Mæurdagar handan við hornið
Mæsrudagar eru bráðlega og tími til komin að,,,,,,skreyta!
Mærudagar eru ein af skemmtilegustu hefðum Húsavíkur og stemningin byrjar löngu áður en hátíðin sjálf hefst. Þegar fánarnir, litirnir og skreytingarnar fara að birtast um bæinn vitum við að Mærudagar eru að nálgast.
Á hverju ári hafa sjálfboðaliðar úr hverfisnefndum lagt mikla vinnu í að skreyta bæinn og skapa þá einstöku hátíðarstemningu sem svo margir tengja við Mærudaga. Undanfarin ár hefur hópurinn hins vegar farið minnkandi og því vantar fleiri hendur til að halda þessari fallegu hefð áfram. Með þáttöku íbúa og lifir þessi fallega hefð áfram og saman getum við skapað þá einstöku Mærudagastemningu sem svo margir kunna að meta.
Við ætlum að skreyta fimmtudaginn 16. júlí og föstudaginn 17. júlí og stefnum á að hefja vinnu fyrir hádegi, um kl. 10.
Hvort sem þú getur hjálpað í stutta stund eða lengur skiptir það máli. Allar hendur, stórar sem smáar, skiptir máli og öll aðstoð er hjartanlega vel þegin.
Ef þú vilt vera með geturðu sent tölvupóst á nele@nordurthing.is, svo reynum við að samræma verkefnin. Þú getur líka einfaldlega komið og slegist í hópinn þar sem þú sérð okkur að störfum.
Vefur Norðurþings sagði frá
Nýjast
-
Mæurdagar handan við hornið
Mærudagar eru ein af skemmtilegustu hefðum Húsavíkur og stemningin byrjar löngu áður en hátíðin sjálf hefst. Þegar fánarnir, litirnir og skreytingarnar fara að birtast um bæinn vitum við að Mærudagar eru að nálgast. -
Axel Flóvent treður upp í Samkomuhúsinu
Axel Flóvent nálgast sköpun líkt og lífið sjálft – með flæði, opnum huga og í stöðugri þróun. Með ljóðrænum þjóðlagatón og tilfinningaríkri alt-pop nálgun fangar hann minningar og augnablik í lagi og texta. Á laugardag nk. spilar Axel í Samkomuhúsinu á Húsavík góða blöndu af gömlu og nýju óútgefnu efni, tónleikarnir hefjast klukkan 20:00 -
Strætó leggur sitt af mörkum um versló
Alls kyns aukaleiðir verða í boði með Strætisvögnum Akureyrar um verslunarmannahelgina í því skyni að draga úr umferð einkabíla og koma fólki öruggu til síns heima að lokinni skemmtidagskrá helgarinnar. -
Leita að nýju svæði fyrir smáhýsi
Skipulagsráð hefur falið skipulagsfulltrúa að gera úttekt á mögulegum staðsetningum fyrir tvö ný smáhýsi, til viðbótar við þau þrjú svæði sem nú eru í undirbúningi. Skipulagsráð vísar málinu jafnframt til umhverfis- og mannvirkjaráðs til skoðunar. -
Stefnum á svikalaust sumarfrí - það er skemmtilegra
Mikill meirihluti Íslendinga hefur orðið fyrir svikatilraun á neti eða í síma á síðustu árum. Mun færri hafa tapað fjármunum í hendur svikahrappa, en vandinn er engu að síður viðvarandi. Nú þegar sumarfrí standa sem hæst er ekki síður mikilvægt að vera á varðbergi, þar sem svikahrappar tvíeflast þegar fríin ganga í garð. -
Sumarstarfsmenn setja skemmtilegan svip á starfsemina
Á sjötta tug ungmenna eru ráðin til starfa yfir sumartímann í vinnsluhúsum Samherja á Dalvík og Akureyri til að leysa af fastráðið starfsfólk vegna sumarleyfa. Þetta er svipaður fjöldi og undanfarin ár. Í hvoru húsi starfa um eitt hundrað og tuttugu manns, þannig að hlutfall sumarstarfsfólks er nokkuð hátt þessar vikurnar. -
Mömmur og möffins falla niður en safna framlögum
„Það er mjög leiðinlegt að þetta hafi farið svona,” segja þær Bryndís Hauksdóttir og Sigríður Pedersen sem haldið hafa um stjórnartauma á viðburðinum Mömmur og möffins um verslunarmannahelgi á Akureyri undanfarin ár. Þær hafa ekki tök á því nú og fékkst enginn til að taka um stjórnartauma þannig að viðburðinn fellur niður í ár. -
Bætt aðstaða fyrir Skíðafélagið í Hlíðarfjalli Mikilvægt að huga að öðrum félögum líka
„Nú þegar ákveðið hefur verið að ráðast í framkvæmdir til að tryggja Skíðafélagi Akureyrar nauðsynlega félagsaðstöðu er brýnt að hefja undirbúning á framkvæmdum fyrir önnur félög sem halda úti þróttmiklu barna- og unglingastarfi á borð við Ungmennafélag Akureyrar og Sundfélagið Óðinn og hafa enga eða óboðlega félagsaðstöðu,“ segir í bókun Sindra S. Kristjánssonar S-lista og Jönu Salóme Ingibjargar Jósepsdóttur V-lista sem lögð var fram á fundi bæjarráðs. -
Sumarbúðirnar færa birtu og yl í sál og sinni. Ástjörn 80 ára
Það var afar ánægjulegt að fara í 80 ára afmæli sumarbúðanna við Ástjörn sunnudaginn 12. júlí og rifja upp góðar stundir frá ljúfri sumardvöl á fallegum og kærleiksríkum stað í Kelduhverfi sumrin 1987 og 1988 sem ég minnist með miklum hlýhug. Það var mikil upplifun fyrir ungan dreng að fara þangað til sumardvalar, mánuð í senn, kynnast nýjum vinum, njóta náttúrunnar, og verða örlítið meira fullorðinn í hjarta og sál. Nú til dags er dvöl í sumarbúðum orðin mun styttri, fyrir mig var þó tíminn fljótur að líða í mánaðardvöl enda nóg við að vera.
