Komið að ögurstundu varðandi Mömmur og möffins
Viðburðurinn Mömmur og möffins sem haldinn hefur verið um verslunarmannahelgi frá árinu 2010, er í mikilli tvísýnu þar sem ekki hafa fundist stjórnendur.
„Staðan er einfaldlega þannig að það er enginn tilbúin til að taka þetta verkefni að sér. Við höfum auglýst eftir nýjum stjórnendum en áhuginn hefur því miður ekki verið mikill,“ segja þær Bryndís Hauksdóttir og Sigríður Pedersen sem haldið hafa um stjórnartauma á viðburðinum Mömmur og möffins en hafa ekki tök á því nú.
Viðburðurinn Mömmur og möffins sem haldinn hefur verið um verslunarmannahelgi frá árinu 2010, er í mikilli tvísýnu þar sem ekki hafa fundist stjórnendur.
Mikil vinna
„Þetta er vissulega mikil vinna og það er skiljanlegt að fólk hugsi sig um, enda höfum við ekkert verið að skafa utan af því að verkefnið er umfangsmikið og því æskilegt að það dreifist á tvo til þrjá. Þannig er það vel yfirstíganlegt. Við höfum alls ekki vilja að þeir sem hugsanlega vilja taka þetta að sér séu ekki nægilega vel upplýstir um verkefnið,“ segja þær.
Bryndís Hauksdóttir og Sigríður Pedersen
Vonast eftir kraftaverki
Bryndís og Sigríður segja að nú sé komið að ögurstundu, taka þurfi ákvörðun á allra næstu dögum um hvort viðburðurinn verði blásinn af eða hvort kraftaverkið gerist og einhver eða einhverjir gefi sig fram sem eru reiðubúnir að taka við stjórninni. „Það væri magnað ef einhver fyndist á síðustu stundu, en eins og staðan er núna stefnir allt í að Mömmur og möffins verði ekki þetta árið.“
Viðburðurinn hefur notið vinsælda um verslunarmannahelgi á Akureyri um langt skeið. Allur ágóði af seldum bollakökum rennur til fæðingardeildar Sjúkrahússins á Akureyri og er nýttur þar til kaupa á tækjabúnaði eða úrbóta. Síðastliðið sumar seldust um 2.500 bollakökur og söluandvirðið nam tæplega 1,7 milljónum króna.
Nýjast
-
Listasumar á Akureyri Litrík menning og hrífandi listir
Listasumar á Akureyri hefst fimmtudaginn 25. júní og stendur í rúmar þrjár vikur með alls konar viðburðum um allan bæ fyrir fólk á öllum aldri. Einn af hápunktum hátíðarinnar verður á sjálfan opnunardaginn þegar Gilfélagið býður gestum og gangandi á dansiball í göngugötunni. -
Heimspekingurinn og Akureyringurinn frá Genúa sem syngur óperur
Vísindafólkið okkar – Giorgio Baruchello Vísindafólkið okkar er mánaðarleg kynning á rannsakendum Háskólans á Akureyri. Giorgio Baruchello, prófessor við félagsvísindadeild, er vísindamanneskja mánaðarins. -
Komið að ögurstundu varðandi Mömmur og möffins
„Staðan er einfaldlega þannig að það er enginn tilbúin til að taka þetta verkefni að sér. Við höfum auglýst eftir nýjum stjórnendum en áhuginn hefur því miður ekki verið mikill,“ segja þær Bryndís Hauksdóttir og Sigríður Pedersen sem haldið hafa um stjórnartauma á viðburðinum Mömmur og möffins en hafa ekki tök á því nú. -
Fær ekki framlengingu á byggingafresti
Lóðarhafi á lóð við Lönguhlíð 28 á Akureyri hefur óskað eftir framlengingu á byggingafresti til 1. júlí 2026. Lóðarhafi viðurkennir að fresturinn sé liðinn og óskar eftir jákvæðri afgreiðslu skipulagsráðs á beiðni um framlengingu en hann hafi lagt fram nýja framkvæmdaáætlun sem sýni að undirstöður verði komnar vel á veg fyrir 1. júlí. Og þeim verði lokið haustið 2027. -
Lokaorðið -Nýsteiktar kleinur og ísköld mjólk
Að nýloknum þjóðhátíðardegi okkar Íslendinga er við hæfi að hugsa um liðna tíð og fagna frelsi og áhyggjuleysi æskuáranna. Lífinu sem foreldrar mínir gáfu mér og það öryggi sem ég ólst upp við. Heimurinn virtist svo einfaldur þá, enda forréttindi að alast upp í litlu samfélagi norður á hjara veraldar. Húsavík „my hometown“ er og var svo sannarlega nafli alheimsins. -
Vinnum eftir tveggja ára plani
„Eigum við ekki að segja að við vinnum eftir tveggja ára plani,“ segir Benedikt Grétarsson hjá Jólagarðinum í Eyjafjarðarsveit. Nú í vikunni vakti flutningur á hinu sögufræga BSO húsi frá Akureyri og að Jólagarðinum mikla athygli. Enn er óráðið á hvern hátt húsið verður nýtt í framtíðinni. -
Nýtt hjúkrunarheimili við Þursaholt Tilboð frá Reitum valið
Framkvæmdasýslan- Ríkiseignir hefur valið tilboð Reita fyrir uppbyggingu hjúkrunarheimilis á Akureyri í útboði sem lauk nýlega. Hjúkrunarheimilið verður við Þursaholt 6 og um 9.100 fermetrar að stærð. Þar verður rými fyrir 140 íbúa. -
Grímseyingar reiða sig á öruggar og reglubundnar samgöngur
Bæjarráð Akureyrar hefur falið bæjarstjóra að kalla eftir nánari upplýsingum frá Vegagerðinni vegna siglinga ferjunnar Sæfara, en ákveðið var nýverið að fella niður fimmtudagsferðir skipsins á tímibili frá miðjum janúar fram í miðjan maí. Hlaut sú ákvörðun lítinn hjómgrunn meðal íbúa eyjarinna. -
Biðsvæði fyrir leigubíla í miðbæ Akureyrar verður við Túngötu
Skipulagsráð Akureyrar hefur samþykkt að biðsvæði fyrir leigubíla verði við Túngötu í miðbæ Akureyrar. Það verði gert til reynslu til 1. október 2026. Áður hefði skipulagsráð kynnt tillögu þessa efnis fyrir hagsmunaaðilum á svæðinu og bárust tvær athugasemdir.
