Leggjast gegn því að biðsvæði leigubíla verði við Skipagötu
Tillaga um að fjögur syðstu bílastæðin við Skipagötu á Akureyri verði biðsvæði fyrir leigubíla fellur ekki í góðan jarðveg hjá þeim sem reka verslun og þjónustu á svæðinu. Skipulagsráð hefur frestað afgreiðslu. Mynd ja.is
Hagsmunaaðilar og fasteignaeigendur við Skipagötu og Kaupvangsstræti leggjast gegn því að almennum bílastæðum í miðbæ Akureyrar verði fækkað til að rýma fyrir biðsvæði leigubíla.
Fram hafði komið tillaga um að fjögur syðstu bílastæðin við Skipagötu yrðu skilgreind sem biðsvæði fyrir leigubíla. Þrjár umsagnir bárust að loknum kynningartíma þar sem því var mótmælt að núverandi stæðum verði breytt í biðsvæði.
Neikvæð áhrif á aðgengi
Skipulagsráð frestaði afgreiðslu málsins og fól skipulagsfulltrúa að taka saman minnisblað og leggja fyrir næsta fund. Áður hafði verið lagt fram minnisblað frá því snemma í janúar um biðsvæði leigubíla og þar tilgreind þrjú möguleg biðsvæði, tvö við Skipagötu og eitt við Túngötu.
Í athugasemdum hagaðila er bent á að fækkun bílastæða bitni á eldra fólki, hreyfihömluðum og barnafjölskyldum sem reiði sig á að komast í námunda við þjónustu og verslanir. Fækkun stæða gæti einnig orðið leitt til neikvæðra áhrifa á aðgengi og veltu verslana.
Tillaga kom fram um aðrar hugsanlegar staðsetningar biðsvæða, m.a. við Menningarhúsið Hof, við gamla Landsbankann og einnig þótti vænlegur kostur að setja upp biðsvæði í kringum Geislagötu og Hólabraut
Nýjast
-
Natalie Lea sigraði Hæfileikakeppni Akureyrar 2026
Miðvikudaginn 22. ágúst fór fram Hæfileikakeppni Akureyrar 2026 þar sem hæfileikarík ungmenni stigu á svið og sýndu listir sínar. Alls tóku 34 krakkar þátt með 13 fjölbreyttum atriðum og var stemningin einstaklega góð. -
Brúðuleiksýningin Rót er hjartnæm og hugmyndarík
Brúðuleiksýningin Rót verður frumsýnd hjá Leikfélagi Akureyrar á morgun laugardag, 25. apríl. Hún er hjartnæm og hugmyndarík upplifun fyrir fjölskyldur og unga áhorfendur. Aldursviðmið er 8 ára og eldri. Í framhaldinu verða sýningar í Þjóðleikhúsinu í maí ogjúní í samvinnu við Listahátíð í Reykjavík. -
Leggjast gegn því að biðsvæði leigubíla verði við Skipagötu
Hagsmunaaðilar og fasteignaeigendur við Skipagötu og Kaupvangsstræti leggjast gegn því að almennum bílastæðum í miðbæ Akureyrar verði fækkað til að rýma fyrir biðsvæði leigubíla. -
Þarfir eldri borgara í Akureyrarbæ í forgang
Eldri borgarar hafa lagt grunninn að því samfélagi sem við búum við í dag. Það er einföld sannfæring mín að við eigum að mæta þeim með virðingu, hlusta á reynslu þeirra og tryggja raunveruleg lífsgæði á efri árum. Við getum gert betur og það er mín skýra stefna að gera gott enn betra. -
Grænmetis-gremja
Það er fátt sem gerir mig jafn gargandi pirraða og að fara í matvöruverslun á Íslandi að kaupa grænmeti. Ég tek sérstaklega eftir þessu núna, verandi nýkomin heim frá útlöndum þar sem úrvalið og gæðin eru slík að ég hefði auðveldlega getað gerst grænmetisæta. Allt svo ferskt og gott. -
Félagsfólk Framsýnar með sterkari fjárhagsstöðu en launafólk almennt
Fjárhagsstaða félagsfólks í Framsýn er umtalsvert betri á öllum mælikvörðum en staða annars launafólks innan heildarsamtakanna ASÍ og BSRB. Þetta leiðir ný könnun Vörðu -Rannsónarstofnunar vinnumarkaðarins í ljós. Kristín Heba Gísladóttir framkvæmdastjóri Vörðu kynnti helstu niðurstöður könnunarinna á opnum fundi hjá Framsýn nýverið en félagið óskaði eftir að staða félagsmanna yrði greind sérstaklega. -
Nýtt lag með Óskari Péturssyni
Félagarnir Óskar Pétursson og Björgvin Þ. Valdimarsson eru að gefa út nýtt lag sem heitir „Það varst þú“ en þetta er nýjasta lag Björgvins og textinn er einnig eftir hann . -
Vorkoma Akureyrarbæjar Vilhjálmur B. Bragason er bæjarlistamaður Akureyrar 2026
Vorkoma Akureyrarbæjar var haldin í Menningarhúsinu Hofi í dag. Þar var meðal annars kunngjört að bæjarlistamaður Akureyrar 2026 er Vilhjálmur B. Bragason, leikari, tónlistarmaður og höfundur. Á hátt í 20 ára ferli hefur Vilhjálmur látið til sín taka á afar breiðu sviði listar; hvort sem um er að ræða tónlist, leiklist, leikstjórn, handritagerð eða þýðingar og hefur hann sett áþreifanlegt mark sitt á listalíf á Akureyri sem og á landsvísu. -
Frístundastyrkur fyrir eldri borgara
Akureyrarbær hefur ákveðið að innleiða nýjan tekjutengdan frístundastyrk fyrir eldri borgara með það að markmiði að efla þátttöku þeirra í uppbyggilegu frístundastarfi og draga úr félagslegri einangrun.
