EA fór fram á dögunum í Messanum við Ráðhústorg á Akureyri Myndir aðsendar
Upphafsviðburður Kveikjunnar á vegum Driftar EA fór fram á dögunum í Messanum við Ráðhústorg á Akureyri. Þar komu saman fulltrúar ellefu fyrirtækja úr fjölbreyttum greinum atvinnulífsins og hófu formlega þátttöku sína í verkefninu.
Kveikjan er nýsköpunarverkefni Driftar EA með tengingu við Ignite Nordic sem er starfandi á Norðurlöndunum og miðar að því að efla nýsköpun og þróun innan starfandi fyrirtækja á svæðinu. Þátttakendur læra að nýta sér frjótt umhverfi skapandi hugsunar með aðgangi að öflugu tengslaneti Ignite Nordic undir leiðsögn Kveikjunnar.
Stjórn SSNE hefur valið Kveikjuna sem eitt af áhersluverkefnum þar sem það styður við markaðssetningu svæðisins sem spennandi valkost fyrir ungt fólk og fyrirtæki.
Kveikjan veitir rótgrónum fyrirtækjum einstakt tækifæri til að vaxa, þróast og tengjast frumkvöðlum með ferska sýn – samstarf sem getur skilað nýjum lausnum og raunverulegum verðmætum.
Fyrirtækin sem taka þátt í Kveikjunni 2025 eru:
• Frost
• Húsheild Hyrna
• Höldur
• Nortek
• Rafeyri
• Samherji
• Slippurinn
• SS byggir
• Stefna hugbúnaðarhús
• Sæplast
• Vélfag
Viðburðurinn markaði upphafið að ferðalagi fyrirtækjanna í átt að nýjum tækifærum og lausnum. Markmiðið með deginum var að skapa sameiginlegan grunn fyrir hópinn, byggja tengsl og kveikja hugmyndavinnu sem nýtist í komandi vinnustofum og þarfagreiningu með ráðgjöfum Kveikjunnar.
Úr samtölum og hópavinnu á viðburðinum komu fram fyrstu lykiláherslur sem þátttakendur ætla að vinna að:
• Skapa sterkan sameiginlegan vettvang þar sem fyrirtæki geta miðlað reynslu og lært hvert af öðru
• Stuðla að markvissri tengingu atvinnulífs og menntunarstofnana
• Auka samstarf í markaðssetningu og þróun
Og ekki síst: Að nýta betur tækifæri sem felast í nándinni, svæðisbundinni sérstöðu, öflugu tengslaneti og mannauðnum á svæðinu.
„Það er bæði hvetjandi og gefandi að taka þátt í svona prógrammi. Það skiptir miklu máli að fyrirtæki á svæðinu geti lært hvert af öðru og sameinað krafta sína. Strax á fyrsta fundi var greinilegt að hér er hópur með mikinn metnað, góða orku og einlægan áhuga á að skapa eitthvað nýtt saman,“ sagði Björn Gíslason, framkvæmdastjóri Stefnu hugbúnaðarhúss.
Nýjast
-
Riddarar kærleikans eru á kærleikshringferð um landið
-Markmiðið er að skapa stóran kærleikshring hringinn í kringum Ísland og vekja athygli á söfnun fyrir Bryndísarhlíð -
Bandýspilandi lektor með málflutningsréttindi Vísindafólkið okkar – Júlí Ósk Antonsdóttir
Vísindafólkið okkar er mánaðarleg kynning á vísindafólkinu okkar. Júlí Ósk Antonsdóttir, lektor við Lagadeild, er vísindamanneskja júlímánaðar. -
Engar úrbætur á athafnasvæði Auto
Engar úrbætur hafa verið gerðar á athafnasvæði Auto ehf. að Setbergi á Svalbarðsströnd, þrátt fyrir ítrekaðar kröfur þar um frá heilbrigðisnefnd. Álagðar dagsektir hafa ekki innheimst og er innheimta hluta þeirra komin í lögfræðilegt ferli. -
Komin er út barnabókin VeiðiVinir
„Skólinn er búinn og sumarfríið að byrja og vinirnir Páll og Bjarni ganga saman heim síðasta skóladaginn. Þeir hafa verið duglegir að bera út blöð í vetur og eru fyrir löngu búnir að ákveða hvað verður keypt, já fyrir löngu. Strákarnir ætla í veiðibúðina á morgun, jafnvel í dag, þar sem þeir ætla að kaupa fyrst flugustöng og svo kaststöng. Vinirnir ætla að veiða eins mikið og þeir geta í allt sumar…“ -
Kveldúlfur, ný tónlistarhátíð á Hjalteyri
Kveldúlfur er ný tónlistarhátíð sem verður haldin á Hjalteyri á morgun laugdaginn, 12. júlí. Skipuleggjendur hátíðarinnar eru þau Sara Bjarnason verkefnastjóri og Vikar Mar bóndi á Ytri Bakka og listmálari. -
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér.
