Fjórði hlýjasti júlimánuður frá upphafi mælinga
Júlímánuður var hlýr á Akureyri, sá fjórði hlýjasti frá upphafi mælinga
Veðurfar júlímánaðar var mjög ólíkt á milli landshluta. Suðvestlægar áttir voru ríkjandi langt fram eftir mánuðinum. Það var óvenjulega hlýtt og þurrt á austanverðu landinu og þar endaði mánuðurinn víða á meðal hlýjustu og þurrustu júlímánaða sem vitað er um. Á meðan var mjög úrkomusamt og talsvert kaldara á Suðvestur- og Vesturlandi. Í þeim landshlutum raðar mánuðurinn sér á meðal blautustu júlímánaða frá upphafi mælinga.
Veðurlag breyttist í lok mánaðar þegar norðan- og norðvestanáttir tóku yfir. Þá kólnaði á Norður- og Austurlandi og þurrara og sólríkara veður tók við sunnan- og vestanlands.
Hiti
Júlímánuður var hlýr á norðan- og austanverðu landinu, á meðan kaldara var suðvestan- og vestanlands. Júlímánuður var hlýr á Akureyri, hér var meðalhitinn 13,3 stig, sem er 2,1 stigi yfir meðallagi áranna 1991 til 2020, en 1,5 stigum yfir meðallagi síðustu tíu ára. Þetta er fjórði hlýjasti júlímánuður hér frá upphafi mælinga, hlýrra var í júlí 2021 (14,3 stig), 2025 (13,5) og álíka hlýtt í júlí 1933 (13,3).
Meðalhiti í Reykjavík mældist 10,9 stig í júlí. Það er 0,8 stigum undir meðallagi áranna 1991 til 2020 en 0,7 stigum undir meðallagi síðustu tíu ára.
Nýjast
-
Fjórði hlýjasti júlimánuður frá upphafi mælinga
Veðurfar júlímánaðar var mjög ólíkt á milli landshluta. Suðvestlægar áttir voru ríkjandi langt fram eftir mánuðinum. Það var óvenjulega hlýtt og þurrt á austanverðu landinu og þar endaði mánuðurinn víða á meðal hlýjustu og þurrustu júlímánaða sem vitað er um. Á meðan var mjög úrkomusamt og talsvert kaldara á Suðvestur- og Vesturlandi. Í þeim landshlutum raðar mánuðurinn sér á meðal blautustu júlímánaða frá upphafi mælinga. Veðurlag breyttist í lok mánaðar þegar norðan- og norðvestanáttir tóku yfir. Þá kólnaði á Norður- og Austurlandi og þurrara og sólríkara veður tók við sunnan- og vestanlands. -
Atkvæðagreiðsla utan kjörfundar vegna þjóðaratkvæðagreiðslu
Atkvæðagreiðsla utan kjörfundar hjá sýslumönnum vegna þjóðaratkvæðagreiðslu um aðildarviðræður við ESB, sem fram fer 29. ágúst 2026, hófst 27. júlí. -
Ferð á Súlur bæjarfjall Akureyrar í tilefni 90 ára afmælis FFA
Ferðafélag Akureyrar (FFA) hyggst efna til kvöldgöngu á Súlur fimmtudaginn 6. ágúst, að því gefnu að veður og aðstæður verði hagstæð. Skipuleggjendur leggja áherslu á að aðeins verði lagt af stað ef útlit er fyrir gott veður, góða færð og góða þátttöku. -
Spariskógardagur
Frábær Spariskógardagur Skógræktarfélagsins að baki, þúsundir heimsóttu Kjarnaskóg í gær. Fólkið skemmti sér í skóginum, skógurinn skemmti fólkinu, skemmtikraftarnir, skógurinn og gestir skemmtu sér saman, uppskriftin að fjölskylduhátíðinni er fundin! -
Fjallahlaupið Súlur Vertical - Þrjú brautarmet féllu
Fjallahlaupið Súlur Vertical var haldið í 11. sinn í gær. Rúmlega 500 hlauparar spreyttu sig í fjórum mismunandi vegalengdum. -
Rúmlega 12000 manns skemmtu sér konunglega
Bærinn iðar af lífi og gleði eftir vel heppnaðan laugardag á Einni með Öllu. Þúsundir gesta og Akureyringa fylltu götur, torg og viðburðasvæði, nutu fjölbreyttrar dagskrár og sköpuð þá einstöku stemningu sem hefur einkennt fjölskylduhátíðina um árabil. Veðrið lék við Akureyri og varð bara betra eftir því sem leið á daginn. -
Hlutfall þeirra sem völdu Vaðlaheiðargöng í júlí jókst úr 68% í 70%.
Heildarumferð milli Eyjafjarðar og Þingeyjarsveitar dróst saman um 3% í júlí miðað við sama mánuð í fyrra, en frá þessu segir á samfélagsmiðlum Vaðlaheiðargangna. -
Spariskógardagur Skógræktarfélagsins á morgun sunnudag
Birkibandið heldur sína árlega Spari-Sparitónleika á Birkivelli eftir hádegi á morgun sunnudag, börnin fá að syngja með, tryggið ykkur ókeypis miða í tíma. -
Lögreglan sátt með nóttina
Lögreglan er sátt með liðna nótt og er óhætt að taka undir og fagna þvi að fólk hafi í öllum aðalatriðum skemmt sér fallega.
