Hestamenn hittast á Melgerðismelum
Jón Björn Arason. Bjarni Guðmundsson. Björn Jóhann Jónsson. Alda Skarphéðinsdóttir. Sverrir Pálmason. Edda Skarphéðinsdóttir Ásta Dúna Jakobsdóttir Ragnar Ingólfsson Júlía Sjöfn (Didda Dúdda) Sigurjónsdóttir. Jón Ólafur Sigfússon. Halldóra Steindórsdóttir. Hólmgeir Valdemarsson. Jónas Óli Egilsson. Reynir Björgvinsson og Freyja Sigurvinsdóttir. Á myndina vantar Sigfús Ólaf Helgason.
Nú í ár eru nákvæmlega 50 ár liðin síðan hestamenn á Akureyri og í Eyjafirði hófu uppbyggingu mótsvæðis hestamanna á Melgerðismelum og árið 1976 var fyrsta fjórðungsmót Norðlenskra hestamanna haldið þar.
Síðan var Íslandsmót í hestaíþróttum haldið þar árið 1981. Fjórðungsmót voru aftur haldin árin 1983 og 1987 og svo var Landsmót hestamanna haldið þar árið 1998. Loks var Íslandsmót í hestaíþróttum haldið aldamótaárið 2000.
Í þessi 50 ár hefur sterkur kjarni félagsmanna Léttis og Funa unnið á Melgerðismelum á hverjum tíma að uppbyggingunni og skipta vinnustundirnar eflaust hundruðum þúsunda í gegnum þessi ár ef allt er talið.
Í vikunni var svokallaður vinafundur þegar þeir félagarnir Sigfús Ólafur Helgason og Hólmgeir Valdemarsson félagsmenn Léttis og reyndar heiðursfélagar einnig hóuðu saman á melunum góðum hópi hestamanna frá Akureyri og Eyjafirði ásamt mökum sem hafa unnið mikið starfa á einhverjum tímapunkti á Melgerðismelum í þessi 50 ár.
Nú var ekki skófla, hamar eða pensill með í för, heldur bara gleði, stolt og ánægja.
Nú var bara notið góðra veitinga og spjallað, rifjað upp og glaðst á góðum stað og var þetta sérstakur vinafundur í tilefni 50 áranna.
Menn voru sammála um að í dag séu Melgerðismelar einhvert glæsilegasta útivistarsvæði hestamanna á landinu, með óþrjótandi reiðleiðir á mjúku og einstaklega fallegu landi sem svo sannarlega hefur tekið miklum breytingum á þessum 50 árum sem liðin eru síðan uppbyggingin hófst.
Allir melarnir eru nú gróið svæði og gríðarmikil skógrækt er þarna að vaxa til himins svo mörgum metrum skiptir og allt þetta er mannanna verk m.a. þessara manna og kvenna sem hittumst á Melgerðismelum í gær.
Nýjast
-
Hestamenn hittast á Melgerðismelum
Nú í ár eru nákvæmlega 50 ár liðin síðan hestamenn á Akureyri og í Eyjafirði hófu uppbyggingu mótsvæðis hestamanna á Melgerðismelum og árið 1976 var fyrsta fjórðungsmót Norðlenskra hestamanna haldið þar -
Göngufólk í sjálfheldu í Nesskriðum í Siglufirði
Björgunarsveitir í Eyjafirði og á Siglufirði voru fyrr í kvöld kallaðar út vegna fjögurra göngumanna -
Björgúlfur EA 312 fær andlitslyftingu
Togarinn Björgúlfur EA 312 hefur verið í flotkví Slippsins á Akureyri undanfarna daga -
Góð uppskera en misjöfn gæði
Fyrsta slætti er heilt yfir lokið í Eyjafirði og segir Sigurgeir Hreinsson framkvæmdastjóri Búnaðarsambands Eyjafjarðar að uppskera sé góð víðast hvar en gæðin aftur á móti misjöfn. -
„Allt snýst þetta um að leggja góðu málefni lið“
Mömmur og möffins er orðinn ómissandi liður í dagskrá hátíðarinnar Einnar með öllu. -
Góð þátttaka í Botnsvatnshlaupi Landsbankans
Botnsvatnshlaup Landsbankans er einn af föstu liðum Mærudaga á Húsavík. Stofnmeðlimir hlaupahópsins Skokka stofnuðu hlaupið árið 2012 -
Töfrandi stemning í Vaglaskógi - Myndaveisla
Hilmar Friðjónsson ljósmyndari var að hátíðinni og tók meðfylgjandi myndir -
Umhverfisverðlaun Norðurþings 2025
Það voru Soffía Gísladóttir, formaður skipulags- og framkvæmdaráðs Norðurþings og Katrín Sigurjónsdóttir sveitarstjóri sem veittu viðurkenningarnar við setningu Mærudaga á föstudag -
„Game of Thrones“ langoftast nefnd sem áhrifavaldur
Út er komin skýrsla með niðurstöðum spurningakönnunar sem Þekkingarnet Þingeyinga framkvæmdi meðal erlendra ferðamanna sumarið 2024 í Mývatnssveit
