Kostnaður á hvern ársnema lægstur í HA
Skuldir Háskólans á Akureyri hafa lækkað umtalsvert á síðustu árum. Mynd: Hörður Geirsson,
Kostnaður á hvern ársnema í opinberu háskólum landsins er lægstur í Háskólanum á Akureyri, eða rúm ein milljón króna á ári. Þetta er heldur lægri upphæð en Háskóla Íslands, þar sem kostnaður á hvern ársnema er tæplega 1,1 milljón króna. Þetta kom fram í máli Stefáns B. Sigurðssonar rektors HA við setningu Atvinnu- og nýsköpunarhelgarinnar á Akureyri. Langflestir ársnemar eru við Háskóla Íslands eða rúmlega 8.800 talsins en í Háskólaum á Akureyri eru 1300 ársnemar. Í Listaháskólanum eru 383 ársnemar og kostnaður á hvern nemanda um 1,6 milljónir króna, í Háskólanum á Hvanneyri eru 290 ársnemar og kostnaður á hvern nemenda rúmlega 1,9 milljónir króna og í Háskólanum á Hólum eru 190 ársnemar og kostnaður á hvern nemanda rúmar 1,2 milljónir króna á ári. Stefán sagði að það myndi ekkert sparast við það að færa þessa 1300 nemendur HA inn í HÍ, eins og margir hafi talað um. Ef eitthvað er myndi kostnaður á hvern nemanda aukast.
Stefán fór einnig yfir það hvar hvar nemendur sem útskrifast hafa frá HA búa og starfa. Um 49% nemenda búa og starfa á Eyjafjarðarsvæðinu, um 26% búa og starfa annars staðar á landsbyggðinni og um fjórðungur býr og starfar á höfuðborgarsvæðinu. Þetta var eitt af því sem nýsköpunarfyrirtækið Háskólinn á Akureyri átti að gera og hefur tekist að gera.
Hann segir að þrátt fyrir niðurskurð í fjárveitingum hafi skólanum tekist að taka við fleiri nemendum, með stöðugri hagræðingu. Hann sagði að á síðustu árum hefði tekist vel til í að lækka skuldir HA. Árið 2006 skuldaði skólinn á fjórða hundrað milljónir króna en árið 2010 var skuldastaðan komin niður fyrir 50 milljónir króna. Ríkið kom að hluta til skólanum til aðstoðar árið 2008 en að öðru leiti hafa skuldir verið lækkaðar með hagræðingu og aðhaldi innan skólans.
Stefán fór einnig yfir framtíðarsýn skólans en markmiðið er að vera sjálfstæður alþjóðlegur háskóli, í samstarfi við aðra háskóla. Hann nefndi sérstaklega náið samstarf við Háskólann á Hólum, þekkingarsetur og símenntunarmiðstöðvar í því sambandi. Áherslan væri á blöndu staðarnáms, lotunáms og fjarnáms, nám óháð stað og stund. Stefán sagði að sérstaða skólans fælist í kennslu og rannsóknum í lögfræði, með áherslu á heimskautarétt, norðurslóðafræði, sjávarútvegsfræði, iðjuþjálfunarfræði og skólaþróun.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.