Lokasprettur í leiðsögunámi Símenntun Háskólans á Akureyri
Hluti af hópnum ásamt Ingibjörgu Elínu kennara í Jólagarðinum í desember 2025. Myndir SMHA
Nú styttist óðum í lok leiðsögunámsins hjá SMHA og nemendur farnir að hlakka til að útskrifast eftir krefjandi og lærdómsríkt nám. Aðeins ein staðlota er eftir og markar hún lokasprettinn áður en náminu lýkur formlega.
Í komandi staðlotu verður megináhersla á skyndihjálp, sem er lykilþáttur í fagmennsku leiðsögumanna, auk kynninga frá fjölbreyttum fyrirtækjum og stofnunum á svæðinu. Þar má nefna frumkvöðlastarf hjá Drift, græna orku og bætta auðlindanýtingu hjá Eimi, frárennslismál sveitarfélagsins og fræðslu um stjörnuhiminninn og norðurljós – svo eitthvað sé nefnt. Með þessum hætti fá nemendur dýpri innsýn í samfélagið, innviði og nýsköpun á svæðinu og styrkja skilning sinn á því hvernig ólíkir þættir móta upplifun ferðamanna.
Staðlotur skipta miklu máli í leiðsögunáminu. Þær gefa nemendum tækifæri til að kynnast stöðum og aðgengi í eigin persónu, æfa framkomu og miðlun á vettvangi og mynda sterk tengsl sín á milli. Ekki síður eru staðlotur mikilvægur vettvangur til að efla tengslanet við ferðaþjónustuna og aðra hagaðila.
Í desember- og janúarlotu var nærumhverfið í brennidepli. Nemendur heimsóttu kirkjur, söfn og fjölbreytt ferðaþjónustufyrirtæki í Eyjafirði þar sem saga, menning og starfsemi svæðisins voru skoðuð í samhengi við hlutverk leiðsögumannsins. Stemningin var góð, kennarar buðu upp á heitt súkkulaði og piparkökur í fallegu rjóðri í Eyjafjarðasveit og lá leiðin meðal annars á Minjasafnið í lok dags.
Kennarar buðu upp á heitt súkkulaði og piparkökur í fallegu rjóðri í Eyjafjarðarsveit.
Nú tekur við lokakafli námsins þar sem nemendur safna saman reynslu sinni og undirbúa næstu skref á starfsvettvangi leiðsögumanna – vel undirbúin, tengd greininni og með sterkan faglegan grunn.
Stutt er í að skráning opni fyrir næsta hóp í námið, en námið fer af stað í janúar 2027.
Nýjast
-
Lokasprettur í leiðsögunámi Símenntun Háskólans á Akureyri
Nú styttist óðum í lok leiðsögunámsins hjá SMHA og nemendur farnir að hlakka til að útskrifast eftir krefjandi og lærdómsríkt nám. Aðeins ein staðlota er eftir og markar hún lokasprettinn áður en náminu lýkur formlega. -
Klassavottun flotkvíar Slippins Akureyri endurnýjuð af Bureau Veritas
Klassavottun flotkvíar Slippins Akureyri frá alþjóðlega flokkunarfélaginu Bureau Veritas hefur verið endurnýjuð. Með endurnýjuninni er staðfest að kvíin uppfylli áfram strangar kröfur um öryggi, ástand og rekstur. -
Matreiðslunemar frá VMA á Spáni
Sex nemendur í 2. bekk í matreiðslunámi í VMA voru í síðustu viku í námsferð í verknámsskóla í Móstoles í útjaðri Madríd á Spáni. Ferðin var styrkt af Erasmus+ styrkjaáætlun ESB og einnig styrktu hana Klúbbur matreiðslumeistara á Norðurlandi og Kjarnafæði-Norðlenska. Með í för voru kennararnir Ari Hallgrímsson og Harpa Friðriksdóttir, Unnur Ása Atladóttir sviðsstjóri iðn- og starfsnáms í VMA og matreiðslumeistarinn Einar Gauti Helgason á Vitanum mathúsi á Akureyri. -
Hængsfélagar heiðra Braga og Alla
Félagar í Lionsklúbbnum Hæng á Akureyri héldu góugleði sína með pomp og prakt á dögunum. -
Eðlilegra hefði verið að halda stöðugleika í yfirstjórn við erfiðar aðstæður
Fagráð Sjúkrahússins á Akureyri ályktar um brotthvarf Hildigunnar Svavarsdóttur fyrrverandi forstjóra SAk. -
Hlynur Jóhannsson bæjarfulltrúi leiðir lista Miðflokksins á Akureyri
Hlynur Jóhannsson, íþróttakennari, bæjarfulltrúi og rekstrarstjóri, leiðir lista Miðflokksins í komandi sveitarstjórnarkosningum. Inga Dís Sigurðardóttir, náms- og starfsráðgjafi er í öðrui sæti. Þau tvö skipuðu einmitt þessi sömu sæti við sveitarstjórnarkosningarnar fyrir tæpum fjórum árum Egill Einarsson, verslunarmaður skipar þriðja sæti, Katrín Vilhjálmsdóttir, snyrtifræðingur og sjúkraliði það fjórða. Hannes Karlsson, framkvæmdastjóri er í fimmta sæti og í þvi sjötta Sigurbjörg Níelsdóttir, skrifstofustjóri. -
Komu heim með tvö gull og þrjú brons
Meistaramót Íslands í frjálsum íþróttum var haldið í Laugardalshöll nýverið og komu fulltrúar frá Ungmennafélagi Akureyrar heim með með tvö gull og þrjú brons. -
Fjölskyldufyrirtæki heimsmeistari í steiktum fiski
Unnur segir verðlaunin hafa gríðarlega þýðingu fyrir fjölskyldufyrirtækið og sé staðfesting á því að það borgi sig búa sér til sína eigin gæðastaðla og halda sig við þá. -
Saga sjómanna..........og sjómannskvenna.
Á undanförnum árum hefur vart liðið sá dagur í mínu lífi að ég setji ekki niður einhverjar hugleiðingar um sögu sjómanna, sögu útgerðar og nauðsyn þess að varðveita þessu merku sögu í mannkynssögu okkar Akureyringa.
