Göngufólk í sjálfheldu í Nesskriðum í Siglufirði
Meðfylgjandi ljósmyndir voru teknar frá Sigurvin þar sem hann lá fyrir utan er fólkinu var fylgt síðasta spölinn niður í fjöru. Mynd/Landsbjörg.
Björgunarsveitir í Eyjafirði og á Siglufirði voru fyrr í kvöld kallaðar út vegna fjögurra göngumanna sem treystu sér ekki lengra þar sem þau voru á göngu í Siglunesmúla, milli Siglufjarðar og Héðinsfjarðar. Göngufólkið var þá statt í svokölluðum Nesskriðum og höfðu verið á göngu í þó nokkra klukkutíma. Ekkert amaði að þeim annað en að þreyta var farin að setjast að og þau voru farin að kólna. Þetta kemur fram í tilkynningu frá Landsbjörgu.
Þar segir að björgunarfólk hafi verið ferjað á björgunarskipinu Sigurvin út Siglufjörð, ásamt því sem nokkrir slöngubátar hafi verið notaðir til að ferja björgunarfólk frá Sigurvin í land.
Fljótlega eftir að Sigurvin var kominn út á fjörðinn sást til fólksins. Björgunarfólk var flutt í land á slöngubátum og kleif hlíðina til fólksins. Þegar björgunarsveitarmenn höfðu metið aðstæður var ákveðið að fylgja fólkinu aðeins norðar, í þá átt sem þau höfðu komið úr, þar sem var álitlegri leið til niðurgöngu.
Vel gekk að koma fólkinu niður í fjöru, en til að tryggja öryggi allra voru tryggingar settar upp við niðurgönguna.
Göngufólkið er nú komið um borð í Sigurvin sem flutti þau til Siglufjarðar.
Nýjast
-
Göngufólk í sjálfheldu í Nesskriðum í Siglufirði
Björgunarsveitir í Eyjafirði og á Siglufirði voru fyrr í kvöld kallaðar út vegna fjögurra göngumanna -
Björgúlfur EA 312 fær andlitslyftingu
Togarinn Björgúlfur EA 312 hefur verið í flotkví Slippsins á Akureyri undanfarna daga -
Góð uppskera en misjöfn gæði
Fyrsta slætti er heilt yfir lokið í Eyjafirði og segir Sigurgeir Hreinsson framkvæmdastjóri Búnaðarsambands Eyjafjarðar að uppskera sé góð víðast hvar en gæðin aftur á móti misjöfn. -
„Allt snýst þetta um að leggja góðu málefni lið“
Mömmur og möffins er orðinn ómissandi liður í dagskrá hátíðarinnar Einnar með öllu. -
Góð þátttaka í Botnsvatnshlaupi Landsbankans
Botnsvatnshlaup Landsbankans er einn af föstu liðum Mærudaga á Húsavík. Stofnmeðlimir hlaupahópsins Skokka stofnuðu hlaupið árið 2012 -
Töfrandi stemning í Vaglaskógi - Myndaveisla
Hilmar Friðjónsson ljósmyndari var að hátíðinni og tók meðfylgjandi myndir -
Umhverfisverðlaun Norðurþings 2025
Það voru Soffía Gísladóttir, formaður skipulags- og framkvæmdaráðs Norðurþings og Katrín Sigurjónsdóttir sveitarstjóri sem veittu viðurkenningarnar við setningu Mærudaga á föstudag -
„Game of Thrones“ langoftast nefnd sem áhrifavaldur
Út er komin skýrsla með niðurstöðum spurningakönnunar sem Þekkingarnet Þingeyinga framkvæmdi meðal erlendra ferðamanna sumarið 2024 í Mývatnssveit -
Nýju tröppurnar við Árgil hafa verið opnaðar
Frumhönnun var unnin af Faglausn ehf., vinnuteikningar voru höndum Verkís hf. og Trésmiðjan Rein ehf. sá á um byggingu og uppsetningu
