Krúttlegasta hjólamótið snýr aftur í Kjarnaskóg á sunnudaginn
Frá mótinu i fyrra Myndir Aðsendar
Hjólreiðafélag Akureyrar, Akureyrardætur og Krónan standa á ný fyrir Krónuhjólamótinu í Kjarnaskógi sunnudaginn 14. júní. Mótið er ætlað börnum á aldrinum 2 til 12 ára og verður haldið á Birkivöllum í Kjarnaskógi. Skráning á mótið er hafin og eru öll börn velkomin til þátttöku.
Mótið hefst klukkan 9 þegar yngstu þátttakendurnir leggja af stað á sparkhjólum og í kjölfarið taka eldri flokkar við. Keppt verður í sex aldursflokkum, allt frá tveggja ára börnum upp í tólf ára hjólagarpa. Foreldrar og forráðamenn mega hlaupa eða ganga með yngstu börnunum á brautinni. Í elsta aldursflokknum verður jafnframt keppt um þrjú efstu sætin í bæði stúlkna- og drengjaflokki.
Líkt og í fyrra mæta hjólakapparnir í BMX Brós og sýna hjólalistir sínar við Kjarnakot klukkan 11. Krónuhjólið verður á svæðinu þar sem þátttakendur og aðrir gestir geta nælt sér í ferska ávexti.
Krónuhjólamótið var fyrst haldið í Kjarnaskógi í maí í fyrra að fyrirmynd Krónumótsins í Öskjuhlíð. Um eitt hundrað börn tóku þátt á fyrsta mótinu sem fékk góðar viðtökur meðal barna og fjölskyldna.
Mikil tilhlökkun á heimilinu
Bjarki Kristjánsson, verslunarstjóri Krónunnar á Akureyri, segir sérstaklega ánægjulegt að halda mótið öðru sinni á Akureyri.
„Við hjá Krónunni vorum í skýjunum með hvernig til tókst á fyrsta mótinu og hlökkum til að taka á móti þátttakendum á ný. Markmiðið er einfaldlega að börnin hafi gaman, njóti þess að hreyfa sig utandyra og eigi skemmtilegan dag með fjölskyldu og vinum. Sjö ára dóttir mín mætti á mótið í fyrra og talar enn um hversu gaman var að taka þátt. Það ríkir því mikil tilhlökkun á mínu heimili fyrir mótinu í ár,“ segir Bjarki.
Góðar aðstæður til hjólreiða á Akureyri
Bjarni O. Einarsson hjá Hjólreiðafélagi Akureyrar segir hjólreiðar njóta mikilla vinsælda á Akureyri og að viðburðir sem þessi skipti miklu máli fyrir yngri iðkendur.
Nýjast
-
Skautafélag Akureyrar hlýtur eina virtustu viðurkenningu sem veitt er fyrir barnastarf og þátttöku í íshokkí
Skautafélag Akureyrar hlaut í gær eina virtustu viðurkenningu sem veitt er fyrir barnastarf og þátttöku í íshokkí þegar félagið var útnefnt handhafi Kånken Youth Retention Award 2026 á verðlaunahátíð samtaka evrópskra íshokkífélaga (EHC) í Prag. Frá þessu er sagt á vef Skautafélags Akureyrar -
Krúttlegasta hjólamótið snýr aftur í Kjarnaskóg á sunnudaginn
Hjólreiðafélag Akureyrar, Akureyrardætur og Krónan standa á ný fyrir Krónuhjólamótinu í Kjarnaskógi sunnudaginn 14. júní. Mótið er ætlað börnum á aldrinum 2 til 12 ára og verður haldið á Birkivöllum í Kjarnaskógi. Skráning á mótið er hafin og eru öll börn velkomin til þátttöku. -
Grænt ljós á uppbyggingu Heilsuverndar fyrir aldraða á Akureyri
