Grænfánaskólar í Hörgársveit
Guðrún Schmidt, fulltrúi Landverndar, afhenti fánann og flutti erindi fyrir börn, starfsfólk og aðra gesti hátíðarinnar Myndir Hörgársveit
Heilsuleikskólinn Álfasteinn og Þelamerkurskóli hlutu á dögunum viðurkenningu Landverndar fyrir öflugt umhverfisstarf þegar Grænfáninn var afhentur skólunum við hátíðlega athöfn.
Heilsuleikskólinn Álfasteinn fékk Grænfánann afhentan í 9. sinn þann 21. maí á vorhátíð leikskólans. Guðrún Schmidt, fulltrúi Landverndar, afhenti fánann og flutti erindi fyrir börn, starfsfólk og aðra gesti hátíðarinnar. Undanfarið tímabil var unnið með þema átthagar og landslag. Sérstaklega var verið að læra um nærumhverfi og samfélag og hvaðan maturinn kemur.
Þelamerkurskóli fékk Grænfánann afhentan í 5. sinn þann 10. apríl þar sem umhverfisráð skólans tók við fánanum þar sem þær Sigurlaug Arnardóttir og Borghildur Gunnarsdóttir frá Landvernd afhentu þeim hann. Undanfarið tímabil unnu nemendur með þemun vatn, neysla og hringrásarhagkerfi
Grænfáninn er alþjóðleg umhverfisviðurkenning sem staðfestir góðan ásetning og markvisst starf í þágu umhverfismála og sjálfbærni.
Í Grænfánaverkefninu vinna skólar eftir ákveðnu þema á hverju ári þar sem lögð er áhersla á þátttöku nemenda og starfsfólks í umhverfisvernd og sjálfbærum starfsháttum. Verkefnið stuðlar að aukinni vitund um náttúru, umhverfi og ábyrgð gagnvart samfélaginu.
Það er mikið gleðiefni að skólastarf í Hörgársveit skuli áfram bera þess skýr merki að umhverfismennt og sjálfbærni séu höfð að leiðarljósi í daglegu starfi.
Hér má lesa allt um Grænfánann á heimasíðu hans:
https://graenfaninn.is/
Nýjast
-
Grænfánaskólar í Hörgársveit
Heilsuleikskólinn Álfasteinn og Þelamerkurskóli hlutu á dögunum viðurkenningu Landverndar fyrir öflugt umhverfisstarf þegar Grænfáninn var afhentur skólunum við hátíðlega athöfn. -
Fullveldi, upplýst umræða og ábyrg ákvörðun
Komandi þjóðaratkvæðagreiðsla um framhald viðræðna við Evrópusambandið er eitt stærsta pólitíska álitaefni sem Alþingi hefur tekist á við um langt skeið. Atkvæðagreiðslan snýst ekki aðeins um stjórnmál eða aukið alþjóðasamstarf heldur um framtíðarsýn þjóðarinnar, fullveldi Íslands og hvernig við viljum að ákvarðanir um landið okkar séu teknar til framtíðar. -
Arkitektastofan ALARK arkitektar hlaut fyrstu verðlaun í samkeppni um skipulag Akureyrarvallar og nágrennis
Arkitektastofan ALARK arkitektar hlaut fyrstu verðlaun í hugmyndasamkeppni Akureyrarbæjar um skipulag Akureyrarvallar og nærliggjandi svæðis. Alls bárust 16 tillögur, þar af 15 gildar, í samkeppnina sem haldin var í samstarfi við Arkitektafélag Íslands. -
Viltu metta marga þann 17da júni?
Hátíðarhöld á þjóðhátíðardeginum fara fram í Lystigarðinum á Akureyri og á MA-túninu líkt og undanfarin ár. Á svæðinu verður fjölbreytt dagskrá fyrir alla fjölskylduna og skátarnir halda meðal annars uppi fjörinu á túninu með alls kyns skemmtun og leiktækjum. -
HSN - Uppbygging og aukin þjónusta þrátt fyrir krefjandi rekstur
Á ársfundi Heilbrigðisstofnunar Norðurlands (HSN), sem fram fór í Hofi á Akureyri þann 20. maí 2026, voru kynntar niðurstöður rekstrarársins 2025. Ljóst er að heilbrigðisþjónusta á Norðurlandi stendur á mikilvægum tímamótum þar sem uppbygging, aukin þjónusta og skipulagsbreytingar hafa verið í forgrunni, þrátt fyrir krefjandi rekstrarumhverfi. HSN þjónustar rúmlega 38 þúsund íbúa frá Blönduósi til Þórshafnar og rekur 17 starfsstöðvar með alls 502 stöðugildi. -
Vinningstillaga um skipulag Akureyrarvallar kynnt í dag
Vinningstillagan í samkeppni um skipulag Akureyrarvallar og nágrennis verður tilkynnt við hátíðlega athöfn í Menningarhúsinu Hofi í dag og hefst kl 17. -
Sýning ársins 2026 í Menningarhúsi í Sigurhæðum
Laugardaginn 30. maí kl 13-17 opnar sýning ársins 2026 í Flóru Menningarhúsi í Sigurhæðum á Akureyri. -
Að þora ekki að ræða við nágranna sína
Vandséð er að ég hefði náð nokkrum árangri í verslun og viðskiptum ef ég hefði forðast að ræða við erlenda heildsala sem ég átti farsæl viðskipti við um árabil. Þá lét ég mig hafa það að setjast niður með þessu ágæta fólki til að ræða við það um kaup á ýmiss konar fatnaði og leita leiða til að þau viðskipti yrðu sem farsælust fyrir báða aðila. Þetta gerði ég meira að segja án þess að hafa fengið svör við öllum þeim álitamálum sem voru á milli okkar áður en viðtölin hófust. Datt ekki einu sinni í hug að spyrja þau spjörunum úr áður en ég vogaði mér að ræða við þau um væntanleg viðskipti. Slík var nú dirfskan og frekjugangurinn af minni hálfu – hóf bara samræður án þess að vera búinn að fá svör við mörgum álitamálum og án nokkurra skuldbindinga fyrir fram. Vonaði síðan það besta enda urðu niðurstöðurnar yfirleitt ágætar fyrir báða aðila. -
Samið um rekstur MAk til næstu fjögurra ára
Ásthildur Sturludóttir, bæjarstjóri á Akureyri, og Eva Hrund Einarsdóttir, framkvæmdastjóri Menningarfélags Akureyrar (MAk), hafa skirfað undir nýjan samning Akureyrarbæjar og MAk um rekstur menningarfélagsins til ársloka 2029.
