Heilsufarsstaða Íslendinga - Landskönnun á hreyfingu, kyrrsetu og svefni hafin
Nanna Nanna Ýr Arnardóttir, lektor við Háskólann á Akureyri
Ný rannsókn er hafin á Íslandi þar sem hreyfing, kyrrseta og svefn fólks í landinu á aldrinum 20–69 ára verða mæld með hlutlægum hætti. Rannsóknin, sem nefnist Landskönnun á hreyfingu, kyrrsetu og svefni, er hluti af stóru Evrópuverkefni, JA Prevent, sem hefur það markmið að efla forvarnir gegn ósmitbærum sjúkdómum.
Íslenski hluti verkefnisins er samstarf embættis landlæknis, Hagstofu Íslands, Háskóla Íslands, Háskólans í Reykjavík og Háskólans á Akureyri. Nanna Ýr Arnardóttir, lektor við Háskólann á Akureyri er fulltrúi háskólans í verkefninu.
Mikilvægi rannsóknarinnar
Ósmitbærir sjúkdómar, svo sem hjarta- og æðasjúkdómar, sykursýki og ýmis stoðkerfisvandamál, eru ein helsta orsök heilsutaps í Evrópu. Mælingar á hreyfingu, kyrrsetu og svefni geta veitt mikilvægar upplýsingar um áhættuþætti þessara sjúkdóma.
„Rannsóknin mun gefa okkur nákvæmara mat á heilsufarsstöðu Íslendinga og skapa traustan grunn til að meta ávinning af lýðheilsustefnum og forvarnarstarfi til framtíðar,“ segir Nanna Ýr, aðspurð um ávinning rannsóknar. „Svo fá þátttakendur gjafabréf sem hvatningu til að taka þátt því það er okkur mjög mikilvægt að góð þátttaka náist svo niðurstöður gefi góða raunmynd af aðstæðum,“ bætir Nanna við.
Framkvæmdin
Þau sem hafa tekið þátt í Evrópsku heilsufarsrannsókninni (EHIS), sem er í formi spurningalista sendum af Hagstofunni, fá boð um þátttöku í Landskönnununni. Þau sem samþykkja þátttöku fá sendan búnað til að safna gögnum: hreyfimæli sem er borinn á mitti yfir daginn og á úlnlið yfir nóttu, málband fyrir mittismál, svefndagbók, leiðbeiningar og umslag til að skila gögnunum aftur.
Með þessum hætti er hægt að mæla venjur daglegs lífs hjá fólki – hve mikið það hreyfir sig, hve lengi það situr kyrrt og hvernig svefnvenjur eru. Þetta er fyrsta heildstæða rannsókn sinnar tegundar hér á landi þar sem svona breitt aldursbil er skoðað samtímis með hlutlægum hætti.
Á heimasíðunni island.is/hks má nálgast frekari upplýsingar um rannsóknina og hvernig hún er unnið í samstarfi við alþjóðlega aðila.
Nýjast
-
Um 60 manns mættu á samráðsfund um framtíð tæknináms
Afar vel heppnaður Súpufundur atvinnulífsins fór fram í DriftEA við Ráðhústorg á Akureyri í gær, þar sem rætt var um framtíð tæknináms á Norðausturlandi. -
Vísindadagur SAk og Heilbrigðisvísindastofnunar HA og SAk
Fimmtudaginn 18. september fer fram Vísindadagur SAk og Heilbrigðisvísindastofnunar HA og SAk. Á dagskránni eru fjölbreytt og áhugaverð erindi þar sem starfsmenn SAk og samstarfsaðilar kynna rannsóknir og þróunarverkefni. Viðburðurinn fer fram í fundarherberginu Kjarna á SAk og verður einnig í beinu streymi á Teams. -
Ég reyni að láta flesta mína drauma rætast.
Sigrún María Óskarsdóttir ætlar að taka þátt í Aðgengisstrollinu sem fram fer í dag í tengslum við Evrópsku samgönguvikuna og hvetur öll til að koma og vera með. Sigrún María er Akureyringur vikunnar. -
Heilsufarsstaða Íslendinga - Landskönnun á hreyfingu, kyrrsetu og svefni hafin
Ný rannsókn er hafin á Íslandi þar sem hreyfing, kyrrseta og svefn fólks í landinu á aldrinum 20–69 ára verða mæld með hlutlægum hætti. Rannsóknin, sem nefnist Landskönnun á hreyfingu, kyrrsetu og svefni, er hluti af stóru Evrópuverkefni, JA Prevent, sem hefur það markmið að efla forvarnir gegn ósmitbærum sjúkdómum. -
Unglingadeildin Lambi er viðbót við Súlur
Unglingadeildin Lambi er ný viðbót í starf björgunarsveitarinnar Súlna haustið 2025. Fyrsta árið verða teknir inn krakkar sem verða 14 ára á árinu og hefst þannig spennandi nýtt ævintýri þar sem ungir krakkar fá að kynnast starfi björgunarsveita á öruggan og skemmtilegan hátt. -
Evrópska samgönguvikan fer fram dagana 16.–22. september en að þessu sinni er yfirskrift hennar „Samgöngur fyrir öll“.
Akureyrarbær tekur þátt í vikunni með fjölbreyttum viðburðum. Aðalviðburður vikunnar verður svokallað Aðgengisstroll, sem haldið verður í samstarfi við Sjálfsbjörg á Akureyri og Virk efri ár, miðvikudaginn 17. september kl. 16.30. Farið verður frá Lystigarðinum að Íþróttahöllinni, um 400 metra leið. Á bílaplaninu við Íþróttahöllina verður boðið upp á grillaðar pylsur og samtal um upplifun þátttakenda. Þar verður einnig aðgengilegur strætisvagn til sýnis og gestum gefst tækifæri til að prófa að fara yfir minni hindranir í hjólastól undir leiðsögn Sjálfsbjargar. Bæjarfulltrúar munu fara leiðina í hjólastólum sem Sjálfsbjörg útvegar og öðlast þannig innsýn í daglega reynslu fólks með skerta hreyfigetu. Öll eru velkomin til að taka þátt og ræða saman um aðgengi og hindranir í nærumhverfinu. -
„Okkar hlutverk er að allt virki vel“
Sigurbjörn Tryggvason hefur verið vélstjóri á skipum Útgerðarfélags Akureyringa og Samherja svo að segja frá því hann útskrifaðist sem vélstjóri árið 1984. Lengst var hann vélstjóri á Sléttbak EA 304. Síðustu fimm árin hefur Sigurbjörn verið vélstjóri á Björgúlfi EA 312, sem hann segir prýðilegt skip í alla staði. -
Þórduna selur skólapeysur til styrktar minningarsjóð Bryndísar Klöru
Nemendafélagið Þórduna hefur sett af stað sölu á VMA skólapeysum. Í ár er sérstök áhersla lögð á bleiku peysurnar, þar sem allur ágóði af sölu þeirra rennur í minningarsjóð Bryndísar Klöru. Að auki eru í boði bæði gráar og bláar peysur í fjölbreyttum stærðum. -
Samfélagið er lykill að íslensku
Dagana 19.–20. september fer fram umfangsmikil ráðstefna í Háskólanum á Akureyri um kennslu íslensku sem annars máls með sérstakri áherslu á nám fullorðinna. Ráðstefnunni er ætlað að bregðast við ákalli samfélagsins, innflytjenda, framhaldsfræðsluaðila og háskóla um samráðsvettvang á þessu sviði.