„Ég er mjög jákvæð gagnvart þessu verkefni og tel mikilvægt að við vinnum hratt og af festu að málinu. Málefni eldri borgara eru í erfiðri stöðu vegna húsnæðisvanda á Hlíð og nú einnig myglu á Kristnesi,“ segir Sunna Hlín Jóhannesdóttir formaður Skipulagsráðs Akureyrarbæjar. -
Kynning „Mörg verkefni eru einfaldlega ekki nægilega vel tryggð“
Byggingarframkvæmdir verða sífellt stærri en tryggingavernd hefur ekki alltaf fylgt þróuninni, segir Valgeir Páll Guðmundsson, útibússtjóri Sjóvá á Akureyri. -
Opið fyrir umsóknir í nám fyrir fólk með fjölþættar stuðningsþarfir
Opið er fyrir umsóknir í diplómanám fyrir fólk með fjölþættar stuðningsþarfir. Um er að ræða 60 eininga tveggja ára nám fyrir fólk með þroskahömlun á grunnstigi háskólanáms. Námið hófst sem þróunarverkefni við HA og er mikilvægt skref í að auka aðgengi að háskólanámi. -
Gunnar Líndal ráðinn staðarverkfræðingur NLSH ohf. á Akureyri
Gunnar Líndal Sigurðsson hefur verið ráðinn sem staðarverkfræðingur hjá Nýjum Landspítala ohf. (NLSH) vegna uppbyggingar félagsins á nýrri byggingu við Sjúkrahús Akureyrar (SAk). -
Tryggvi Gíslason er látinn
Látinn er Tryggvi Gíslason, fyrrverandi skólameistari Menntaskólans á Akureyri (MA), fæddur á Norðfirði 11. júní 1938. Tryggvi skilur eftir sig eiginkonu sína, Margrétu Eggertsdóttur, sex börn og 25 aðra niðja. Tryggvi var mag. art. í norrænum fræðum frá HÍ 1968 og bjó með fjölskyldu sinni 1968-1972 í Björgvin í Noregi þar sem starfaði sem lektor við háskólann. Áður starfaði hann lengi á fréttastofu útvarps en var skipaður skólameistari MA 1972. Hann lét af því embætti 2003. Árin 1986-1990 gegndi Tryggvi störfum hjá Norrænu ráðherranefndinni í Kaupmannahöfn. Alla tíð var Tryggvi virkur í félagsmálum og iðulega frumkvöðull að umbótum í skóla- og menningarmálum. Eftir Tryggva liggur fjöldi ritverka, styttri og lengri, útgefinna sem fluttra, einkum um málvísindi og menningu, ekki síst þjóðskáldið Jónas Hallgrímsson. -
Þrekraunir í kulda og bleytu þar sem samvinna er lykilatriði
Í lok skólaárs á þriggja ára fresti er blásið til Survivor leika í Borgarhólsskóla á Húsavík. Nemendum á unglingastigi er skipt í fjóra hópa eða ættbálka; þurfa að kjósa ættarhöfðingja, skapa jákvæða og góða stemningu, semja hvatningarhróp sem ber hverjum hópi byr í brjóst. Jafnframt þarf að skipuleggja þau verkefni sem bíða hópsins. Þrautir sem reyna á líkama, huga og sál. Þrautirnar krefjast þess að í hverjum ættbálki þurfa nemendur að hlaupa, stökkva, hugsa, elda, koma fram og hafa úthald og útsjónarsemi svo dæmi séu tekin. -
„Verkefnið að fá á sig sögulegan blæ“
Víðir Svansson segir í samtali við Vikublaðið að sundlaugarmenningin sé bæði sterk og falleg; sundglaðir Húsavíkingar eigi því skilið að aðstaðan verði enn betri. Víðir hefur því tekið höndum saman ásamt Birgittu Svavarsdóttur og Hörpu Steingrímsdóttur og stofnað hollvinafélag Sundlaugar Húsavíkur með það að markmiði að safna fyrir nýjum sánaklefum.
