Hvert stefnir menningin?
Elsa María Guðmundsdóttur situr í sjöunda sæti á lista Samfylkingarinnar á Akureyri við bæjarstjórnarkosningarnar i vor Hún er með MA í menningarstjórnun og er sjónlistakennari í grunnskóla.
Menningarstefna Akureyrarbæjar rann út árið 2018. Hún var unnin í nokkuð víðtæku samráði uppúr 2010. Stefnan var metnaðarfull og boðaði jákvæðar breytingar sem margar hafa gengið eftir. Í MA rannsókn minni frá 2021, „Hvernig á að fá þúsund blóm til að blómstra?“ kom m.a. fram að talsverð gjá var á milli þess sem stefnan boðaði og því sem raungerðist. Þetta má reyndar segja um margar stefnur, en einmitt þess vegna er mikilvægt að þær standi undir nafni og innifeli t.d. tímasettar raunhæfar aðgerðir.
Stefnumótunarvinna í heildarhugsun menningarmála á Akureyri hefur því ekki verið unnin í 16 ár. Það er mjög langur tími.
Í mjög einfaldri mynd má segja að um tvo burðarása sé að ræða í menningarmálum á Akureyri. Í fyrsta lagi myndar Menningarhúsið Hof ramma utan um tónlist, sviðslistir og aðra fjölbreytta viðburði með Menningarfélagi Akureyrar. Í öðru lagi má segja að Listagilið rammi inn stóran hluta af grasrótarstarfi listafólks. Ýmis konar starfsemi fer líka fram víða um bæinn t.d. kórar og tónlistarstarf, dansskólar og fleiri listatengdar greinar.
Á þessum 16 árum hafa orðið gífurlegar breytingar sem vert er að gefa gaum. Mikilvæg stækkun Listasafnsins á Akureyri hefur haft jákvæðar breytingar í för með sér en um leið minnkar húsnæði fyrir grasrótarstarfsemi í Listagilinu. Gilfélagið, sem sér t.d. um Deigluna og gestavinnustofu, þarf á öllu sínu að halda til að starfsemin lognist ekki útaf. Húsnæði sem áður hýsti Myndlistaskólann á Akureyri er nú gistirými fyrir ferðamenn. Þrengt er að vinnustofum listafólks í Listagilinu og ekki auðvelt að fá leigt húsnæði annars staðar í bænum. Menningarsjóðir og styrkir til verkefna á vegum Akureyrarbæjar hafa alls ekki haldið í við vísitöluþróun og í raun rýrnað að raungildi yfir talsvert langan tíma. Þrátt fyrir hækkun á starfslaunum bæjarlistafólks á sl. kjörtímabili eru þau ekki sambærileg og listamannalaun á vegum ríkisins. Þessir þættir hafa allir bein áhrif á grasrótarstarf listafólks.
Á sl. fjórum árum hafa orðið talsverðar breytingar á stjórnskipan bæjarins, Akureyrarstofa var lögð af, menningarmál voru felld undir bæjarráð og málaflokkurinn settur undir þjónustu- og menningarsvið Akureyrarbæjar
Þessir þættir þarfnast endurskoðunar. Ef við viljum standa undir nafni sem svæðisborg þá þarf metnað í verki þegar kemur að menningarmálum. Við þurfum ráðgefandi fagráð í menningarmálum sem heyrir undir bæjarráð. Við þurfum að gæta að jafnvægi milli grasrótar og atvinnustarfsemi. Kortleggja þau mál sem hægt er að laga strax og hvaða mál önnur þarf að vinna til grundvallar nýrrar menningarstefnu. Nýlega fengust auknir fjármunir í menningarsamningi við ríkið, það er mjög jákvætt og mikilvægt skref. Sveitarfélagið verður að vera með á hreinu hvert við viljum stefna. Það er ekki vænlegt að styðja sig við stefnu sem er löngu útrunnin, hversu góð sem hún kann að hafa verið. Samfylkingin er klár í það verkefni að hrinda af stað vinnu við nýja menningarstefnu.
Hún er með MA í menningarstjórnun og er sjónlistakennari í grunnskóla.
