Lögreglan segir ekki rökstuddan grun í málinu á Tröllaborgum
Lögreglustöðin á Akureyri
Í ljósi umræðu um meint kynferðisbrot gagnvart leikskólabarni sem kom til rannsóknar hjá Lögreglustjóranum á Norðurlandi eystra í ágúst árið 2024 vill lögreglan koma eftirfarandi á framfæri.
Málið var tilkynnt lögreglu af hálfu barnaverndar vegna upplýsinga frá aðstandanda barns á leikskólaaldri um að ungur maður hafi viðhaft óviðeigandi háttsemi gagnvart barni, sem hann þekkti einnig vegna annarra tengsla en sem starfsmaður leikskóla. Rannsókn málsins beindist að kynferðislegri áreitni einkum vegna meintra kossa. Við rannsóknina kom ekkert fram sem studdi framburð aðstandanda. Rannsókn var hætt í málinu í október 2024. Ákvörðun embættisins var kærð til Ríkissaksóknara.
Áður en Ríkissaksóknari hafði tekið afstöðu í málinu komu frekari upplýsingar frá barnavernd um að maðurinn hafi játað kynferðislega áreitni fyrir ættingja sínum líkt og komið hefur fram í fjölmiðlum. Lögregla hóf þá rannsókn á málinu að nýju. Rannsóknin laut að sömu háttsemi og áður. Ekkert kom fram við rannsóknina sem studdi framburð aðstandanda. Rannsókn var hætt í málinu á ný í desember 2024. Ákvörðun embættisins var kærð til Ríkissaksóknara sem staðfesti niðurstöðu lögreglustjóra í apríl 2025.
Barninu var tilnefndur réttargæslumaður vegna rannsóknar málsins í tvígang og nú hefur þriðji lögmaðurinn tekið málið að sér. Lögregla hefur óskað eftir því á fundum með foreldrum að þeir komi nýjum upplýsingum um meint brot á framfæri við lögreglu hafi þeir slíkt. Engar upplýsingar hafa borist. Í málinu liggur ekki fyrir rökstuddur grunur um að maðurinn hafi gerst brotlegur gagnvart barninu.
Lögregla mun ekki tjá sig frekar um málið.
Nýjast
-
Tilboði tekið í byggingu hjúkrunarheimilisins á Húsavík
Framkvæmdasýslan – Ríkiseignir hefur tekið tilboði Pekron ehf., sem lagt var fram fyrir hönd Rafkletts ehf., í byggingu hjúkrunarheimilisins á Húsavík. Með því er kominn á bindandi samningur á milli aðila en tilboðið var metið hagstæðast fyrir kaupanda samkvæmt valforsendum útboðslýsingar. Biðtíma er lokið, engin kæra barst og er nú komið á samningssamband við Pekron ehf. -
Sjö efstu á framboðslista Akureyrarlistans
Akureyrarlistinn hefur lagt fram nöfn þeirra sjö efstu sem skipa framboðslista framboðsins fyrir bæjarstjórnarkosningarnar í vor. -
Lögreglan segir ekki rökstuddan grun í málinu á Tröllaborgum
Í ljósi umræðu um meint kynferðisbrot gagnvart leikskólabarni sem kom til rannsóknar hjá Lögreglustjóranum á Norðurlandi eystra í ágúst árið 2024 vill lögreglan koma eftirfarandi á framfæri. -
Bergmálshellir frambjóðenda
Það fer ekki framhjá neinum að framundan eru sveitastjórnarkosningar. Við opnum ekki samfélags- eða fjölmiðla án þess að greinar birtast og viðtöl eru tekin við frambjóðendur. -
Þrjár nýjar sýningar opnaðar á Listasafninu á Akureyri
Þrjá nýjar sýningar verða opnaðar í Listasafninu á Akureyri á laugadag, 28. mars kl. 15. Þær eru: Saga Íslands: 2. hluti / Eiríkur Páll Sveinsson, Guð Launi þér / Úlfur Logason og Hughrif - litir - form I / valin verk fyrir sköpun og fræðslu. -
Höldur-Bílaleiga Akureyrar hlaut Hvatningarverðlaun VÍS
Höldur – Bílaleiga Akureyrar hlaut verðlaun frá Vís fyrir góðan árangur í markvissu forvarnarstarfi. Forvarnaráðstefna VÍS var haldin á dögunum en yfirskrift ráðstefnunnar í ár var Öryggi á okkar vegum og þemað umferðaröryggi í víðu samhengi. -
Sjö vilja i stól forstjóra SAk
Alls bárust sjö umsóknir um starf forstjóra Sjúkrahússins á Akureyri (SAk) en staðan var auglýst 26. febrúar s.l. -
Eyjafjarðardeild Rauða krossins Fatasala skilaði um 40 milljónum í tekjur
Heildartekjur af fatasölu Eyjafjarðardeildar Rauða krossins voru rétt rúmlega 40 milljónir króna á liðnu ári sem er um 400 þúsund krónum minna en var árið á undan. -
Gjafmildir eru Grímseyingar
Páskarnir eru á næsta leiti og Sigrún Steinarsdóttir hjá Matargjöfum skrifar á Facebook og veltir fyrir sér hvort fólk gæti ekki hugsað sér að gefa páskaegg til að gleðja börnin. Eggin þurfa ekki að vera stór heldur snýst það um að börn fái egg.
