Lokaorðið - Miðbærinn á Akureyri
Tryggvi Gunnarsson átti Lokaorðið í blaðinu s.l. fimmtudag.
„Sæll vinur minn, ertu ekki að vinna í miðbænum?“ sagði gamall félagi sem ég hafði ekki séð lengi. „Jú,“ svaraði ég stoltur. „Er eitthvað líf í miðbænum?“ „Já, heldur betur“ og bætti svo við „en það mætti vera meira.“
Fallegi miðbærinn okkar á skilið fleiri heimsóknir. Hann nefnilega getur tekið endalaust við fólki sem sér fegurðina í fallegum byggingum, góðum veitingastöðum, kaffihúsum, börum og verslunum og ekki má gleyma nýja bakaríinu, sem kom í stað Kristjánsbakarís. Við sem vinnum í miðbænum erum dugleg að heimsækja bakaríið, það er eitthvað við það að skottast í bakaríið þegar löngun í eitthvað sætt tekur völdin.
Ég viðurkenni að þessi löngun kemur oft upp hjá mér og til þess að friða samvisku mína á ég það til að draga vinnufélaga mína inn í þennan hugarheim sem er fullur af sætu brauði. Ég hef oft staðið upp hróðugur frá skrifborðinu mínu til að fara í bakaríið og kaupa eitthvað sætt handa mér og vinnufélögunum. Ein ferð í bakaríið stendur þó upp úr. Fyrir nokkrum misserum þramma ég af stað í bakaríið.
„Nú skal koma vinnufélögum á óvart, nú verður góður slatti af sætu brauði,“ hugsa ég með mér. Þegar ég kem inn í bakaríið tekur ung afgreiðslukona á móti mér með fallegu brosi. Ég leit í kringum mig til vera viss að hún væri að brosa til mín. Það kom ekkert annað til greina þar sem ég var einn í bakaríinu. Ég brosi á móti, býð henni góðan daginn og ber upp erindið. Ég ætla að fá eina vínarbrauðslengju, fjóra snúða, og sex kleinuhringi, takk.
Unga afgreiðslukonan horfir á mig og spyr, ætlar þú að borða hér?
Nýjast
-
Lokaorðið - Miðbærinn á Akureyri
„Sæll vinur minn, ertu ekki að vinna í miðbænum?“ sagði gamall félagi sem ég hafði ekki séð lengi. „Jú,“ svaraði ég stoltur. „Er eitthvað líf í miðbænum?“ „Já, heldur betur“ og bætti svo við „en það mætti vera meira.“ -
Húsavík Framkvæmdir við frístund og félagsmiðstöð á áætlun
Norðurþing vinnur nú að uppbyggingu húsnæðis undir frístund og félagsmiðstöð á Húsavík. Um er að ræða stærstu einstöku framkvæmd sveitarfélagsins í tugi ára en heildarkostnaður er áætlaður um 750-800 millj.kr. Húsið er reist sem viðbygging við Borgarhólsskóla, alls um 900 fm á tveimur hæðum. Trésmiðjan Rein ehf. er aðalverktaki og hefur með sér nokkra undirverktaka sem flestir eru heimamenn. Belkod ehf. hefur eftirlit með verkinu en hönnuðir eru Basalt arkitektar. -
Ekki verði vinnsluskylda á byggðakvóta í Grímsey
Bæjarráð Akureyrar hefur óskað eftir því að vinnsluskylda á byggðakvóta verði felld niður í sérreglum Akureyrarbæjar um úthlutun byggðakvóta í Grímsey. -
Brimsölt handboltastemning um borð í Björgúlfi EA 312
Starfsfólk Samherja sem hafði tök á – bæði til sjós og lands - fylgdist spennt með er „Strákarnir okkar“ mættu Króötum Dags Sigurðssonar í fyrsta leik beggja liða í milliriðlum EM í handbolta í gær. -
Sæluhús vilja fjölga gistirýmum um 180
Skipulagsráð Akureyrar hefur tekið jákvætt í erindi frá Sæluhúsum á Akureyri sem reka gistiþjónustu við Búðartröð, en þeir sækja um breytingu á deiliskipulagi á lóð númer 2 við Búðartröð. -
Vettvangsliðanámskeið í Grímsey
Vettvangsliðanámskeið á vegum Sjúkraflutningaskólans var haldið í Grímsey nýverið að beiðni Heilbrigðisstofnunar Norðurlands. -
Aldrei fleiri samtöl vegna sjálfsvígshugsana
Á síðasta ári var 1.728 sinnum haft samband við 1717, Hjálparsíma Rauða krossins, vegna sjálfsvígshugsana sem er oftar en nokkru sinni áður. Árið 2024 voru slík samtöl 1.035 talsins og er aukningin milli ára því 67%. „Þrátt fyrir að hafa reglulega yfir árið tekið saman tölur um fjölda sjálfsvígssamtala sem berast 1717, og vera meðvituð um að samtölin hafa verið að þyngjast og verða alvarlegri, þá er okkur brugðið yfir heildarsamantekt ársins,“ segir Elfa Dögg S. Leifsdóttir, sálfræðingur og teymisstjóri heilbrigðisverkefna hjá Rauða krossinum. -
Akureyrarbær og Tónræktin Samningur um tónlistarfræðslu
Undirritaður hefur verið samstarfssamningur milli Akureyrarbæjar og Tónræktarinnar um styrk til tónlistarfræðslu fyrir ungt fólk. Markmið samningsins er að efla og styðja tónlistarnám ungs fólks í bænum og bjóða upp á fjölbreyttari námsleiðir, sem eykur aðgengi að skapandi námi. -
Gistirými eykst á Akureyri
Akureyri, höfuðstaður Norðurlands, gengur nú í gegnum mikla breytingu hvað varðar framboð á gistingu. Stóru hótelin, Berjaya Iceland Hotels og Hótel Kea hafa verið burðarásar í þessum rekstri árum saman og eru í fullum rekstri.