Nýjast
-
atNorth fær viðbótarlóðir á athafnasvæði sínu
Bæjarstjórn Akureyrar hefur samþykkt samhljóða að fyrirtækinu atNorth verði veitt vilyrði fyrir svæði við Hlíðarvelli þar sem nú eru sjö minni athafnalóðir. Lóðirnar eru veittar án auglýsingar. -
Edelstein og Vogler með Klassíska krufningu
Alexander Smári Kristjánsson Edelstein píanóleikari og Erla Dóra Vogler mezzosópran halda saman aðeins öðruvísi ljóðatónleika dreift um Norðausturland nú í maí mánuði. -
Hvert stefnir menningin?
Menningarstefna Akureyrarbæjar rann út árið 2018. Hún var unnin í nokkuð víðtæku samráði uppúr 2010. Stefnan var metnaðarfull og boðaði jákvæðar breytingar sem margar hafa gengið eftir. Í MA rannsókn minni frá 2021, „Hvernig á að fá þúsund blóm til að blómstra?“ kom m.a. fram að talsverð gjá var á milli þess sem stefnan boðaði og því sem raungerðist. Þetta má reyndar segja um margar stefnur, en einmitt þess vegna er mikilvægt að þær standi undir nafni og innifeli t.d. tímasettar raunhæfar aðgerðir. -
Uppbygging Hlíðarfjalls krefst nýrrar nálgunar í rekstri
Hlíðarfjall hefur á undanförnum árum þróast í einn stærsta vetraráfangastað landsins. Aðsókn hefur aukist jafnt og þétt og um helgar sækja þúsundir gesta fjallið þegar best lætur. Samhliða þessu hefur starf Skíðafélags Akureyrar (SKA) vaxið hratt og iðkendafjöldi tvöfaldast á um þremur árum. -
Virkar samgöngur eða virka samgöngur?
Á Akureyri er frábært að búa, hér er nánast alla þjónustu að fá, útivistarsvæði umlykja bæinn og stutt að fara eiginlega hvert sem er innanbæjar -
Systur láta af störfum eftir 78 ár samtals
Systurnar Lilja og Ragna Finnsdætur láta af störfum eftir að hafa starfað við fiskvinnslu á Fiskitanga á Akureyri í samtals 78 ár. Lilja í 26 ár og Ragna í 52 ár. -
Viðburðurinn Von og Vöxtur haldin að Hömrum við Akureyri -Minnisvarði um Hjalta Snæ afhjúpaður
„Við vildum fyrst og fremst búa til viðburð sem hefur merkingu og skilur eitthvað eftir sig,“ segir Guðrún Huld Gunnarsdóttir stjórnarformaður í félaginu Hjaltastaðir. Á þess vegum verður efnt til viðburðar á Hömrum, þar sem nýju flatirnar eru, á laugardag 9. maí kl. 13, en á þeim degi er afmælisdagur Hjalta Snæs Árnasonar sem lést fyrir rúmu ári síðan. Yfirskriftin er Von og Vöxtur og snýst hann um að skapa von, vöxt og raunverulegar breytingar til framtíðar. Allir geta lagt sitt af mörkum og tekið þátt en til stendur að gróðursetja tré, búa til Hjaltalund og eins verður minnismerki afhjúpað. -
Æskulýðsmál, forvarnir og jöfnuður: Skátastarf
Aukin kyrrseta, skjánotkun og félagsleg einangrun barna og ungmenna eru áhyggjuefni. Við stöndum frammi fyrir heimatilbúinni ógn sem hefur slæm áhrif á geðheilsu barna og þroska þeirra. Þá er einnig baráttan gegn fíkni- og vímuefnanotkun barna langt frá því að vera unninn slagur, þar sem aðgengi og úrval virðast sífellt aukast. En hvaða tól og tækifæri höfum við sem samfélag til þess að sporna við þessari þróun? -
Hvort ætlum við að spara eða fjárfesta í geðheilsu ungs fólks?
Verkmenntaskólinn á Akureyri er tæplega þúsund manna skóli og er stærstur framhaldsskóla utan höfuðborgarsvæðisins. Frá haustinu 2012 var starfandi sálfræðingur við VMA og fyrsta skólaárið nýttu sér 10% nemenda þjónustu hans. Aðsókn í þjónustu skólasálfræðings við VMA jókst mikið skólaárið 2023-2024 sem ber þess merki hversu mikilvæg þjónusta sem þessi er.
