Grænt ljós á uppbyggingu Heilsuverndar fyrir aldraða á Akureyri
Bæjarráð hefur tekið undir með skipulagsráði varðandi uppbyggingu heilbrigðisþjónustu og þjónustuíbúðir fyrir aldraða. Heilsuvernd verður boðin lóð við Borgarmóa án auglýsingar. Mynd á vefa Ak bæjar
„Ég er mjög jákvæð gagnvart þessu verkefni og tel mikilvægt að við vinnum hratt og af festu að málinu. Málefni eldri borgara eru í erfiðri stöðu vegna húsnæðisvanda á Hlíð og nú einnig myglu á Kristnesi,“ segir Sunna Hlín Jóhannesdóttir formaður Skipulagsráðs Akureyrarbæjar.
„Við eigum fyrst og fremst að horfa til hagsmuna íbúa okkar. Eldri borgarar eru sífellt stærri hópur og við verðum að tryggja þeim þjónustu sem er örugg og við hæfi. Þótt reksturinn sé ekki á okkar höndum getum við ekki skorast undan ábyrgð okkar á að beita okkur fyrir lausnum,“ segir Sunna Hlín.
Skipulagsráð Akureyrarbæjar hefur tekið jákvætt í erindi Heilsuverndar um uppbyggingu heilbrigðisþjónustu og þjónustuíbúða fyrir aldraða í bænum. Stefnt er að því að Heilsuvernd fái vilyrði fyrir lóð við Borgarmóa án auglýsingar, en málið hefur hlotið stuðning bæjarráðs sem hefur falið bæjarstjóra og sviðsstjóra skipulagssviðs að vinna málið áfram.
Markmiðið með uppbyggingunni er að bæta þjónustu við eldri borgara, en áætlað er að í nýju húsnæðið verði meðal annars rými fyrir tímabundnar dvalir, endurhæfingu og leiguíbúðir.
Áfram verði verslun og þjónusta á jarðhæð
Skipulagsráð leggur jafnframt áherslu á að þrátt fyrir að fyrirhuguð uppbygging verði að meginstefnu ætluð þjónustu og íbúðum fyrir eldri borgara, verði áfram gert ráð fyrir almennri verslunar- og þjónustustarfsemi í hluta jarðhæðar húsnæðisins.
Endanleg úthlutun lóðarinnar er þó bundin því skilyrði að skipulagsbreytingum ljúki og að gengið verði frá formlegu samkomulagi um starfsemina.
Farsælast að byggja við Hlíð
Jana Salóme Ingibjargar Jósepsdóttir V-lista lagði fram bókun á fundi bæjarráðs þar sem segir að að ríkið hefði dregið lappirnar varðandi uppbyggingu hjúkrunarrýma og endurbóta á Kristnesspítala. Hún viðraði þá hugmynd að farsælast væri að byggja undir endurhæfingu og tímabundnar dvalir við Hlíð, á lóð í eigu Akureyrarbæjar.
