Haukar númeri of stórir fyrir Akureyri í kvöld
Haukar höfðu betur gegn Akureyri Handboltafélagi, 24:20, er liðin mættust í Íþróttahöllinni í kvöld í N1- deild karla í handbolta. Sigurinn var þó mun öruggari en tölurnar gefa til kynna og strax í upphafi leiks gáfu gestirnir tóninn fyrir það sem koma skyldi og var í raun aldrei spurning hvoru megin sigurinn myndi detta. Gestirnir voru ógnarsterkir í öllun sínum aðgerðum, sóknarlega sem varnarlega og Birkir Ívar Guðmundsson átti stórleik í marki gestanna þar sem hann varði 24 skot, þar af 2 víti og voru Haukar einfaldlega númeri of stórir fyrir Akureyri í kvöld.
Gestirnir byrjuðu leikinn af krafti og skoruðu þrjú fyrstu mörkin og þegar fyrri hálfleikur var hálfnaður var staðan 10:3 fyrir Hauka. Gestirnir juku muninn í átta mörk áður en flautað var til leikhlés. Staðan í hálfleik, 15:7, Haukum í vil.
Haukar byrjuðu seinni hálfleikinn líkt og þann fyrri og skoruðu fyrstu tvö mörkin og munurinn tíu mörk, 7:17, og úrslitin nánast ráðin. Norðanmenn náðu þó að hrista upp í sínum leik þegar leið á seinni hálfleikinn og skoruðu þrjú síðustu mörkin í leiknum.Lokatölur fjögurra marka sigur gestanna, 24:20.
Oddur Gretarsson var markahæstur í liði Akureyrar með 7 mörk, þar af 3 úr víti. Jónatan Þór Magnússon skoraði 4 mörk og þeir Árni Þór Sigtryggsson, Geir Guðmundsson og Heimir Örn Árnason komu næstir með 2 mörk hver. Þá varði Hörður Flóki Ólafsson 9 skot í marki heimamanna og Hafþór Einarsson varði 10 skot.
Í liði Haukar var Elías Már Halldórsson markahæstur með 7 mörk, Björgvin Hólmgeirsson skoraði 6 mörk, Freyr Brynjarsson 3 mörk og aðrir minna. Sem fyrr segir átti Birkir Ívar Guðmundsson stórleik fyrir Hauka og varði 24 skot.
Eftir leikinn eru Haukar á toppi deildarinnar með 14 stig eftir átta leiki en Akureyri er í 3. sæti með 11 stig eftir níu leiki.
Leikurinn var síðasta leikur ársins hjá Akureyri í N1- deildinni en norðanmenn eiga ágætis möguleika á því að ná sæti í Deildarbikarkeppninni sem verður haldin milli jóla og nýárs.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.