Lýsa yfir miklum áhyggjum af stöðu heilsugæslulækna við HAK
Bið eftir tímum hjá heimilislæknum hefur að meðaltali rúmlega tvöfaldast frá 2008. Mynd: Hörður Geirsson.
Læknaráð Heilsugæslustöðvarinnar á Akureyri hefur sent Guðbjarti Hannessyni velferðarráðherra áskorun, þar sem lýst er yfir miklum áhyggjum af stöðu heilsugæslulækna við stöðina og aðgengi íbúa að öruggri þjónustu heimilislækna. Í kjölfar niðurskurðar hefur aðsókn íbúa aukist sem lýsir sér best í vaxandi bið eftir tímum hjá heimilislæknum. Hefur biðtími að meðaltali rúmlega tvöfaldast frá 2008. Heilsugæslan hefur ekki farið varhluta af niðurskurði og fer starfsmönnum stöðvarinnar enn fækkandi af þeim sökum. Mikill samdráttur í starfsemi FSA og fækkun hjúkrunarrýma á svæðinu hefur haft þau áhrif að sífellt fleiri erindum er beint til heimilislækna. Þá er aðgengi að sérgreinalæknum ólíkt minna hér á Akureyri en á höfðuborgarsvæðinu, og eykur það enn frekar þörfina fyrir heimilislækna. Heilsugæslulæknar á Akureyri eru að sinna fleiri verkefnum og fleiri íbúum en staðan í dag leyfir. Álagið á lækna er orðið þannig að reyndustu heimilislæknarnir eru komnir að þolmörkum. Samlög lækna eru löngu full og læknum ekki gert kleift að sinna störfum sínum sem skyldi. Slíkt getur grafið undan sambandi lækna og sjúklinga, og þjónustunni sem veitt er. Yngri læknar telja að þetta séu vinnuaðstæður sem ekki verði unað við og hætta er á að við missum framtíðarfólk frá okkur vegna óviðunandi vinnuálags. Læknaráð HAK skorar á heilbrigðisráðherra að gera heilsugæslunni fjárhagslega kleift að ráða fleiri lækna sem fyrst til að geta sinnt íbúum á viðunandi hátt og gera vinnuumhverfi heimilislækna ásættanlegt. Læknaráð hefur fullan skilning á erfiðri aðstöðu en bendir á að forgangsröðun fjármagns þurfi að endurspegla viljann í orði til eflingar grunnþjónustu, segir ennfremur í áskorun læknaráðs HAK.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
