Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna.
Reglur um heimgreiðslur voru innleiddar sem tilraunaverkefni í október 2023. Reglurnar voru teknar upp á ný í bæjarráði 7. mars 2024 og voru þá framlengdar óbreyttar til og með 31. júlí 2025. Fyrsta árið, eða á tímabilinu frá október til desember 2023 fengur foreldrar 18 barna heimgreiðslu að upphæð ríflega 4,5 milljónir króna. Þetta kemur fram í minnisblaði um nýtingu og reynslu á heimgreiðslum til foreldra í Akureyrarbæ sem unnið var fyrir fræðslu- og lýðheilsuráð
105 þúsund á mánuði
Mánaðarleg upphæð heimgreiðslna hefur verið 105.000 krónur frá upphafi. Þær greiðast sem styrkur og eru undanþegnar tekjuskatti. Greiðslurnar hafa nýst foreldrum sem ekki hafa fengið dagvistun / leikskóla fyrir börn sem náð hafa 12 mánaða aldri. Greiðslur haldast þar til barn byrjar í leikskóla eða hjá dagforeldri.
Meðalaldur barna sem hófu leikskólagöngu haustið 2024 var 18,68 mánuðir. Heimgreiðslur komu til móts við fjölskyldur fjárhagslega ef dagforeldrar eru ekki nýttir. Greiðslurnar eru ekki skilyrðum bundnar öðrum en þeim að ekki séu nýttar niðurgreiðslur vegna vistunar fyrir barnið hjá dagforeldri eða í leikskóla.
Örfá dæmi eru um að undanþágur hafi verið gerðar þess efnis að foreldrar fresti skólavist barns í leikskóla og njóti lengur heimgreiðslna. Þannig hafa heimgreiðslur stutt við það að foreldrar velja að hafa barnið lengur heima. Því er lagt til að heimgreiðslur verði festar í sessi og gildistími ótímabundinn. Upphæð heimgreiðslna ákvarðast við endurskoðun gjaldskrár ár hvert.
Nýjast
-
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi. -
„Skjalda launar kálfi ofbeldið“
Mig langar að þakka ykkur öllum sem hafa lesið lokaorðin mín á undanförnum vikum. Það er mér sérstaklega ánægjulegt að einhverjum skuli þykja skemmtilegt að lesa það sem ég hef skrifað. En í þetta sinn ætla ég að vera bæði leiðinlegur og skrítinn. Það er mér hvort sem er tamara. -
Tónleikar tvö kvöld um verslunarmannahelgi á Akureyrarvelli
„Við höfum lengi horft til Akureyrarvallar með hátíðahöld verslunarmannahelgarinnar og nú prófum við það. segir Davíð Rúnar Gunnarsson hjá Viðburðarstofu Norðurlands sem sér um hátíðin Ein með öllu um verslunarmannahelgi á Akureyri. Samkomuhald sem var á flötinni við Leikhúsið verður fært á Akureyrarvöll. Margt sé spennandi og jákvætt við flutninginn.
