Hlíðarfjall verði opið allt árið
Hlíðarfjall að sumarlagi.
Akureyrarbær hefur auglýst eftir hugmyndum um nýtingu og rekstur útivistasvæðisins í Hlíðarfjalli yfir sumarmánuðina. Óskar bærinn eftir hugmyndum um nýtingu á svæðinu, byggingum og búnaði, í heild eða að hluta. Í auglýsingunni segir m.a. að í Hlíðarfjalli sé einstakt útsýni yfir Akureyri og Eyjafjörð og sumarrekstur mætti ná til loka september. Hugmyndir um sumarrekstur í Hlíðarfjalli eru ekki algjörlega nýjar af nálinni.
Fyrir um tveimur árum stóð til að setja upp eins manns sleðarennibraut niður Andrésarbrekkuna sem yrði opin yfir sumartímann. Á bakvið verkefnið var félagið Zalibuna sem samanstóð af fjórum ungum frumkvöðlum sem útskrifuðust frá verkfræðisviði Háskóla Íslands og þróuðu hugmyndina í lokaverkefni sínu. Þar var hugmyndin að nota stólalyftuna til að ferja fólkið upp og niður Andrésarbrekkuna myndi svo liggja 1300 m langur álprófíll sem sleðarnir festast á og færi niður fjallið. Ekkert varð þó úr þessum hugmyndum.
Ellert Örn Erlingsson, forstöðumaður íþróttamála á Akureyri, segir við fyrirspurn Vikudags að hugmyndin um Zalibununa hafi ýtt við bæjaryfirvöldum. „Okkur finnst spennandi að opna fyrir þann möguleika að hafa sumarstarfsemi í Hlíðarfjall sem gæti þá t.d. notað búnað og mannvirki sem fyrir eru. Á svæðinu hafa t.d. fjallahjólagarpar lagt braut og notast við. Það er ýmislegt hægt að gera,“ segir Ellert. Nánari upplýsingar má sjá á vef Akureyrarbæjar.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.