Í svartasta skóglendi Parísar
Ingibjörg Bergmann Bragadóttir
París er algjör undraborg í kringum jólin. Meðan búðargluggarnir fyllast af könglum, greni og allskonar jólajurtum sem ég þori ekki fyrir mitt litla líf að reyna að þekkja og jólamarkaðir spretta um allt getur verið alveg yndislegt að labba um og dást að fegurðinni.
Það dregur líka aðeins athyglina frá fjölda hermanna og lögregluþjóna sem standa vörð um borgina þessa stundina. En því hef ég kosið að einblína ekki á hvað kemur næst á þessum óhugnanlegu tímum í Evrópu, því að það er víst ábyggilegt að hryðjuverk sem þessi gera ekki boð á undan sér. Það gera jólin hinsvegar og því miklu skemmtilegra einhvern veginn að spá í þau frekar.
Það eina sem ég get hinsvegar sett út á París er hversu ótrúlega erfitt það er að fá hangikjöt hérna. Og hvar er laufabrauðið, maltið og appelsínið, lakkrístopparnir?
Það hefur hvarflað að mér að reyna að útvega mér hangikjöt og jafning einhversstaðar og vinur minn tjáði mér eitt sinn að hér væri skógur, rétt utan við París, sem væri einhvers konar svartur skógur, þ.e. svartur markaður. Þú ferð inn í skóginn með pening og gengur út með það sem þig vantaði. ,,Ætli þeir séu með hangikjöt þar?" spurði ég vininn, vitanlega.
Hann skildi ekki hvað ég átti við þegar ég reyndi að útskýra ,,hanged meat". Ég skil ekki hvað fór úrskeiðis.
Í þessum samræðum okkar hvarflaði það að mér að fyrir mér eru jólin ek ki í París, þau eru á Íslandi. Og þegar ég sat í lestinni á leið í skólann og Svala Björgvins sagði mér að hún hlakkaði svo til, þá rann það alveg súrrealískt upp fyrir mér hversu forfallinn Íslendingur ég er.
Þrátt fyrir það nýt ég mín vel hérna í París. Ég einblíni á þau tækifæri sem mér standa til boða og vona að námslánin leyfi mér að njóta þeirra til fulls, eins og t.d. að skauta á fyrstu hæð Eiffel-turnsins eða sjá Maríu Magdalenu og Jósep ríða um á asna í Jardin du Luxembourg. Sagan segir að maður geti sjálfur fengið að prufa... En kannski er það bara fyrir börnin, ég veit það ekki alveg, ég er ennþá að fóta mig í frönskunni.
En framar öllu vona ég að þurfi ekki að hitta franska jólasveininn eða öllu heldur fylgimann hans, „Père Fouettard“ en hans hlutverk er að lemja óþæg börn með svipu. Ekki veit ég hversu bókstaflega þessi ,,hefð" er höfð í heiðri en ég vona að það sé jafn mikil alvara í henni og barnaætunni henni Grýlu okkar. Ef ekki, þá get ég bara þakkað fyrir að vera 22 ára og vonað að „Père Fouettard“ hafi lítinn áhuga á að heimsækja fjórtán fermetrana mína hérna í Montmarte hverfinu.
Ingibjörg Bergmann Bragadóttir
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.