Neikvæðar breytingar á Húsavíkurflugvelli verða ekki liðnar!
Á Húsavíkurflugvelli á Aðaldal, sem til stendur að þrengja úr 45 metrum í 30.
Á fundi sveitarstjórnar Norðurþings þann 16. febrúar s.l. voru málefni Húsavíkurflugvallar í Aðaldalshrauni m.a. til umræðu, og ljóst á bókun sem þar var fram lögð og samþykkt, að all verulega skortir á að yfirvöld í héraði hafi aðgang að upplýsingum um framtíðaráform varðandi flugvöllinn, t.d. hvaða tilgangi það þjónar að þrengja völlinn um 15 metra, úr 45 metrum í 30. Bókun sveitarstjórnar, sem samþykkt var samhljóða, er svohljóðandi:
“Sveitarstjórn Norðurþings áréttar við alla þá aðila sem bera ábyrgð á flugi til og frá Húsavíkurflugvelli að tryggja hámarksöryggi flugfarþega sem um völlinn fara.
Nú liggja fyrir áætlanir um endurbætur á ljósabúnaði vallarins og af því tilefni tilfærsla á ljósum sem mun hafa þau áhrif að völlurinn verður aðeins 30 metrar að breidd í stað 45 metrar áður. Það er okkar mat að þær upplýsingar sem sveitarstjórnarfólki hafa verið veittar séu nokkuð misvísandi eftir því við hvern af málsaðilum er rætt, rekstraraðila vallarins annarsvegar og rekstraraðila flugsins hinsvegar. Því er ljóst að eigandi vallarins (ríkið), ISAVIA sem og Flugfélagið Ernir verða að skýra betur út fyrir sveitarstjórnarfólki svæðisins á hvaða forsendum þessar breytingar á ljósabúnaði byggja, hvaða áhrif þessar breytingar hafa á aðstæður á vellinum sem og flugöryggið almennt.
Beint flug um Húsavíkurflugvöll er mikil samgöngubót sem eykur lífsgæði fólks og eflir starfsemi á svæðinu, það er því ljóst að breytingar sem hafa neikvæð áhrif verða ekki liðnar.” JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.