Kristján ráðinn ritstjóri Vikudags
Kristján Kristjánsson fráfarandi ritstjóri t.v. óskar alnafna sínum til hamingju með ritstjórastarfið.
Kristján Kristjánsson dagskrárgerðarmaður hjá sjónvarpsstöðinni N4 hefur verið ráðinn ritstjóri Vikudags og framkvæmdastjóri Útgáfufélagsins ehf., sem gefur blaðið út. Kristján tekur við af alnafna sínum Kristjáni Kristjánssyni og er væntanlegur til starfa síðar í sumar. Nýi ritstjórinn er Akureyringur í húð og hár en hann hefur starfað við þáttagerð og framleiðslu sjónvarpsefnis hjá N4 síðastliðið eitt og hálft ár. Þá hefur hann starfað við bókaútgáfu og framleiðslu sjónvarpsefnis í 12 ár og var lausapenni hjá Fréttablaðinu um tíma. Kristján lærði leikstjórn og frásagnartækni í Osló. Hann hefur víðtæka reynslu í fjölmiðlun og framleiðslu og einnig í markaðssetningu og ritstjórn í tengslum við bókaútgáfu og auglýsingagerð. Það leggst vel í mig að taka við Vikudegi. Þetta er spennandi verkefni, blaðið er með stóran og traustan lesendahóp og vonandi verður hægt að bæta í. Aðalatriðið er að sinna lesendum eins vel og kostur er og vona ég að innkoma mín verði útgáfunni til sóma, sagði nýi ritstjórinn.
Kristján fráfarandi ritstjóri, hefur starfað við fjölmiðlun á Akureyri frá árinu 1985, fyrst á Degi í 10 ár og í framhaldinu á Akureyrarskrifstofu Morgunblaðsins í rúm 10 ár. Hann hefur ritstýrt Vikudegi síðastliðin sex og hálft ár en hyggst nú snúa sér að öðrum viðfangsefnum.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
