Jón Björn Hákonarson ráðinn sveitarstjóri Eyjafjarðarsveitar
Jón Björn Hákonarson nýr sveitarstjóri Eyjafjarðarsveitar og Hermann Ingi oddviti sveitarstjórnar. Mynd esveit.is
Í morgun var Jón Björn Hákonarson ráðinn í stöðu sveitarstjóra Eyjafjarðarsveitar. Jón Björn hefur áratuga reynslu af störfum á vettvangi sveitarstjórnarmála og víðtæka þekkingu á stjórnsýslu, stefnumótun og rekstri sveitarfélaga. Tekur hann við starfinu þann 1. ágúst næstkomandi, en frá þessu segir á heimasíðu Eyjafjarðarsveitar rétt í þessu.
Jón Björn hefur starfað að sveitarstjórnarmálum allt frá árinu 1994 og gegnt fjölmörgum trúnaðar- og forystuhlutverkum. Hann hefur lengi verið kjörinn fulltrúi í Fjarðabyggð og meðal annars verið forseti bæjarstjórnar á árunum 2010-2020 og aftur frá 2023. Þá gegndi hann starfi bæjarstjóra Fjarðabyggðar á árunum 2020-2023, þar sem hann bar ábyrgð á daglegum rekstri sveitarfélagsins og leiddi fjölbreytt og krefjandi verkefni í þágu íbúa.
Auk starfa sinna innan sveitarfélagsins hefur Jón Björn gegnt fjölmörgum stjórnunar- og trúnaðarstörfum á landsvísu. Hann er í dag formaður stjórnar Sambands íslenskra sveitarfélaga og hefur setið í stjórn þess frá 2018, þar af sem varaformaður og síðar formaður. Þá hefur hann meðal annars verið stjórnarformaður Landsvirkjunar, tekið þátt í starfi Húsnæðis- og mannvirkjastofnunar, setið í stjórnum húsnæðisfélaga og gegnt formennsku í fjarskiptaráði.
Ferill Jóns Björns einkennist af breiðri reynslu sem spanna bæði stjórnmál, stjórnsýslu og framkvæmdastörf. Hann hefur einnig starfað sem sérfræðingur hjá almannavörnum þar sem hann kom að áætlanagerð og þróun mikilvægra upplýsingakerfa, auk þess að hafa áður starfað sem lögreglumaður, þjónustufulltrúi trygginga og í bankageiranum.
Jón Björn leggur áherslu á mikilvægi góðra samskipta og trausts innan vinnustaða, sem og velferð starfsmanna og sterkrar liðsheildar. Hann telur að yfirvegun, samvinna og skýr stjórnsýsla séu lykilþættir í árangursríkri forystu og leggur áherslu á að vinna mál hratt og faglega án þess að missa sjónar á mannlega þættinum.
Þá hefur hann lýst ríkum áhuga á áframhaldandi uppbyggingu Eyjafjarðarsveitar og sér fyrir sér fjölbreytt tækifæri til framtíðar, meðal annars á sviði skipulagsmála, landbúnaðar og eflingar lykilinnviða á borð við heilbrigðisþjónustu á svæðinu.
Sveitarstjórn bindur miklar vonir við að reynsla Jóns Björns, víðtækt tengslanet og skýr sýn á þróun sveitarfélaga muni nýtast vel í áframhaldandi uppbyggingu Eyjafjarðarsveitar og í þjónustu við íbúa samfélagsins.
