Sumartónleikar í Akureyrarkirkju í 40 ár Björn Steinar leikur á orgelið
Björn Steinar leikur á Sumartónleikum í Akureyrarkirkju í tilefni afmælisins, á morgnu sunnudag,
Sumartónleikar í Akureyrarkirkju verða haldnir alla sunnudaga í júlí. Dagskráin sem og flutningur er vönduð og fjölbreytt, líkt og verið hefur síðustu fjörutíu sumur.
Björn Steinar Sólbergsson og Hrefna Harðardóttir ýttu Sumartónleikum í Akureyrarkirkju úr vör sumarið 1987, og héldu utan um tónleikaröðina í ein tuttugu ár. Björn Steinar hélt utan um hátíðina um árabil.
Björn Steinar leikur á Sumartónleikum í Akureyrarkirkju í tilefni afmælisins, næstkomandi sunnudag, 12. júlí klukkan 17.
Orgeltónlist hefur alla tíð átt sinn sess á hátíðinni, því eitt af markmiðum hátíðarinnar er að gestir fái að heyra í merku orgeli Akureyrarkirkju. Ekki verður amalegt að fá að heyra Björn Steinar leika á orgelið, en á efnisskrá eru verk eftir Johann Sebastian Bach, Louis Vierne, Pál Ísólfsson, Jón Nordal og Báru Grímsdóttur, auk þess sem Björn Steinar frumflytur nýtt Afmælisfanfar eftir Þorvald Örn Davíðsson!
Á öllum tónleikum sumarsins verða frumflutt ný tónverk eftir íslensk tónskáld - þrjú tengd Akureyri, og það fjórða Vestfjörðum. Tónskáldin eru Kristín Þóra Haraldsdóttir, Þorvaldur Örn Davíðsson, Oliver Kentish og Andrew J. Yang.
Menningarsjóður Akureyrarbæjar, Sóknarnefnd Akureyrarkirkju og Héraðssjóður Eyjafjarðar- og Þingeyjarprófastsdæmis styrkja hátíðina. Aðgangur er jafnan ókeypis, frjáls framlög vel þegin og öll velkomin.
Nýjast
-
Sumartónleikar í Akureyrarkirkju í 40 ár Björn Steinar leikur á orgelið
Sumartónleikar í Akureyrarkirkju verða haldnir alla sunnudaga í júlí. Dagskráin sem og flutningur er vönduð og fjölbreytt, líkt og verið hefur síðustu fjörutíu sumur. -
Héldu fjölskylduhátíð og gáfu spjallbekk
„Þetta var virkilega góð og skemmtileg stund. Mæting var einkar góð og fór fram úr björtustu vonum,“ segir Sigrún Rósa Kjartansdóttir, formaður Kvenfélags Svalbarðsstrandar. -
Langþráður draumur Húsavíkinga að renna upp
Gilið bakarí opnar á morgun laugardag klukkan 12 -
Landssamband eldri borgara skorar á heilbrigðisráðherra að endurskoða að setja á komugjald
Landssamband eldri borgara mótmælir því harðlega að sett verði á komugjald í sjúkraþjálfun, eins og heilbrigðisráðherra hefur boðað frá 1. september næstkomandi. -
Þingiðn og Framsýn styðja við bakið á rafíþróttaaðstöðu í Fab Lab Húsavík
Í Fab Lab Húsavík er þessa dagana verið að ljúka uppsetningu á glæsilegri kennslu, hönnunar og rafíþróttaaðstöðu sem mun nýtast bæði til kennslu, þjálfunar og skapandi verkefna. Aðstaðan verður sameiginlegur vettvangur fyrir Borgarhólsskóla, Framhaldsskólann á Húsavík, íþróttafélagið Völsung, Fab Lab smiðjuna og almenning. -
Rúmlega 30 milljóna króna rannsóknarstyrkur til Háskólans á Akureyri
Háskólinn á Akureyri hefur hlotið um 200 þúsund evrur, jafnvirði um 30 milljóna króna, í alþjóðlegt rannsóknarverkefni innan Northern Periphery and Arctic (NPA) áætlunarinnar. Heildarfjármögnun verkefnisins nemur rúmlega 1 milljón evra. Rannsóknaraðilar frá Íslandi, Finnlandi og Írlandi vinna saman að þróun nýrra lausna sem eiga að bæta aðgengi að heilbrigðisþjónustu í dreifbýli og á norðurslóðum. -
Ný biðstæði leigubíla í miðbænum til reynslu
Skipulagsráð hefur samþykkt að gera tilraun með nýtt biðsvæði fyrir leigubíla í miðbæ Akureyrar. Tilraunin gildir til 1. október 2026 og er markmið hennar að bæta aðgengi að leigubílaþjónustu í miðbænum. -
„Besti bitinn“ sló í gegn í sumarbúðum fatlaðra
Sumarbúðir Íþróttasambands fatlaðra á Laugarvatni hafa verið starfræktar í fjóra áratugi og alla tíð notið mikilla vinsælda. Markmið sumarbúðanna er að bjóða fötluðum einstaklingum upp á skemmtilega samveru, hreyfingu, útivist og félagslíf í góðu og öruggu umhverfi. -
Svæði við Hrisalund verð skilgreint sem miðsvæði
Skipulagsráð Akureyrarbæjar leggur til að hafið verði formlegt ferli við breytingu á aðalskipulagi fyrir hluta Hrísalundarsvæðisins. Tillagan nær að lóðunum Hrísalundi 1, 3 og 5 og felur í sér að svæðið fái breytta landnotkun sem skapi aukin tækifæri til blandaðrar byggðar.
