Nauðsynlegt að flytja heilsugæsluna í nýtt húsnæði
Helsta forsendan til að efla heilsugæsluþjónustuna á Akureyri er að flytja í nýtt húsnæði til að laða fólk til starfa. Mynd/Þröstur Ernir.
Bæjarráð Akureyrar lýsti yfir áhyggjum af ástandi heilsugæslugæslu þjónustu HSN á Akureyri á síðasta bæjarráðsfundi og krefst þess að ríkisvaldið setji aukið fjármagn til starfseminnar til að bæta aðstöðu og fjölga læknum. Langir biðtímar eftir þjónustu heilsugæslulækna að undanförnu er að miklu leyti vegna manneklu að mati Jóns Helga Björnssonar forstjóra HSN, þ.e. læknar stöðvarinnar eru of fáir.
Segir Jón að starfsaðstaða hafi einnig áhrif á hvernig gangi að manna stöður. Nýtt húsnæði fyrir heilsugæslustöð, eða -stöðvar, á Akureyri sé því mikilvægt skref í að bæta þjónustuna að mati forsvarsmanna HSN. Jón Helgi lýsti einnig áhyggjum af fjármögnun starfseminnar á fundi bæjarráðs, þegar horft er til framkomins fjárlagafrumvarps vegna 2019.
Vantar allt að sex heimilislækna
Við fyrirspurn blaðsins segir Jón Helgi að 9 heimilislæknar séu starfandi á Akureyri í dag en samkvæmt eðlilegu viðmiði ættu þeir að vera 15 á stöðinni. Meðalbiðtími eftir lækni er 21 dagur en getur verið lengri eða styttri hjá einstaka lækni. Hins vegar er miklum fjölda erinda sinnt samdægurs á opinni móttöku síðdegis og um helgar. Með flutningi þeirrar þjónustu frá SAk til heilsugæslunnar í Hafnarstræti hafa afköst þjónustunnar verið aukin að sögn Jóns Helga. Hann segist jafnframt vonast eftir því að það minnki eitthvað eftirspurn eftir tímum hjá föstum læknum.
Jón Helgi Björnsson
Vantar 100-150 milljónir
Spurður um hversu mikið fjármagn þurfi að koma frá ríkinu til að koma málaflokknum í betra horf, segir Jón Helgi að erfitt sé að fullyrða um nákvæmar tölur. „En líklegt er að það vanti 100-150 milljónir. Þá er mikilvægast til framtíðar að flytja úr núverandi húsnæði heilsugæslunnar til að laða fólk til starfa. Núverandi húsnæði hentar ekki þessari starfsemi og fara þarf í tvær nýjar stöðvar með góðu aðgengi sem byggja þarf á Akureyri sem fyrst,“ segir Jón Helgi.
Í skýrslu um framtíðarhúsnæði heilsugæslunnar á Akureyri sem kynnt var á ársfundi HSN í fyrra kom fram að byggja þurfi nýtt húsnæði fyrir hana á tveimur stöðum þannig að bæjarbúar geti geti sótt alla þjónustu í sitt nærumhverfi. Núverandi húsnæði heilsugæslunnar á Akureyrar er verulega ábótvant samkvæmt niðurstöðum skýrslunnar. Varðandi flutning heilsugæslunnar segir Jón Helgi að málið sé enn í skoðun.
„Það silast áfram í kerfinu en það er ekki hægt segja neitt til um hvenær flutningur gæti mögulega átt sér stað. En við leggjum áherslu á að
það verði sem fyrst þar sem það skiptir öllu máli að komast í nýtt húsnæði,“ segir Jón Helgi
Nýjast
-
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“