Spariskógardagur
Birkivöllur var aðalsamkomustaður dagsins Myndir Sig.A og Ingólfur
Frábær Spariskógardagur Skógræktarfélagsins að baki, þúsundir heimsóttu Kjarnaskóg í gær. Fólkið skemmti sér í skóginum, skógurinn skemmti fólkinu, skemmtikraftarnir, skógurinn og gestir skemmtu sér saman, uppskriftin að fjölskylduhátíðinni er fundin!
Yndi er ein af fjölmörgum verðmætum skógarafurðum. Þetta getum við þegar mismunandi samfélagskraftar eru leiddir saman og jú, þegar starfsfólk Skógræktarfélagsins leit haukfránum augum yfir vettvang í lok dags sást vart ein kókómjólkurferna sem ekki hafði skilað sér í flokkunartunnur.
Góður ærslabelgur dregur alltaf að
Takk unga fólk sem heimsótti okkur. Takk öll hin sem heimsóttuð skóginn og lögðuð ykkar af mörkum til að gera daginn dásamlegan. Takk Akureyrarbær fyrir velvilja gagnvart starfsemi okkar!
Sérstakar þakkir fær þó Sérsveitin okkar, starfsfólk og velunnarar, sem reyndar handtók engan, en í sjálfboðavinnu framreiddi skógarkaffi, popp og ís, úrvals handspilaða músík, fræðslu um sveppi, ber og aðra fæðu úr skóginum, fornbíla, leyfði börnunum á öllum aldri að skjóta af boga og fleira og fleira. Svo kynnti fyrirtækið Skógarmenn vörur úr skóginum sem það framleiðir.
Það er gott að eiga góða að.
Hér má sjá starfsmenn Skógarmanna stillt sér upp til að kynna vörur úr skóginum
Formaður félagsins, Helgi Þórsson (til vinstri) kynnti matarskóginn með bragðgóðum sýnidæmum
Frá þessu segir á kjarnaskogur.is
Hér má sjá stutt drónamyndband.
Nýjast
-
Ferð á Súlur bæjarfjall Akureyrar í tilefni 90 ára afmælis FFA
Ferðafélag Akureyrar (FFA) hyggst efna til kvöldgöngu á Súlur fimmtudaginn 6. ágúst, að því gefnu að veður og aðstæður verði hagstæð. Skipuleggjendur leggja áherslu á að aðeins verði lagt af stað ef útlit er fyrir gott veður, góða færð og góða þátttöku. -
Spariskógardagur
Frábær Spariskógardagur Skógræktarfélagsins að baki, þúsundir heimsóttu Kjarnaskóg í gær. Fólkið skemmti sér í skóginum, skógurinn skemmti fólkinu, skemmtikraftarnir, skógurinn og gestir skemmtu sér saman, uppskriftin að fjölskylduhátíðinni er fundin! -
Fjallahlaupið Súlur Vertical - Þrjú brautarmet féllu
Fjallahlaupið Súlur Vertical var haldið í 11. sinn í gær. Rúmlega 500 hlauparar spreyttu sig í fjórum mismunandi vegalengdum. -
Rúmlega 12000 manns skemmtu sér konunglega
Bærinn iðar af lífi og gleði eftir vel heppnaðan laugardag á Einni með Öllu. Þúsundir gesta og Akureyringa fylltu götur, torg og viðburðasvæði, nutu fjölbreyttrar dagskrár og sköpuð þá einstöku stemningu sem hefur einkennt fjölskylduhátíðina um árabil. Veðrið lék við Akureyri og varð bara betra eftir því sem leið á daginn. -
Hlutfall þeirra sem völdu Vaðlaheiðargöng í júlí jókst úr 68% í 70%.
Heildarumferð milli Eyjafjarðar og Þingeyjarsveitar dróst saman um 3% í júlí miðað við sama mánuð í fyrra, en frá þessu segir á samfélagsmiðlum Vaðlaheiðargangna. -
Spariskógardagur Skógræktarfélagsins á morgun sunnudag
Birkibandið heldur sína árlega Spari-Sparitónleika á Birkivelli eftir hádegi á morgun sunnudag, börnin fá að syngja með, tryggið ykkur ókeypis miða í tíma. -
Lögreglan sátt með nóttina
Lögreglan er sátt með liðna nótt og er óhætt að taka undir og fagna þvi að fólk hafi í öllum aðalatriðum skemmt sér fallega. -
Af berjamó, og ráðagóðum Hríeyingum, og kindum með bláar snopppur
Nú styttist í að Hríseyingar komist í berjamó og tíni krækiber, bláber og aðalbláber. Það var ekki þannig á árum áður. -
SVA klár í Eina með öllu
Strætisvagnar Akureyrar verða mikið á ferð um helgina verslunarmannahelgina og bjóða upp á aukaferðir.
