Lokaorðið - Bollaleggingar um umburðarlyndi
Tryggvi Gunnarsson átti Lokaorðið í blaðinu s.l fimmtudag.
Síðustu vikur hér á Akureyri hafa verið frábærar. Bærinn okkar fyllist af fólki sem er vel. Að vísu fyllist bærinn alltaf af fólki um hverja helgi á sumrin og jafnvel yfir dimmasta tíma ársins er bærinn okkar fullur af fólki. Hver ætli sé ástæðan fyrir því að fólk vilji koma til okkar?
Ekki veit ég svarið enda hef ég hef ég ekki lagt mig í líma að finna það. En eitt get sagt ykkur að ég á mínar helgar og vikur í mínum fallega bæ. Um miðjan júní mæta til okkar menntskælingar sem eru að halda upp á menntun sína með ýmsum hætti. Áralöng hefð sem við bæjarbúar getum verið stolt af. Á sama tíma kemur í bæinn fólk á skipulagða bíladaga sem líka er orðin áralöng hefð.
Í byrjun júlí streymir hingað fólk til okkar í þúsundatali til að leika knattspyrnu á báðum knattspurnusvæðum bæjarins. Þökk sé þeim sem standa vaktina þessar vikur og helgar. Þessar helgar tek ég alltaf frá, þetta eru nefnilega skemmtilegustu helgar ársins að mínu mati. Bærinn tekur vel utan um allt þetta fólk og við bæjarbúar gerum það líka, eða hvað?
Ég er sannfærður um að svo sé, þó svo að einhverjir hafi allt á hornum sér og þá aðallega út í bíladaga. Nú hef ég verið þátttakandi í öllum þessum skemmtilegu uppkomum á einhverjum tímapunkti, og verð ég að segja að þessar helgar hafa skapað margar frábærar minningar fyrir mig og mína fjölskyldu. Já, bara eins og allar aðrar helgar í fallega bænum okkar. Hér er stuð og hér er líf.
Nú er listasumarið byrjað og síðan styttist í Eina með öllu og Akureyrarvöku. „Ég er miklu meira en spenntur,“ eins segir í textanum. Sýnum þeim gestum sem vilja heimsækja bæinn okkar umburðarlyndi.
Gírum okkur í gleðigírinn og verum stolt af bænum okkar í dag, á morgun og alla aðra daga.
Sé ykkur brosandi á Einni með öllu.
Nýjast
-
Lokaorðið - Bollaleggingar um umburðarlyndi
Síðustu vikur hér á Akureyri hafa verið frábærar. Bærinn okkar fyllist af fólki sem er vel. Að vísu fyllist bærinn alltaf af fólki um hverja helgi á sumrin og jafnvel yfir dimmasta tíma ársins er bærinn okkar fullur af fólki. Hver ætli sé ástæðan fyrir því að fólk vilji koma til okkar? -
Styðja við bakið á Tónlistarfélagi Húsavíkur
Stéttarfélögin, Þingiðn, Framsýn og Starfsmannafélag Húsavíkur hafa ákveðið að styðja við bakið á Tónlistarfélagi Húsavíkur sem er nýstofnað óhagnaðardrifið félag og hefur að markmiði að efla tónlistarlíf og menningu í sveitarfélaginu Norðurþingi. -
Akureyringurinn Kolbrún María Bragadóttir lauk námi frá NYU
„Það er kannski ekki alltaf gott veður á Íslandi, en þegar sólin lætur sjá sig finnst mér enginn staður betri en Akureyri,” segir Kolbrún María Bragadóttir sem ólst upp þar í bæ. Hún lauk meistaranámi í tæknilegri stjórnun frá verkfræðideild Tandon við New York háskóla í vor. Þar lagði hún áherslu á Nýsköpun og tæknilega vöruhönnun í námi sínu. Kolbrún María er stúdent frá Menntaskólanum á Akureyri og lauk iðnaðarverkfræði frá Háskóla Íslands árið 2021. Meðfram námi átti handboltinn hug hennar allan, en hún lék á sínum uppvaxtarárum með KA/Þór og hafði mjög gaman af íþróttinni. -
Fuglarnir í Hrísey vakna til lífsins í bútasaumi
„Þetta er stórt skref fyrir mig — að fara út fyrir þægindarammann og bjóða fólki heim í fuglaparadísina okkar. Mig langar að sýna að bútasaumur er listform sem á erindi við alla.“segir Dröfn Teitsdóttir sem opnar fyrstu einkasýningu sína nú um helgina að Hólabraut 4 í Hrísey. -
Afmælishátið Sumartónleika í Akureyrarkirkju i fullum gangi
Sumartónleikar í Akureyrarkirkju eru hafnir, en tónleikaröðin er nú haldin í fertugasta sinn eins og áður hefur komið fram. -
„Við erum full þakklætis og tilhlökkunar“
Opnuðu listagallerí og vinnustofu í miðbæ Húsavíkur -
Miðaldadagar verða haldnir á Gásum um helgina
Miðaldadagar verða haldnir á Gásum um helgina og er dagskráin þétt bæði á laugardag og sunnudag. -
Helga Ösp nýr skógarvörður í Vaglaskógi
Helga Ösp Jónsdóttir hefur tekið við starfi skógarvarðar í Vaglaskógi og er hún fyrsta konan til að gegna slíku starfi hjá opinberri skógræktarstofnun á Íslandi. Hún er menntuð plöntusjúkdómafræðingur og starfaði áður hjá Landi og skógi. Helga segist hafa verið afar vel tekið af starfsfólki sem hún lýsir sem einvalaliði á vef Lands og skóga. -
HSN Rausnarleg gjöf
Geðheilsuteymi barna hjá Heilbrigðisstofnun Norðurlands hefur fengið veglega gjöf frá Lionsklúbbnum Ylfu. Gjöfin samanstendur af skynörvunarvörum og fiktileikföngum sem nýtast vel í meðferð barna og unglinga.
