Mikill erill hjá lögreglunni
Talsverð ölvun var í miðbæ Akureyrar í gærkvöld og í nótt. Nokkur útköll voru vegna samkvæmishávaða í heimahúsum og töluvert af fólki í miðbænum. Tilkynnt var í gærkvöld um mann sem neitaði að yfirgefa hús þar sem að hann var gestkomandi. Maðurinn sem var talsvert ölvaður brást illa við afskiptum lögreglu. Maðurinn var handtekinn og fluttur á lögreglustöðina þar sem hann var látinn sofa úr sér.
Lögregla hafði afskipti af nokkrum ökumönnum þar sem þeir virtu ekki leyfilegan hámarkshraða. Lögregla hafði einnig afskipti af ökumanni á Glerárgötu sem ók bifreið þrátt fyrir að vera sviptur ökuréttindum. Haft var afskipti af öðrum ökumanni þar sem hann sýndi gáleysislegt aksturslag fyrir framan skemmtistað í bænum.
Í kringum miðnætti var tilkynnt um hópslagsmál á Strandgötu við Eimskipsbryggjuna. Þar hafði hópur manna komið saman til að gera upp einhvern ágreining. Grunur er um að í látunum hafi verið ekið á tvo aðila sem voru á staðnum en þeir kenndu til eymsla í fæti og baki. Grunur er um að einn úr hópnum hafi notað heimatilbúna kylfu í slagsmálunum. Hald var lagt á kylfuna sem var gerð úr röri og var um 80 sm löng. Málið í rannsókn.
Lögreglumenn á göngueftirliti í miðbæ Akureyrar höfðu afskipti af manni sem kastaði af sér vatni við skemmtistað í miðbænum. Maðurinn létti af sér á rúðuna þannig að stór hluti gesta skemmtistaðarins urðu vitni að þessu athæfi mannsins. Maðurinn má búast við kæru vegna brots á lögreglusamþykkt. Höfð voru afskipti af tveimur drengjum sem reyndu að koma sér inn á skemmtistað með því að nota skilríki annarra. Talsvert var um tilkynningar vegna samkvæmishávaða í heimahúsum eftir að skemmtistöðum bæjarins hafði lokað.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.