Jaðarsvöllur að verða tilbúinn
Það er í mörg horn að líta þegar opna skal 18 holu golfvöll eftir veturinn. Mynd GAgolf
Það styttist í að kylfingar taki gleði sína því hagstæð tíð gerir það að stefnt er að þvi að opna Jaðarsvöll fyrir spilamennsku n.k. mánudag 12 maí.
Golfklúbbur Akureyrar leitar til félagsfólks með aðstoð á lokametrunum við undirbúning opnunar eins og lesa má á heimasíðu klúbbsins.
,,Í ár ætlum við að vera með tvo vinnudaga, fyrri vinnudagur er á fimmtudaginn næsta, 8. maí, frá klukkan 17-20 og endar hann á súpuveislu hjá Jaðar Bistro. Við tökum svo aftur höndum saman á sunnudaginn næsta, 11. maí, frá klukkan 10-14 og endum á kaffiboði hjá Jaðar Bistro.
Æfingasvæðið - Klappir
- Tína bolta uppúr jörðu
- Tína bolta úr skógi
- Holufylla með salla í dokkir
- Snyrta umhverfi Klappa og innandyra
Golfskáli og nærumhverfi
- Almenn snyrting í kringum golfskála
- Stilla garðhúsgögnum upp
Golfvöllur
- Keyra salla í stíga
- Setja sand í glompur og raka
- Standsetja glompur
- Setja út teigmerki og bekki
- Taka greinar sem hafa verið sagaðar
Það er nóg af verkefnum fyrir alla og vonumst við til að sjá sem flesta taka þátt í þessu með okkur. Skráning á teigtíma fyrir mánudag opnar á golfbox fyrir félagsmenn GA á fimmtudaginn kemur. Fyrst um sinn verða allar holur vallarins opnaðar nema 14. braut og verður rástímaskráning með sama móti og á haustin eða skráð sig sérstaklega á fyrri 9 og seinni 9 og er það gert til að dreifa álagi á völlinn.
Völlurinn er að koma mjög vel undan vetri og hefur gott tíðarfar undanfarnar vikur gert gæfumun fyrir völlinn, hann grænkar vel og þornar upp í hitanum sem hefur verið og hlökkum við mikið til að opna og taka á móti félagsmönnum okkar og þeim fjölmörgu gestum sem leggja leið sína á Jaðarsvöll ár hvert.
Til að allt verði sem best fyrir opnun er okkur mikilvægt að félagsmenn aðstoði okkur á vinnudögunum við allt sem þarf að gera."
Nýjast
-
Undirskrift í grunni hjúkrunarheimilisins á Húsavík
Inga Sæland, félags- og húsnæðismálaráðherra og Katrín Sigurjónsdóttir, sveitarstjóri Norðurþings skrifuðu undir samkomulag á milli Félags- og húsnæðismálaráðuneytisins og Norðurþings um breytt fyrirkomulag vegna byggingar hjúkrunarheimilis á Húsavík -
Minningarsigling horfina og látinna sjómanna með Húna ll
Ákveðið hefur verið að endurtaka minningarsiglingu um horfna og látinna sjómanna í tengslum við hátíðarhöld á Sjómannadaginn um aðra helgi. Bryddað var upp á þessari fallegu nýjung á Sjómannadaginn í fyrra og var mjög góður rómur gerður að. -
Listasafnið á Akureyri: Leiðsagnir um helgina
Laugardaginn 24. maí, kl. 15 verður boðið upp á almenna leiðsögn um sýningar Þóru Sigurðardóttur, Tími – Rými – Efni, og Heimis Hlöðverssonar, Samlífi, sem opnaðar voru um síðustu helgi. Jafnframt verður fjölskylduleiðsögn um sýningarnar í boði daginn eftir, sunnudaginn 25. maí kl. 11-12. -
Loksins fær þyrlan heimili fyrir norðan
Því ber að fagna að ríkisstjórn Íslands hafi borið gæfa til að setja fjármuni í fasta starfsstöð Landhelgisgæslunnar á Akureyri, eitthvað sem ég hef barist fyrir sem þingmaður Norðausturkjördæmis undanfarin ár. Nú síðast lagði ég fram þingsályktunartillögu þess efnis í mars sl. -
Akureyrarhlaup í sókn – UFA og atNorth gera með sér þriggja ára samstarfssamning
Ungmennafélag Akureyrar (UFA) gerði á dögunum samstarfssamninga við nokkur öflug fyrirtæki vegna Akureyrarhlaupsins. Gerður var samstarfssamningur við atNorth til næstu þriggja ára. Að auki var samið við Altis sem selur meðal annars Mizuno íþróttafatnað og T-plús sem veitir verðlaunafé fyrir brautarmet í Akureyrarhlaupinu líkt og fyrri ár. -
Nýtt 80 rýma hjúkrunarheimili mun rísa við Þursaholt 2 á Akureyri.
Nýtt 80 rýma hjúkrunarheimili mun rísa við Þursaholt 2 á Akureyri. Inga Sæland, félags- og húsnæðismálaráðherra, og Ásthildur Sturludóttir, bæjarstjóri á Akureyri, undirrituðu samkomulag þess efnis í dag og skoðuðu byggingarstaðinn ásamt fulltrúum úr bæjarstjórn, öldungaráði og stjórn félags eldri borgara á Akureyri. -
Rómantík er nýjasta skógarafurðin
Á Facebooksíðu Skógræktarfélags Eyjafjarðar er skemmtileg frásögn, í henni er kastað fram hugmynd sem um er að gera að skoða hvort ekki eigi við hjá þér lesandi góður. -
Þorsteinn Már Baldvinsson lætur af störfum sem forstjóri Samherja
Þorsteinn Már Baldvinsson, forstjóri Samherja hf., ritaði í dag bréf til starfsfólks þar sem tilkynnti um ákvörðun sína um að láta af störfum sem forstjóri félagsins í júní næstkomandi. -
Tímamót hjá Sigríði Huld skólameistara VMA
Eins og fram hefur komið lætur Sigríður Huld Jónsdóttir af embætti skólameistara við Verkmenntaskólan á Akureyri mánaðarmótin júli, ágúst n.k. Heimasíða VMA tók viðtal við hana að þessu tilefni sem vefur Vikublaðsins fékk góðfúslegt leyfi til að birta hér. Á morgun, laugardaginn 24. maí, brautskráir Sigríður Huld Jónsdóttir skólameistari nítjánda nemendahópinn frá Verkmenntaskólanum á Akureyri. Þetta verður síðasta brautskráning hennar því hún hefur sagt starfi sínu lausu og mun formlega láta af störfum 31. júlí nk. Hún verður þó áfram í skólanum fram í ágúst til þess að ganga frá ýmsum lausum endum og leggja eftirmanni sínum lið fyrstu vikurnar í starfi.