Skammtíma- og frístundaþjónusta á Akureyri Þörf fyrir nýtt 500 fermetra hús á einni hæð
Brekkukot við Þórunnarstræti 99 á Akureyri. Húsið hentar ekki vel fyrir starfsemi skammtíma- og frístundaþjónustu fatlaðra. Mynd MÞÞ
Heppilegt er að hafa starfsemi skammtíma- og frístundaþjónustu fyrir fatlaða í húsnæði sem sérstaklega er byggt fyrir þá starfsemi sem fram fer. Brekkukot er ein af tveimur starfsstöðvum fyrir skammtíma- og frístundaþjónustu fatlaðra barna og ungmenna á Akureyri. Starfsemin fer fram í húsnæði að Þórunnarstræti 99 sem ekki nýtist sem skyldi.
Velferðarráð Akureyrarbæjar fjallaði um málið á fundi á dögunum, en fyrir ráðinu lá minnisblað um húsnæðismál skammtíma og frístundaþjónustu á Akureyri, sem er fyrir fatlað fólk með langvarandi stuðningsþarfir.
Húsnæði Brekkukots nýtist illa vegna óhentugra, langra og breiðra ganga sem gera yfirsýn erfiða. Auk þess er fyrirséð að framkvæmdir á nærliggjandi svæði muni torvelda starfsemina á komandi árum. Húsið stendur við svonefndan Tjaldstæðisreit.
Aukin þörf á sumrin
Árið 2025 nýttu 24 einstaklingar skammtímaþjónustu í Brekkukoti, 4 nýttu lífsleikniþjálfun og 22 börn nýttu frístundaþjónustu. Á sumrin stækkar hópurinn verulega þegar börn í 1.–4. bekk með alvarlegustu fatlanirnar bætast við, en þá geta verið allt að 25 börn í þjónustu í einu. Samkvæmt reglugerð er þó einungis heimilt að bjóða skammtímaþjónustu fyrir 6 börn í einu í sama húsnæði.
Lögð er áhersla á að sameining skammtíma- og frístundaþjónustu sé skynsamleg vegna samlegðar í starfsmannahaldi og betri nýtingar. Bent er á þörf fyrir nýtt 500–550 fermetra m húsnæði á einni hæð með góðum aðgangi að garði.
Nýjast
-
Skammtíma- og frístundaþjónusta á Akureyri Þörf fyrir nýtt 500 fermetra hús á einni hæð
Heppilegt er að hafa starfsemi skammtíma- og frístundaþjónustu fyrir fatlaða í húsnæði sem sérstaklega er byggt fyrir þá starfsemi sem fram fer. Brekkukot er ein af tveimur starfsstöðvum fyrir skammtíma- og frístundaþjónustu fatlaðra barna og ungmenna á Akureyri. Starfsemin fer fram í húsnæði að Þórunnarstræti 99 sem ekki nýtist sem skyldi. -
Kvenféla Reykdælinga færir Leikskólanum Krílakoti gjöf
Kvenfélag Reykdælinga færði leikskólanum Krílabæ dásamlega gjöf á dögunum. Félagskonurnar Jóhanna Eydís og Þórhildur komu færandi hendi og afhentu leikskólanum ný og vönduð leikföng að andvirði 100 þúsund króna. -
Akureyri Óskað eftir viðauka vegna aukins viðhalds
Umhverfis- og mannvirkjasvið Akureyrarbæjar hefur óskað eftir 110 milljóna króna viðauka við fjárhagsáætlun vegna viðhalds félagslegra leiguíbúða á árinu 2026. Ástæða þess eru aukin verkefni í sameignum, kostnaðarsöm leiguskipti og umfangsmiklar ófyrirséðar framkvæmdir. -
Sumartónleikar í Akureyrarkirkju í 40 ár Björn Steinar leikur á orgelið
Sumartónleikar í Akureyrarkirkju verða haldnir alla sunnudaga í júlí. Dagskráin sem og flutningur er vönduð og fjölbreytt, líkt og verið hefur síðustu fjörutíu sumur. -
Héldu fjölskylduhátíð og gáfu spjallbekk
„Þetta var virkilega góð og skemmtileg stund. Mæting var einkar góð og fór fram úr björtustu vonum,“ segir Sigrún Rósa Kjartansdóttir, formaður Kvenfélags Svalbarðsstrandar. -
Langþráður draumur Húsavíkinga að renna upp
Gilið bakarí opnar á morgun laugardag klukkan 12 -
Landssamband eldri borgara skorar á heilbrigðisráðherra að endurskoða að setja á komugjald
Landssamband eldri borgara mótmælir því harðlega að sett verði á komugjald í sjúkraþjálfun, eins og heilbrigðisráðherra hefur boðað frá 1. september næstkomandi. -
Þingiðn og Framsýn styðja við bakið á rafíþróttaaðstöðu í Fab Lab Húsavík
Í Fab Lab Húsavík er þessa dagana verið að ljúka uppsetningu á glæsilegri kennslu, hönnunar og rafíþróttaaðstöðu sem mun nýtast bæði til kennslu, þjálfunar og skapandi verkefna. Aðstaðan verður sameiginlegur vettvangur fyrir Borgarhólsskóla, Framhaldsskólann á Húsavík, íþróttafélagið Völsung, Fab Lab smiðjuna og almenning. -
Rúmlega 30 milljóna króna rannsóknarstyrkur til Háskólans á Akureyri
Háskólinn á Akureyri hefur hlotið um 200 þúsund evrur, jafnvirði um 30 milljóna króna, í alþjóðlegt rannsóknarverkefni innan Northern Periphery and Arctic (NPA) áætlunarinnar. Heildarfjármögnun verkefnisins nemur rúmlega 1 milljón evra. Rannsóknaraðilar frá Íslandi, Finnlandi og Írlandi vinna saman að þróun nýrra lausna sem eiga að bæta aðgengi að heilbrigðisþjónustu í dreifbýli og á norðurslóðum.
