Hængsmótið haldið í 30. sinn á Akureyri
Keppt verður í boccía og borðtennis í Íþróttahöllinni á Akureyri næstu daga.
Undanfarna áratugi hefur Lionsklúbburinn Hængur á Akureyri staðið fyrir opnu móti fyrir fatlað íþróttafólk. Mótið nefnist Hængsmót og fer 30. mótið fram dagana 28.-30. apríl nk. í Íþróttahöllinni á Akureyri. Mótið verður sett í Höllinni á morgun, laugardaginn 28. apríl kl. 16.00 af bæjarstjóranum á Akureyri, Eiríki B. Björgvinssyni. Heiðursgestur Hængsmótsins 2012 er forseti Íslands, herra Ólafur Ragnar Grímsson. Keppni hefst kl. 17.00 á morgun en þá verður keppt í borðtennis og einstaklingskeppni þroskaheftra í boccia. Á sunnudag hefst keppni kl. 09.00 með einstakslings- og sveitakeppni í boccía og á mánudag verður einnig keppt í einstaklings- og sveitakeppni í boccia. Áætlað er keppni ljúki kl. 15.20 á mánudag. Hængsmótinu lýkur með veglegu lokahófi í Íþróttahöllinni kl. 19.00 á mánudagskvöld og verður þar m.a. boðið upp á góðan mat, margvísleg skemmtiatriði ásamt verlaunaafhendingu, happadrætti og dansleik á eftir. Verður þar margt góðra gesta og mikil gleði að venju. Hængsmótið er stærsta og jafnframt skemmtilegasta verkefni Lionsklúbbsins Hængs. Við tökumst á við þetta stærsta verkefni okkar á hverju ári af mikilli ánægju, því að við vitum að laun okkar fyrir mikinn undirbúning og mikla vinnu eru ríkuleg og ekki í líkingu við nokkuð annað. Geislandi bros og innilegt þakklæti sem kemur beint frá hjartanu eru stórkostleg laun, segja þeir Hængsfélagar. Þröstur Guðjónsson formaður ÍBA er mótsstjóri og yfirdómari sem fyrr, formaður mótsnefndar er Gunnlaugur Björnsson og mótsstjóri Jón Heiðar Árnason.
Nýjast
-
Nýtt upphaf í fjölnýtingu jarðhitaafurða á Þeistareykjum
Nýja húsnæðið sem Landsvirkjun reisir verður á svokallaðri fjölnýtingarlóð milli skiljustöðvar og aflstöðvar Landsvirkjunar, og mun GeoSilica fá beinan aðgang að auðlindastraumum frá jarðvarmavinnslunni. -
Assgolli fínt! – Múmínkastalinn frægi tilbúinn
Múmínkastalinn í Ævintýralundi í Kjarnaskógi er tilbúinn. Ævintýraþyrst börn á öllum aldri velkomin að líta við. -
Myndlistarsýning: Fjallið Kerling séð frá Fujian héraði
Laugardaginn 5. júlí kl 18.00 opnar myndlistarmaðurinn Aðalsteinn Þórsson sýningu á nýjum verkum í Dyngjunni - listhúsi í Eyjafjarðarsveit -
Neistinn tendraður í Kveikjunni Norðlensk fyrirtæki sameinast um nýsköpun innan fyrirtækja að sænskri fyrirmynd
Upphafsviðburður Kveikjunnar á vegum Driftar EA fór fram á dögunum í Messanum við Ráðhústorg á Akureyri. Þar komu saman fulltrúar ellefu fyrirtækja úr fjölbreyttum greinum atvinnulífsins og hófu formlega þátttöku sína í verkefninu. -
Sparisjóðir sameinast
Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameiningu sjóðanna en hún tekur mið af stöðu sjóðanna í upphafi árs. -
PWC styður áfram við bakið á Völsungi
PwC og Völsungur hafa skrifað undir áframhaldandi samstarfssamning sín á milli -
Vilja lóð undir iðnaðarmannaíbúðir
Hnjúkur efh. hefur óskað eftir að fá úthlutað eða leigða lóð á Akureyri til að reisa á iðnaðarmanníbúðir. -
Sótt um rekstur ölstofu í fyrrum apóteki
Sótt hefur verið um leyfi til reksturs ölstofu á neðstu hæð Hafnarstrætis 95 við göngugötuna á Akureyri. Þar hefur um árabil verið rekið apótek,m.a. Stjörnuapótek í eina tíð og síðar Apótekarinn, en því var lokað nú nýverið. -
Blood Harmony spilar á tónleikum á Minjasafninu í kvöld.
Blood Harmony er samstarfsverkefni systkinanna Arnar, Aspar og Bjarkar Eldjárn sem hófst snemma árs 2020 þegar heimsfaraldurinn skall á og sökum hans voru þau flutt í heimahagana fyrir norðan.
