KA og Þór vinna að viðbragðsáætlun gegn einelti
Frá fundi fulltrúum KA og Þórs sl. vetur en félögin hefja nú sameiginlegt átak gegn einelti.
„Einelti er samfélagslegt fyrirbæri og það finnst alls staðar, óháð aldri, stöðu og skipulagsheildum, hvort heldur er skóli, vinnustaður eða íþróttafélag. Það er alls ekki nóg að allir þekki orðið einelti, þeir sem vinna með börnum og ungmennum þurfa að skilja hvað hugtakið merkir, að geta greint það, þekkt einkenni bæði þolenda og gerenda og kunna leiðir til að bregðast við. Þeir þurfa líka að kunna á leiðir til að vinna með þolendum og gerendum,“ segir Sigríður Ingadóttir, verkefnastjóri hjá Miðstöð skólaþróunar við Háskólann á Akureyri.
Hún vinnur nú með tveimur stóru íþróttafélögum bæjarins að gerð áætlunar gegn einelti. „Birtingarmyndirnar geta verið margvíslegar, líkamlegar, andlegar og eins er gjarnan beitt útilokun. Það er því nauðsynlegt að bjóða upp á stöðuga fræðslu þegar að einelti kemur og að félögin séu tilbúin
með eins konar viðbragðsáætlun þegar það kemur upp.“
Fagna jákvæðum viðtökum
Sigríður starfaði sem grunnskólakennari í 11 ár og var jafnframt verkefnastjóri Olweusar áætlunarinnar gegn einelti í grunnskóla. Hún er nú verkefnastjóri hjá Miðstöð skólaþróunar við Háskólann á Akureyri og hefur m.a. sinnt ráðgjöf og þróunarverkefnum er varða samskipti nemenda.
„Málefnið er mér kært og því hafði ég samband við íþróttafélögin KA og Þór og bauð þeim að styrkja forvarnarstarf þeirra á þessu sviði enn frekar og með velliðan iðkenda að leiðarljósi. Ég fagna því mjög að hafa fengið jákvæðar viðtökur hjá báðum félögum. Samstarf er komið á og það er hagur iðkenda, barnanna okkar, að íþróttafélögin í bæjarfélaginu sinni þessum málaflokki heilshugar. Óskastaðan er auðvitað sú að öll íþróttafélög og yfirleitt allir sem starfa með börnum og ungmennum marki sér stefnu gegn einelti og andfélagslegri hegðun og framfylgi henni
með því að efla sitt starfsfólk með markvissri fræðslu og vitundarvakningu,“ segir Sigríður.
Lengri frétt má nálgast í prentúgáfu Vikudags en þar er m.a. rætt við forsvarsmenn KA og Þórs.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.