Natalie Lea sigraði Hæfileikakeppni Akureyrar 2026
Sigurvegari kvöldsins var Natalie Lea Gunnarsdóttir Mynd akureyri.is
Miðvikudaginn 22. ágúst fór fram Hæfileikakeppni Akureyrar 2026 þar sem hæfileikarík ungmenni stigu á svið og sýndu listir sínar. Alls tóku 34 krakkar þátt með 13 fjölbreyttum atriðum og var stemningin einstaklega góð, en frá þessu er sagt að akureyri.is
Sigurvegari kvöldsins var Natalie Lea Gunnarsdóttir sem heillaði áhorfendur og dómnefnd með flutningi sínum á laginu Skinny með Kaleo. Í öðru sæti lenti danshópurinn Síðugengið, skipaður þeim Aþenu Vigdísi, Anítu Þórunni, Karólínu Hönnu, Vilborgu Hörpu og Telmu Dögg, en í þriðja sæti var Adam sem söng lagið Riptide með Vance Joy.
Dómnefnd skipuðu Tinna Óðins, Villi vandræðaskáld og Björn Grétar grínisti. Á meðan þau fóru yfir úrslitin fengu áhorfendur skemmtilega skemmtiatriði frá nemendum úr Lundarskóla.
Hæfileikakeppni Akureyrar er fastur liður í Barnamenningarhátíð bæjarins og hefur um árabil verið vinsæll vettvangur fyrir skapandi ungmenni. Keppnin er ætluð nemendum í 5.–10. bekk og þar fær fjölbreytnin að njóta sín.
Markmið keppninnar er að efla sjálfstraust og styðja við styrkleika barna og ungmenna, auk þess að skapa vettvang þar sem þau geta komið fram, prófað sig áfram og notið sín í skapandi umhverfi.
Til hamingju Natalie og öll sem tóku þátt!
Nýjast
-
Natalie Lea sigraði Hæfileikakeppni Akureyrar 2026
Miðvikudaginn 22. ágúst fór fram Hæfileikakeppni Akureyrar 2026 þar sem hæfileikarík ungmenni stigu á svið og sýndu listir sínar. Alls tóku 34 krakkar þátt með 13 fjölbreyttum atriðum og var stemningin einstaklega góð. -
Brúðuleiksýningin Rót er hjartnæm og hugmyndarík
Brúðuleiksýningin Rót verður frumsýnd hjá Leikfélagi Akureyrar á morgun laugardag, 25. apríl. Hún er hjartnæm og hugmyndarík upplifun fyrir fjölskyldur og unga áhorfendur. Aldursviðmið er 8 ára og eldri. Í framhaldinu verða sýningar í Þjóðleikhúsinu í maí ogjúní í samvinnu við Listahátíð í Reykjavík. -
Leggjast gegn því að biðsvæði leigubíla verði við Skipagötu
Hagsmunaaðilar og fasteignaeigendur við Skipagötu og Kaupvangsstræti leggjast gegn því að almennum bílastæðum í miðbæ Akureyrar verði fækkað til að rýma fyrir biðsvæði leigubíla. -
Þarfir eldri borgara í Akureyrarbæ í forgang
Eldri borgarar hafa lagt grunninn að því samfélagi sem við búum við í dag. Það er einföld sannfæring mín að við eigum að mæta þeim með virðingu, hlusta á reynslu þeirra og tryggja raunveruleg lífsgæði á efri árum. Við getum gert betur og það er mín skýra stefna að gera gott enn betra. -
Grænmetis-gremja
Það er fátt sem gerir mig jafn gargandi pirraða og að fara í matvöruverslun á Íslandi að kaupa grænmeti. Ég tek sérstaklega eftir þessu núna, verandi nýkomin heim frá útlöndum þar sem úrvalið og gæðin eru slík að ég hefði auðveldlega getað gerst grænmetisæta. Allt svo ferskt og gott. -
Félagsfólk Framsýnar með sterkari fjárhagsstöðu en launafólk almennt
Fjárhagsstaða félagsfólks í Framsýn er umtalsvert betri á öllum mælikvörðum en staða annars launafólks innan heildarsamtakanna ASÍ og BSRB. Þetta leiðir ný könnun Vörðu -Rannsónarstofnunar vinnumarkaðarins í ljós. Kristín Heba Gísladóttir framkvæmdastjóri Vörðu kynnti helstu niðurstöður könnunarinna á opnum fundi hjá Framsýn nýverið en félagið óskaði eftir að staða félagsmanna yrði greind sérstaklega. -
Nýtt lag með Óskari Péturssyni
Félagarnir Óskar Pétursson og Björgvin Þ. Valdimarsson eru að gefa út nýtt lag sem heitir „Það varst þú“ en þetta er nýjasta lag Björgvins og textinn er einnig eftir hann . -
Vorkoma Akureyrarbæjar Vilhjálmur B. Bragason er bæjarlistamaður Akureyrar 2026
Vorkoma Akureyrarbæjar var haldin í Menningarhúsinu Hofi í dag. Þar var meðal annars kunngjört að bæjarlistamaður Akureyrar 2026 er Vilhjálmur B. Bragason, leikari, tónlistarmaður og höfundur. Á hátt í 20 ára ferli hefur Vilhjálmur látið til sín taka á afar breiðu sviði listar; hvort sem um er að ræða tónlist, leiklist, leikstjórn, handritagerð eða þýðingar og hefur hann sett áþreifanlegt mark sitt á listalíf á Akureyri sem og á landsvísu. -
Frístundastyrkur fyrir eldri borgara
Akureyrarbær hefur ákveðið að innleiða nýjan tekjutengdan frístundastyrk fyrir eldri borgara með það að markmiði að efla þátttöku þeirra í uppbyggilegu frístundastarfi og draga úr félagslegri einangrun.
