Háskólarnir heimsækja í fyrsta sinn bæði VMA og MA
Háskólarnir heimsækja í fyrsta sinn bæði VMA og MA
Háskóladagurinn verður á Akureyri fimmtudaginn 17. mars í VMA og MA
Allir háskólar landsins kynna námsleiðir sínar, sem eru yfir 500 talsins, og námsráðgjafar verða á staðnum
„Háskóladagurinn kynnir nú í fyrsta sinn bæði í VMA og MA," segir Hallfríður Þóra Tryggvadóttir, verkefnastjóri Háskóladagsins um kynningu á háskólanámi á Akureyri fimmtudaginn 17. mars.
Kynningar fara fram í Verkmenntaskólanum á Akureyri kl. 9:30 til 11 og í Menntaskólanum á Akureyri frá kl. 13 til 14:30. Það er nýlunda að Háskóladagurinn komi bæði í VMA og MA en áður hafa kynningar farið fram í VMA.
Allir háskólar á Íslandi standa í sameiningu fyrir Háskóladeginum sem fór fram í Reykjavík laugardaginn 5. mars. Eftir þann dag héldu háskólarnir í ferð um landið til að kynna þær námsleiðir sem eru í boði.
„Háskólarnir koma á Akureyri, og ferðast um landið, til að sem flestir hafi aðgang að góðum námskynningum. Það getur nefnilega verið hægara sagt en gert að velja framtíðarnám og starfsvettvang," segir Hallfríður.
„Þessar kynningar eru einstakt tækifæri fyrir þá sem ætla að hefja háskólanám næsta haust eða vilja skoða hvaða möguleikar eru í boði," segir Hallfríður og bætir við að möguleikarnir séu ótalmargir. „Ég held að margir verði hissa yfir fjölbreytileikanum sem ríkir innan veggja háskólanna. Það er eitthvað í boði fyrir alla," segir hún og bendir á að skólarnir séu alltaf að bæta við eða endurbæta námsframboðið. „Þú gætir því auðveldlega uppgötvað eitthvað nýtt nám, sem þú vissir ekki um, í VMA og MA á fimmtudaginn," segir Hallfríður.
Háskóli Íslands, Háskólinn á Akureyri, Háskólinn á Bifröst, Háskólinn á Hólum, Háskólinn í Reykjavík, Landbúnaðarháskóli Íslands og Listaháskóli Íslands kynna námsframboð sitt, á grunn- og framhaldsstigi.
Háskóladagurinn veitir framtíðarnemendum tækifæri til þess að hitta námsráðgjafa, kennara, starfsmenn og nemendur háskólanna svo þeir geti tekið upplýsta ákvörðun um námsval. „Það eru allir velkomnir og við hvetjum fólk á öllum aldri til þess að mæta, hvort sem þeir eru framhaldsskólanemar, nýstúdentar eða fólk úr atvinnulífinu," segir Hallfríður.
Háskóladagurinn á Akureyri á Facebook:
https://www.facebook.com/events/1752995194987188/
Kynningar Háskóladagsins um allt land:
- Ísafjörður, MÍ 7. mars kl. 11 - 12:30
- Akranes, FVA 8. mars kl. 10 - 11:30
- Grundarfjörður, FSN 8. mars kl. 14 - 15:30
- Selfoss, FSU 14. mars kl. 10 - 11:30
- Höfn, FAS 15. mars kl. 10 - 11:30
- Egilsstaðir, ME 16. mars kl. 10 - 11:30
- Akureyri, VMA 17. mars kl. 9:30 - 11
- Akureyri, MA 17. mars kl. 13 - 14:30
- Sauðárkrókur, FNV 18. mars kl. 9:45 - 11:15
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.