Nýjast
-
Grænt ljós á uppbyggingu Heilsuverndar fyrir aldraða á Akureyri
„Ég er mjög jákvæð gagnvart þessu verkefni og tel mikilvægt að við vinnum hratt og af festu að málinu. Málefni eldri borgara eru í erfiðri stöðu vegna húsnæðisvanda á Hlíð og nú einnig myglu á Kristnesi,“ segir Sunna Hlín Jóhannesdóttir formaður Skipulagsráðs Akureyrarbæjar. -
Kynning „Mörg verkefni eru einfaldlega ekki nægilega vel tryggð“
Byggingarframkvæmdir verða sífellt stærri en tryggingavernd hefur ekki alltaf fylgt þróuninni, segir Valgeir Páll Guðmundsson, útibússtjóri Sjóvá á Akureyri. -
Opið fyrir umsóknir í nám fyrir fólk með fjölþættar stuðningsþarfir
Opið er fyrir umsóknir í diplómanám fyrir fólk með fjölþættar stuðningsþarfir. Um er að ræða 60 eininga tveggja ára nám fyrir fólk með þroskahömlun á grunnstigi háskólanáms. Námið hófst sem þróunarverkefni við HA og er mikilvægt skref í að auka aðgengi að háskólanámi. -
Gunnar Líndal ráðinn staðarverkfræðingur NLSH ohf. á Akureyri
Gunnar Líndal Sigurðsson hefur verið ráðinn sem staðarverkfræðingur hjá Nýjum Landspítala ohf. (NLSH) vegna uppbyggingar félagsins á nýrri byggingu við Sjúkrahús Akureyrar (SAk). -
Tryggvi Gíslason er látinn
Látinn er Tryggvi Gíslason, fyrrverandi skólameistari Menntaskólans á Akureyri (MA), fæddur á Norðfirði 11. júní 1938. Tryggvi skilur eftir sig eiginkonu sína, Margrétu Eggertsdóttur, sex börn og 25 aðra niðja. Tryggvi var mag. art. í norrænum fræðum frá HÍ 1968 og bjó með fjölskyldu sinni 1968-1972 í Björgvin í Noregi þar sem starfaði sem lektor við háskólann. Áður starfaði hann lengi á fréttastofu útvarps en var skipaður skólameistari MA 1972. Hann lét af því embætti 2003. Árin 1986-1990 gegndi Tryggvi störfum hjá Norrænu ráðherranefndinni í Kaupmannahöfn. Alla tíð var Tryggvi virkur í félagsmálum og iðulega frumkvöðull að umbótum í skóla- og menningarmálum. Eftir Tryggva liggur fjöldi ritverka, styttri og lengri, útgefinna sem fluttra, einkum um málvísindi og menningu, ekki síst þjóðskáldið Jónas Hallgrímsson. -
Þrekraunir í kulda og bleytu þar sem samvinna er lykilatriði
Í lok skólaárs á þriggja ára fresti er blásið til Survivor leika í Borgarhólsskóla á Húsavík. Nemendum á unglingastigi er skipt í fjóra hópa eða ættbálka; þurfa að kjósa ættarhöfðingja, skapa jákvæða og góða stemningu, semja hvatningarhróp sem ber hverjum hópi byr í brjóst. Jafnframt þarf að skipuleggja þau verkefni sem bíða hópsins. Þrautir sem reyna á líkama, huga og sál. Þrautirnar krefjast þess að í hverjum ættbálki þurfa nemendur að hlaupa, stökkva, hugsa, elda, koma fram og hafa úthald og útsjónarsemi svo dæmi séu tekin. -
„Verkefnið að fá á sig sögulegan blæ“
Víðir Svansson segir í samtali við Vikublaðið að sundlaugarmenningin sé bæði sterk og falleg; sundglaðir Húsavíkingar eigi því skilið að aðstaðan verði enn betri. Víðir hefur því tekið höndum saman ásamt Birgittu Svavarsdóttur og Hörpu Steingrímsdóttur og stofnað hollvinafélag Sundlaugar Húsavíkur með það að markmiði að safna fyrir nýjum sánaklefum. -
Nýir meðeigendur hjá Heilsu- og sálfræðiþjónustunni
Breytingar hafa orðið á eigendahópi Heilsu- og sálfræðiþjónustunnar (H&S). Elín Dröfn Þorvaldsdóttir, klínískur atferlisfræðingur og Ingibjörg Ragna Malmquist, sálfræðingur eru nýir eigendur ásamt Sigrúnu Vilborgu Heimisdóttur, stofnanda stofunnar og sérfræðingi í klínískri sálfræði. -
Útskrift Sjúkraflutningaskólans 2026
Útskrift Sjúkraflutningaskólans fór fram á Flugsafni Íslands á Akureyrarflugvelli þann 29. maí.
