Matreiðslunemar frá VMA á Spáni
Matreiðslunemarnir sex í ferðinni. Með þeim á myndinni eru Harpa Friðriksdóttir og Unnur Ása Atladóttir. Mynd: Ari Hallgrímsson
Sex nemendur í 2. bekk í matreiðslunámi í VMA voru í síðustu viku í námsferð í verknámsskóla í Móstoles í útjaðri Madríd á Spáni. Ferðin var styrkt af Erasmus+ styrkjaáætlun ESB og einnig styrktu hana Klúbbur matreiðslumeistara á Norðurlandi og Kjarnafæði-Norðlenska. Með í för voru kennararnir Ari Hallgrímsson og Harpa Friðriksdóttir, Unnur Ása Atladóttir sviðsstjóri iðn- og starfsnáms í VMA og matreiðslumeistarinn Einar Gauti Helgason á Vitanum mathúsi á Akureyri.
Fyrir tæpu ári komu tveir gestakennarar frá þessum skóla í Móstoles í heimsókn í VMA og kynntu sér skólastarfiið og eitt og annað í íslenskri matarhefð. Þannig komust á góð tengsl við þennan skóla, sem ber heitið CIFP Simone Ortega Escuela de Hostelería y Turismo. Í skólanum er kennd matreiðsla og framreiðsla og einnig er þar ferðamálabraut.
Framangreind sendinefnd VMA flaug í beinu flugi frá Akureyri til London laugardaginn 28. febrúar sl. og kom heim aftur til Akureyrar með Eeasy Jet frá London sl. laugardag, 7. mars. Tvær nætur var gist í London, bæði á leiðinni til Madríd og á heimleiðinni.
Hópurinn flaug sem sagt frá London til Madríd 1. mars og daginn eftir lá leiðin í skólann í Móstoles þar sem gafst tækifæri til þess að kynnast einu og öðru í spænskri matargerð og brugðu VMA-nemar sér að sjálfsögðu í kokkagallana og tóku til hendinni. Skólinn var heimsóttur frá mánudegi til fimmtudags. Þar er m.a. starfrækt bakarí og þrjá daga í viku er matur seldur á kostnaðarverði. Það nýta sér m.a. eldri borgarar sem búa í nágrenni skólans.
Svo skemmtilega vildi til að á meðan á dvölinni stóð átti stórliðið Real Madríd heimaleik gegn Getafe á þeim fræga velli Santiago Bernabéu, sem tekur um áttatíu þúsund manns í sæti. Nokkrir knattspyrnuþyrstir úr hópnum brugðu sér á völlinn og urðu vitni að því að Real tapaði þessum heimaleik 0-1, sem fór að vonum miður vel í blóðþyrsta áhangendur Real. Einnig gafst hópnum tækifæri til þess að fara á einskonar leikhústónleika þar sem bresku hljómsveitinni Queen voru gerð skil í máli og tónum.
Ari Hallgrímsson brautarstjóri matvælabrautar VMA segir að almenn ánægja hafi verið með þessa ferð. Vel hafi verið tekið á móti hópnum og viðgjörningur allur hinn besti. Hann segir ánægjulegt að koma á samskiptum milli landa með þessum hætti og áfram verði VMA í góðu sambandi við þennan spænska skóla því í næsta mánuði sé von á tveimur kennurum af ferðamálabraut hans til Akureyrar.
vma.is sagði frá
Nýjast
-
Matreiðslunemar frá VMA á Spáni
Sex nemendur í 2. bekk í matreiðslunámi í VMA voru í síðustu viku í námsferð í verknámsskóla í Móstoles í útjaðri Madríd á Spáni. Ferðin var styrkt af Erasmus+ styrkjaáætlun ESB og einnig styrktu hana Klúbbur matreiðslumeistara á Norðurlandi og Kjarnafæði-Norðlenska. Með í för voru kennararnir Ari Hallgrímsson og Harpa Friðriksdóttir, Unnur Ása Atladóttir sviðsstjóri iðn- og starfsnáms í VMA og matreiðslumeistarinn Einar Gauti Helgason á Vitanum mathúsi á Akureyri. -
Hængsfélagar heiðra Braga og Alla
Félagar í Lionsklúbbnum Hæng á Akureyri héldu góugleði sína með pomp og prakt á dögunum. -
Eðlilegra hefði verið að halda stöðugleika í yfirstjórn við erfiðar aðstæður
Fagráð Sjúkrahússins á Akureyri ályktar um brotthvarf Hildigunnar Svavarsdóttur fyrrverandi forstjóra SAk. -
Hlynur Jóhannsson bæjarfulltrúi leiðir lista Miðflokksins á Akureyri
Hlynur Jóhannsson, íþróttakennari, bæjarfulltrúi og rekstrarstjóri, leiðir lista Miðflokksins í komandi sveitarstjórnarkosningum. Inga Dís Sigurðardóttir, náms- og starfsráðgjafi er í öðrui sæti. Þau tvö skipuðu einmitt þessi sömu sæti við sveitarstjórnarkosningarnar fyrir tæpum fjórum árum Egill Einarsson, verslunarmaður skipar þriðja sæti, Katrín Vilhjálmsdóttir, snyrtifræðingur og sjúkraliði það fjórða. Hannes Karlsson, framkvæmdastjóri er í fimmta sæti og í þvi sjötta Sigurbjörg Níelsdóttir, skrifstofustjóri. -
Komu heim með tvö gull og þrjú brons
Meistaramót Íslands í frjálsum íþróttum var haldið í Laugardalshöll nýverið og komu fulltrúar frá Ungmennafélagi Akureyrar heim með með tvö gull og þrjú brons. -
Fjölskyldufyrirtæki heimsmeistari í steiktum fiski
Unnur segir verðlaunin hafa gríðarlega þýðingu fyrir fjölskyldufyrirtækið og sé staðfesting á því að það borgi sig búa sér til sína eigin gæðastaðla og halda sig við þá. -
Saga sjómanna..........og sjómannskvenna.
Á undanförnum árum hefur vart liðið sá dagur í mínu lífi að ég setji ekki niður einhverjar hugleiðingar um sögu sjómanna, sögu útgerðar og nauðsyn þess að varðveita þessu merku sögu í mannkynssögu okkar Akureyringa. -
Helena leiðir í Norðurþingi
„ Ég er þakklát fyrir traust Sjálfstæðisfólks í Norðurþingi til að leiða lista flokksins í komandi sveitarstjórnarkosningum í Norðurþingi og ég hlakka til samstarfsins við þennan öfluga hóp sem skipar listann... -
Kristnesspítali – Kjarnastarfsemi í hættu vegna innviðaskuldar
Sjúkrahúsið á Akureyri (SAK) gegnir lykilhlutverki í heilbrigðisþjónustu Norðurlands. Innan vébanda þess starfar Kristnesspítali, sem um áratugaskeið hefur verið hornsteinn sérhæfðrar endurhæfingar í landshlutanum. Þar hefur skapast þekking og samfella í faglegu umhverfi sem skiptir sköpum fyrir einstaklinga sem þurfa á markvissri endurhæfingu að halda svo þeir geti aftur orðið virkir einstaklingar í samfélaginu.
