Hæg en örugg fólksfjölgun á Akureyri
Síðustu fimm árin hefur Akureyringum að meðaltali fjölgað um 170 á ári.
Samkvæmt tölum úr Þjóðskrá Íslands var fjölgun í öllum landshlutum frá 1. desember 2017 til 1. október sl. nema á Norðurlandi eystra. Íbúum fækkaði um 0,4% á Norðurlandi eystra sem er fækkun um 115. Á landsvísu fjölgaði íbúum um 2%.
Hlutfallslega fjölgaði íbúum mest á Suðurnesjum eða um 4,7% og á Suðurlandi um 2,8%. Hlutfallsleg aukning í höfuðborginni var um 1,4%. Ef íbúafjölgun á Akureyri er skoðuð sérstaklega á milli áranna 2017 og 2018 þá fjölgaði bæjarbúum 92, eða 0,5% sem er töluvert undir landsmeðaltalinu.
Þóroddur Bjarnason, prófessor við Háskólann á Akureyri, segir íbúavöxtinn á Akureyri hafa verið nokkuð línulegan í gegnum áratugina. „Það er eðlilegt að vöxturinn sveiflist til og frá á milli ára. En það sem er hvað áhugverðast í þessu er hversu vöxturinn á Akureyri hefur verið stöðugur í heila öld með öllum þeim breytingum sem hafa orðið á samfélaginu – vexti og hruni iðnaðarins, stofnun háskólans og fjölgun ferðamanna svo fátt eitt sé nefnt,“ segir Þóroddur.
Síðastliðin hundrað ár hefur að meðaltali fjölgað um 161 íbúa á ári, en síðastliðin fimmtíu ár efur að meðaltali fjölgað um 168 á ári. Síðustu fimm árin hefur Akureyringum að meðaltali fjölgað um 170 á ári. Flest árin er fjölgunin á bilinu 100-300 íbúar á ári.
Þóroddur Bjarnason
Varhugavert að vaxa of hratt
Þóroddur bendir á að of ör íbúaþróun geti verið varhugaverð. „Ég held að það sé engin ástæða til að súpa hveljur þótt að íbúum fjölgi hlutfallslega lítið á Akureyri á milli ára. Ef bæjarfélög vaxa hratt má líkja því við unglinga sem vaxa of hratt; hlutföllin verða oft svolítið skrýtin og það verður mikið umrót. Það sem hægur og rólegur vöxtur leiðir af sér er að nýjum hverfum fjölgar jafnt og þétt, skólar byggðir í takt við það og svo framvegis. Við höfum fundið fyrir pressunni hér í bænum varðandi leikskólana þar sem börn hafa ekki fengið leikskólapláss og Heilsugæsluna þar sem erfitt er að fá tíma hjá lækni.
Það er eðlilegt í bæjarfélagi sem er að vaxa að það sé alltaf ákveðinn þrýstingur á kerfið, en verði vöxturinn of hraður geta vandamálin orðið alvarleg. Það má að sumu leyti þakka það hægri en öruggri fólkfjölgun hversu falleg og skemmtileg Akureyri er í samanburði við suma stærri staði sem hafa vaxið mun hraðar. Það er eðlilegt að fólk vilji sjá hlutina gerast hraðar en miðað við skriðþunga síðustu áratuga getum við búist við að Akureyri fari yfir 20 þúsund íbúa markið eftir u.þ.b. áratug“ segir Þóroddur Bjarnason.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.