Marokkóskur lambapottréttur og saltfisksalat
Arnbjörg Sigurðardóttir lögmaður á lögmannsstofunni Strandgötu 29, tók áskorun mágkonu sinnar Höllu Einarsdóttur og er hér mætt með girnilegar uppskriftir í matarkrók vikunnar. Ég er voða hrifin af Norður-afrískum mat. Það er oft svo margslungið bragð að honum, sætt og súrt og alls konar skemmtileg krydd. Þess vegna ákvað ég að vera með uppskrift að gómsætum marokkóskum lambapottrétti. Vinnan við hann er fljótleg og einföld en maður þarf hins vegar gera ráð fyrir tíma til að marinera kjötið og til að láta þetta malla í tvo tíma þannig að þetta er ekki svona réttur sem maður ákveður á síðustu stundu að hafa. Og af því að sumarið er vonandi rétt handan við hornið er ég líka með uppskrift að sumarlegu saltfisksalati sem hefur fallið vel í kramið í veislum hjá okkur. Þetta salat er líka frábært að taka með á fallegan stað í lautarferð eða borða úti á palli í sólskini, segir Arnbjörg.
Marokkóskur lambapottréttur með möndlum og apríkósum
1,2 kg lambakjöt í bitum
1 tsk. af hverju kryddi: engifer, kanill, svartur pipar
½ tsk. af hverju: túrmerik, cayenne pipar, kardimommur, kóríander, múskat og negull
½ bolli vatn
3 msk. smjör
2 laukar, saxaður
4-5 hvítlauksrif, smátt söxuð
2 kanilstangir
3 bollar kjúklingasoð
1½ bolli þurrkaðar apríkósur skornar í bita
1½ bolli heilar möndlur, án hýðis
1/3 bolli hunang
1-3 msk. sítrónusafi
3-5 gulrætur í sneiðum
½ bolli fersk söxuð steinselja
Hrærið engifer, kanil, pipar, turmerik, cayenne pipar, kardimommur, kóríander, múskat, negul og vatn saman í skál. Bætið kjötinu saman við og dreifið kryddinu vel á. Setjið í lokað ílát og geymið í ísskáp yfir nótt.
Bræðið smjör, helst í þykkbotna potti. Setjið lauk, hvítlauk og kanilstangir út í og leyfið þessu að krauma aðeins við frekar lágan hita þar til eldhúsið fyllist góðum ilmi. Bætið kjötinu út í og svo kjúklingasoðinu. Náið upp suðu og fleytið froðu ofan af. Lokið pottinum og látið þetta malla við vægan hita í svona einn og hálfan tíma. Bætið smá við vatni á suðutímanum ef þörf krefur.
Setjið apríkósur, möndlur, hunang og gulrætur út í og sjóðið án loks í u.þ.b. hálftíma og hrærið reglulega. Sósan á að verða eins og hálfgerður sírópsgljái. Smakkið til með sítrónusafanum. Takið pottinn af eldavélinni, hrærið saxaðri ferskri steinselju saman við og berið fram með kúskús og góðu salati.
Saltfisksalat
400 g soðnar kartöflur, sneiddar
200 g soðinn saltfiskur, í bitum
1 rauð og 1 gul paprika, í strimlum
4 stórir tómatar, skornir í þunna báta
1 stór rauðlaukur, hálfir hringir
1 bolli grænar ólífur
½ steinseljubúnt, klippt aðeins niður en ekki mjög smátt
Sósa (allt hrært vel saman):
½ dl. extra virgin ólífuolía
1 msk. vatn
1 msk. hvítvínsedik
1 tsk. nýmalaður svartur pipar
Raðið kartöflusneiðunum í víða skál og dreypið smá sósu yfir. Setjið saltfiskinn yfir og leggið svo tómata, papriku og rauðlauk í lögum þar ofan á. Hellið sósunni yfir allt saman, dreifið svo ólífum yfir og loks steinselju. Gott að hafa snittu- eða hvítlauksbrauð með og hvítvínstár spillir ekki.
Nýjast
-
Krabbameinsfélag Akureyrar og nágrenni og Ferðafélag Akureyrar Leið til að njóta náttúru og samveru
Krabbameinsfélag Akureyrar og nágrennis í samstarfi við Ferðafélag Akureyrar ætlar að bjóða upp á tvær göngur í maí og júní. Göngurnar eru fyrir einstaklinga sem greinst hafa með krabbamein og aðstandendur. -
Samorkuþing fjölmenn ráðstefna í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. -
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu