Hætt verður að greiða rekstrarstyrki með áætlunarflugi á norðausturhornið
Twin Otter flugvél Norlandair kemur inn til lendingar á Akureyrarflugvelli.
Þessi fyrirætlan hefur verið mjög í umræðunni hér og fólk óttast hið versta, því við erum háð góðum samgöngum hér úti við ysta haf, hvort sem er í lofti eða láði, segir Gunnólfur Lárusson sveitarstjóri í Langanesbyggð, en rekstrarstyrkur vegna áætlunarflugs sem Norlandair á Akureyri hefur sinnt til Þórshafnar og Vopnafjarðar verður ekki greiddur lengur en til áramóta 2013 til 2014. Þorsteinn Steinsson sveitarstjóri í Vopnafjarðarhreppi tekur í sama streng og segir mjög erfitt fyrir sveitarfélögin að horfa til þess að styrkurinn verði afnuminn, þar sem hér er um eina almenningssamgöngumátann til og frá þessu stöðum að ræða, segir hann. Í ályktun sem samþykkt var á fundi sveitarstjórnar segir að það sé fullkomnlega óásættanlegt að rekstrarstyrkurinn sé ekki tryggður til lengri tíma. Þessi mikilvægi samgöngumáti má ekki undir neinum kringumstæðum falla niður. Enda eitt af marginmarkmiðum samgönguáætlunar að almenningssamgöngur séu góðar innan svæða og einnig og ekki síður til og frá höfuðborg allra landsmanna, segir í ályktun frá Vopnafjarðarhreppi.
Gunnólfur í Langanesbyggð bendir á að Hófaskarðsleiðin sé vissulega mikil samgöngubót og íbúar þakklátir fyrir hana. Það þarf hinsvegar ekkert að fjölyrða um það við þá sem þekkja sláttinn í byggðarlögum á borð við Þórshöfn og Vopnafjörð, hvað þetta flug skiptir gríðarlega miklu máli, segir hann. Sjávarútvegsfyrirtæki á svæðinu hafi fjárfesti fyrir milljarða undanfarin ár og þau nýti sér flugið í miklum mæli. Þá skiptir það einnig máli fyrir íbúa að hafa greiðan aðgang að suðvesturhorni landsins sem það hafi í gegnum flugið. Hann segir íbúa háða margs konar þjónustu á höfuðborgarsvæðinu, heilbrigðisþjónustu og stjórnsýslu svo dæmi séu tekin. Og oftar en ekki þurftum við að sækja þessa þjónustu fljótt og örugglega. Þarna hefur flugið skipt öllu máli og fólkið hér má ekki til þess hugsa ef það verður lagt af, segir Gunnólfur.
Í báðum sveitarfélögum bera menn þá von í brjósi að yfirvöld samgöngumála tryggi fjárveitingar til þessara samgangna áfram.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
