Hátíðin Einn á báti haldin að Hömrum
Í fyrra var markaður og harmonikuleikur í Sandgerðisbót og einnig var boðið upp á súpu.
Sjómenn á Akureyri efna til hátíðarinnar Einn á báti á útivistarsvæðinu að Hömrum á laugardag og stendur hún frá kl. 14 til 17. Bryggjustemmning verður í Sandgerðisbót á laugardagsmorgun og hefðbundin sjómannadagskrá við Menningarhúsið Hof á sjómannadag. Við bjóðum upp á veglega dagská í ár og eigum von á miklum fjölda gesta, segir Árni Rúnar Jóhannesson einn skipuleggjenda hátíðarinnar, enda veðurspá góð og fjölbreytt vegleg dagskrá í boði. Skoppa og Skrítla mæta á svæðið og skemmta börnunum, atriði verður úr Gulleyjunni, Einar einstaki töframaður sýnir listir sínar og Heimir Ingimarsson syngur. Þyrla Landhelgisgæslunnar verður til sýnis og Súlur sýna tæki sín og tól. Líkt og í fyrra mun karamellum rigna yfir hátíðarsvæðið.
Þá keppa sjómenn í ýmsum greinum, fótbolta, koddaslag, reiptogi og bumbubolta svo eitthvað sér nefnt. Sjóstangveiðifélag Eyjafjarðar stendur fyrir keppni meðal sjómanna í flugkasti. Sjómenn eiga heiðurinn af hátíðinni, en eftir nokkra lægð í sjómannadagshátíðarhöldum á Akureyri tóku þeir sig til og hófu sjálfir að skipuleggja dagskrá. Árni Rúnar segir að einstök veðurblíða, gott skjól og fallegt umhverfi hafi einkum og sér í lagi orðið til þess að sjómenn velji að halda hátíð sína að Hömrum.
Á Sjómannadaginn verða sjómannamessur bæði í Akureyrarkirkju og Glerárkirkju, en í þeirri síðarnefndu verður blómsveigur lagður að minnisvarða um týnda og drukknaða sjómenn að lokinni messu. Hefðbundin dagskrá verður við Hof, m.a. hinn sívinsæli kappróður, ræðu dagsins flytur Ragnhildur Benediktsdóttir frá Jötunfelli og fjallar um trillukarla, m.a. afa sinn og föður. Smábátar munu sigla úr Sandgerðisbót í hópsiglingu að Torfunefsbryggju. Tónlistaratriði verða á dagskrá, m.a. munu félagar úr Karlakór Akureyrar Geysi syngja sjómannalög og Nökkvafélagar sýna báta sína. Boðið verður upp á siglingu með Húna II og Arngrímur Jóhannsson lendir sjóflugvél sinni á Pollinum svo eitthvað sér nefnt.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
