Mikil tækifæri í áliðnaði og tengdum greinum
Á íbúafundi sem haldinn var hjá Fjarðaáli í gær, sunnudag, kom fram í máli Þorsteins Víglundssonar, framkvæmdastjóra Samáls, Samtaka álframleiðenda á Íslandi, að mikil tækifæri felist í áliðnaði og tengdum greinum fyrir Ísland ef rétt er á málum haldið. Þorsteinn fór yfir sögu áliðnaðar í landinu, en um tvö prósent heimsframleiðslu á áli koma frá Íslandi, eða um 800 þúsund tonn á ári. Þorsteinn sagði áhrif áliðnaðarins hafa haft margvísleg jákvæð afleidd áhrif á atvinnulíf landsmanna, dæmi um þau sé þróun klasamyndunar fyrirtækja sem sérhæfa sig í þjónustu við áliðnaðinn, þar sem íslenskt hugvit sé m.a. orðin útflutningsvara. Benti Þorsteinn á að ef horft væri til klasamyndunar í sjávarútvegi væri ljóst að umtalsverð tækifæri felist í frekari þróun íslenska álklasans.
Um horfur í áliðnaði á næstu árum sagði Þorsteinn að nokkrir meginþættir myndu knýja vöxt iðnaðarins í heiminum. Meðal þeirra sé fyrirsjáanleg mikil aukning á notkun áls í Kína og á Indlandi samfara mannfjölgun og aukinni velmegun almennings í löndunum. Þá muni þörfin fyrir léttari málma í samgönguiðnaði heimsins, ekki síst bílaframleiðslu, kalla á meiri notkun áls til að draga úr losun gróðurhúsalofttegunda, en þar leikur ál lykilhlutverk vegna léttleika síns og mikillar sjálfbærni, en um 70 prósent áls sem framleitt hefur verið frá upphafi er enn í notkun.
Þorsteinn sagði að vegna þróunar eftirspurnar á næstu árum muni álfyrirtækin huga að stofnun eða stækkun álvera sinna í Kína, á Indlandi og í Miðausturlöndum, einnig í Kanada og Bandaríkjunum vegna lækkandi orkuverðs þar. Hins vegar muni samdráttur í álframleiðslu í Evrópu halda áfram, einkum vegna hækkandi raforkuverðs og aukins fjárfestingarkostnaðar.
Þorsteinn sagði að lokum að gagnrýnendur áliðnaðar bentu gjarnan á mikilvægi þess að skoða aðra kosti í orkufrekum iðnaði en álframleiðslu. Af því tilefni nefndi Þorsteinn til sögunnar 55 aðra kosti sem yfir fjöldi aðila hafi skoðað með reglulegu millibili allt frá árinu 1961. Aðrir kostir hafi því svo sannarlega verið skoðaðir og sumir orðið að veruleika, svo sem Þörungaverksmiðjan á Reykhólum, nýhafin eldsneytisframleiðsla og fleira.
Á fundinum var jafnframt farið yfir helstu mæliniðurstöður í mengunarmálum fyrir árið 2011, en þær sýna mjög góðan árangur. Geir Sigurpáll Hlöðversson framkvæmdastjóri umhverfis-, heilsu- og öryggismála Fjarðaáls, fór yfir niðurstöðurnar. Þær sýna m.a. að heildarflúorlosun frá framleiðslunni voru 0,22 kílógrömm á hvert framleitt tonn af áli, sem er um 37% minna en heimilt er í starfsleyfi. Losun PFC(perflúorsambönd) er einungis um 50% þess sem heimilt er. Einnig kom fram að 99,6% aukaafurða voru endurunnin á síðasta ári og einungis 0,4% voru urðuð, eða sem nemur 170 tonnum. Þetta kemur fram í fréttatilkynningu frá Fjarðaáli.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.