Umsækjendur um starfið voru:
Auður Thorberg
Bragi Þór Thoroddsen
Einar Kristján Jónsson
Elísabet Friðriksdóttir
Gísli Ólafsson
Hallur Guðmundsson
Hermann Jóhannesson
Jóhannes Valgeirsson
Jón Björn Hákonarson
Jón Hrói Finnsson
Jónas Egilsson
Katrín Dóra Þorsteinsdóttir
Kári Gautason
Ketill Sigurður Jóelsson
Kristján Óli Níels Sigmundsson
Lilja Birgisdóttir
Magena Marinósdóttir
Magnús Ingi Jónsson
Maríanna H. Helgadóttir
Nanna Lind Stefánsdóttir
Ragna Berg Gunnarsdóttir
Sigríður Bjarnadóttir
Stefanía Gurðún Kristinsdóttir
Sævar Freyr Sigurðsson
Þorsteinn Þorsteinsson
10 manns drógu umsóknir sínar til baka
Nýjast
-
Jón Björn Hákonarson ráðinn sveitarstjóri Eyjafjarðarsveitar
Í morgun var Jón Björn Hákonarson ráðinn í stöðu sveitarstjóra Eyjafjarðarsveitar. Jón Björn hefur áratuga reynslu af störfum á vettvangi sveitarstjórnarmála og víðtæka þekkingu á stjórnsýslu, stefnumótun og rekstri sveitarfélaga. Tekur hann við starfinu þann 1. ágúst næstkomandi, frá þessu segir á heimasíðu Eyjafjarðarsveitar rétt í þessu. -
Mikilvægur áfangi fyrir Norðurland og landið allt
Í dag verður tekin fyrsta skóflustungan að nýrri legudeild Sjúkrahússins á Akureyri. -
Dvergaholt verði botnlangi, ekki gegnumakstursgata
Skipulagsráð hefur fallið frá því að breyta deiliskipulagi á svæðinu við Dvergaholt, en hún fólst í því að Dvergaholti yrði breytt úr botnlangagötu í gegnumakstursgötu. Þannig yrði opið fyrir umferð frá Krossanesbraut um Dvergaholt niður að Óseyri. -
161 stúdent brautskráður frá Menntaskólanum á Akureyri í dag
,,Þjóðhátíðardagurinn 17. júní er okkur í MA mjög kær, ekki síst vegna þess að þá er brautskráning skólans. Athöfnin hófst kl. 10 í Íþróttahöllinni á Akureyri og alls var 161 stúdent brautskráður. Skólameistari Karl Frímannsson hélt ræðu, alls fluttu 6 fulltrúar afmælisárganga ávarp og Viltė Petkutė fráfarandi forseti skólafélagsins Hugins hélt ávarp fyrir hönd nýstúdenta." Frá þessu segir á heimasíðu Menntaskólans á Akureyri. -
Stöndum saman
Föðurafi minn, Þorsteinn Gíslason skáld og ritstjóri, fæddist við Eyjafjörð og eyddi þar fyrstu fimm árum ævi sinnar. Móðurafi minn, Vilmundur Jónsson landlæknir, var um skeið héraðslæknir í Þistilfjarðarhéraði. Þannig stendur á því að tilfinningatengsl mín við Norðurland eru ekki bundin við Skagafjörð einan þar sem ég var í sveit öll sumur æsku minnar hjá frændfólki mínu nyrðra, heldur teygja þau sig austur eftir öllu Norðurlandi og þaðan suður um Austurland til Hornarfjarðar. Báðir voru afar mínir skynsamir menn, hvor á sinn hátt. Ég þykist vita að Þorsteinn væri nú hlynntur inngöngu Íslands í ESB, en Vilmundur andvígur. Skynsamt fólk getur greint á um stjórnmál og einnig efnahagsmál, innan marka. Fátt er eðlilegra. Lýðræði hentar vel til að leysa úr slíkum ágreiningi þegar þess er þörf þannig að flestir geti við úrslitin unað. -
Gleðilega þjóðhátíð
-
Hollvinir SAk gefa Sjúkrahúsinu á Akureyri tíu nýjar BiPAP-öndunarvélar
Hollvinir Sjúkrahússins á Akureyri hafa gefið gjörgæslu- og lyflækningadeild sjúkrahússins tíu nýjar BiPAP-öndunarvélar sem munu efla verulega getu SAk til að veita sjúklingum með öndunarfærabilun nauðsynlegan öndunarstuðning. -
Horft um öxl - Verk Jóns Laxdal í Safnasafninu
Í Safnasafninu á Svalbarðsströnd stendur nú yfir sýningin Horft um öxl á verkum Jóns Laxdal (1950–2021). -
Kaldbakur EA 1 í flotkví Slippsins á Akureyri
Togarinn Kaldbakur EA 1, bolfisktogari Samherja, hefur verið í flotkví Slippsins á Akureyri undanfarna daga.
