Héldu fjölskylduhátíð og gáfu spjallbekk
„Þetta var virkilega góð og skemmtileg stund. Mæting var einkar góð og fór fram úr björtustu vonum,“ segir Sigrún Rósa Kjartansdóttir, formaður Kvenfélags Svalbarðsstrandar.
Félagið efndi til fjölskylduhátíðar niður við Vitann á Svalbarðseyri s.l. sunnudag og komu um eða yfir 200 manns á samkomuna. Félagið átti 125 ára afmæli fyrr á árinu og af því tilefni var ákveðið að gefa svonefndan spjallbekk og koma honum fyrir við Vitann, sem er eitt helsta kennileiti hreppsins.
Spjallbekkir gegn einsemd og einmanaleika
Kvenfélagasamband Íslands hrinti af stað verkefni sem bar heitið Vika einmanaleikans í október í fyrra, en um er að ræða vitundarvakningu gegn einsemd og einmanaleika. Markmið með verkefninu er að hvetja fólk til að rjúfa félagslega einangrun, efla tengsl og skapa tækifæri til samtals í nærumhverfinu. Spjallbekkir eru tákn um hlýju og opnar dyr og minna á mikilvægi þess að staldra við, setjast niður og spjalla – hvort sem er við vini eða ný andlit.
„Við ákváðum að vera með í þessu verkefni, kaupa bekk og koma honum fyrir á góðum stað í sveitarfélaginu. Síðan vatt þetta aðeins upp á sig og við vildum gera eitthvað úr þessum viðburði. Þannig þróaðist þetta upp í vel heppnaða fjölskylduhátíð,“ segir Sigrún Rósa og bætir við að verkefnið um spjallbekkina sé gott dæmi um samtakamátt kvenna.
Vel heppnuð hátíð
Kvenfélagskonur buðu upp á glæsilegar veitingar eins og þeirra er háttur, allt heimabakað af þeim sjálfum og allt gefið. Kjarnafæði gaf pylsur og Björgunarsveitin Týr sá um gæslu á svæðinu í sjálfboðavinnu. Svalbarðsstrandarhreppur gaf Kvenfélaginu 100 þúsund krónur í styrk í tilefni af afmæli þess. Á svæðinu var ýmislegt í boði, s.s. sýning á ýmsum munum í eigu Hönnu Dóru Ingadóttur sem tengjast á einhvern hátt hafinu, spil og leikir fyrir börn og fullorðna og sápukúlugerð.
Í Kvenfélagi Svalbarðsstrandarhrepps eru 36 konur. „Okkar helstu verkefni snúast um að styðja nærsamfélagið; við höfum styrkt bæði leik- og grunnskóla og eins þær fjölskyldur sem þurfa á aðstoð að halda. Félagið hefur einnig tekið þátt í stærri verkefnum á vegum Kvenfélagssambands Íslands,“ segir Sigrún Rósa.
Nýjast
-
Sumartónleikar í Akureyrarkirkju í 40 ár Björn Steinar leikur á orgelið
Sumartónleikar í Akureyrarkirkju verða haldnir alla sunnudaga í júlí. Dagskráin sem og flutningur er vönduð og fjölbreytt, líkt og verið hefur síðustu fjörutíu sumur. -
Héldu fjölskylduhátíð og gáfu spjallbekk
„Þetta var virkilega góð og skemmtileg stund. Mæting var einkar góð og fór fram úr björtustu vonum,“ segir Sigrún Rósa Kjartansdóttir, formaður Kvenfélags Svalbarðsstrandar. -
Langþráður draumur Húsavíkinga að renna upp
Gilið bakarí opnar á morgun laugardag klukkan 12 -
Landssamband eldri borgara skorar á heilbrigðisráðherra að endurskoða að setja á komugjald
Landssamband eldri borgara mótmælir því harðlega að sett verði á komugjald í sjúkraþjálfun, eins og heilbrigðisráðherra hefur boðað frá 1. september næstkomandi. -
Þingiðn og Framsýn styðja við bakið á rafíþróttaaðstöðu í Fab Lab Húsavík
Í Fab Lab Húsavík er þessa dagana verið að ljúka uppsetningu á glæsilegri kennslu, hönnunar og rafíþróttaaðstöðu sem mun nýtast bæði til kennslu, þjálfunar og skapandi verkefna. Aðstaðan verður sameiginlegur vettvangur fyrir Borgarhólsskóla, Framhaldsskólann á Húsavík, íþróttafélagið Völsung, Fab Lab smiðjuna og almenning. -
Rúmlega 30 milljóna króna rannsóknarstyrkur til Háskólans á Akureyri
Háskólinn á Akureyri hefur hlotið um 200 þúsund evrur, jafnvirði um 30 milljóna króna, í alþjóðlegt rannsóknarverkefni innan Northern Periphery and Arctic (NPA) áætlunarinnar. Heildarfjármögnun verkefnisins nemur rúmlega 1 milljón evra. Rannsóknaraðilar frá Íslandi, Finnlandi og Írlandi vinna saman að þróun nýrra lausna sem eiga að bæta aðgengi að heilbrigðisþjónustu í dreifbýli og á norðurslóðum. -
Ný biðstæði leigubíla í miðbænum til reynslu
Skipulagsráð hefur samþykkt að gera tilraun með nýtt biðsvæði fyrir leigubíla í miðbæ Akureyrar. Tilraunin gildir til 1. október 2026 og er markmið hennar að bæta aðgengi að leigubílaþjónustu í miðbænum. -
„Besti bitinn“ sló í gegn í sumarbúðum fatlaðra
Sumarbúðir Íþróttasambands fatlaðra á Laugarvatni hafa verið starfræktar í fjóra áratugi og alla tíð notið mikilla vinsælda. Markmið sumarbúðanna er að bjóða fötluðum einstaklingum upp á skemmtilega samveru, hreyfingu, útivist og félagslíf í góðu og öruggu umhverfi. -
Svæði við Hrisalund verð skilgreint sem miðsvæði
Skipulagsráð Akureyrarbæjar leggur til að hafið verði formlegt ferli við breytingu á aðalskipulagi fyrir hluta Hrísalundarsvæðisins. Tillagan nær að lóðunum Hrísalundi 1, 3 og 5 og felur í sér að svæðið fái breytta landnotkun sem skapi aukin tækifæri til blandaðrar byggðar.
