Golf og góðar hugmyndir hjá Drift EA og Golfklúbbi Akureyrar
Jón Heiðar Sigurðsson, skrifstofustjóri og Steindór Kr. Ragnarsson, framkvæmdastjóri hjá Golfklúbbi Akureyrar og Sesselja I. Barðdal, framkvæmdastýra og Kolfinna María Níelsdóttir, markaðs- og viðburðastjóri hjá Drift EA
Drift EA og Golfklúbbur Akureyrar hafa hafið samstarf sem byggir á þeirri einföldu hugmynd að bestu samtölin og hugmyndirnar verða oft til utan fundarherbergisins. Með samstarfinu verður fyrirtækjum og teymum sem sækja Drift EA heim boðið að upplifa norðlenska golfmenningu sem hluta af heildstæðri upplifun þar sem vinna, tengslamyndun og afþreying fara saman.
Hola í höggi fyrir nýsköpun og upplifun á Norðurlandi
Golf hefur lengi skipað sérstakan sess í menningu og samfélagi Norðurlands og golfvöllur Akureyrar eru meðal þeirra þekktustu á landinu. Þar fara saman einstök náttúrufegurð, fyrsta flokks aðstaða og sú sérstaka stemning sem fylgir því að spila golf undir björtum norðlenskum sumardögum.
„Við viljum bjóða fyrirtækjum og teymum sem koma til okkar upplifun sem nær út fyrir fundarherbergið. Golfið er einstakur vettvangur fyrir tengslamyndun, óformleg samtöl og nýjar hugmyndir og það er fátt sem toppar hring á Jaðarsvelli eftir góðan vinnudag,“ segir Sesselja Ingibjörg Barðdal, framkvæmdastýra Driftar EA.
Samstarfið gerir Drift EA kleift að bjóða fyrirtækjum og hópum að samþætta golfupplifun við dvöl sína á Norðurlandi sem hluta af heildstæðri upplifun þar sem vinna, nýsköpun og afþreying fara saman.
„Við erum afar spennt fyrir þessu samstarfi. Golfklúbbur Akureyrar á yfir 90 ára sögu og á þeim tíma hefur skapast sterk golfmenning sem við erum stolt af. Aðstaðan hjá okkur er frábær staður þar sem fólk hittist, tengist og nýtur þess að vera saman í einstöku umhverfi. Með nýrri inniaðstöðu og golfbúð höfum við styrkt heilsársrekstur klúbbsins enn frekar og byggt upp aðstöðu sem er meðal þeirra bestu á landinu. Það passar einstaklega vel við þá hugmyndafræði sem Drift EA stendur fyrir,“ segir Steindór Kr. Ragnarsson, framkvæmdastjóri Golfklúbbs Akureyrar.
Samstarfið er liður í áframhaldandi uppbyggingu Driftar EA á samstarfsneti með lykilaðilum á Norðurlandi með það að markmiði að skapa einstaka upplifun fyrir fyrirtæki og teymi sem vilja sækja innblástur, tengsl og vaxtartækifæri norður.
Nýjast
-
Golf og góðar hugmyndir hjá Drift EA og Golfklúbbi Akureyrar
Drift EA og Golfklúbbur Akureyrar hafa hafið samstarf sem byggir á þeirri einföldu hugmynd að bestu samtölin og hugmyndirnar verða oft til utan fundarherbergisins. Með samstarfinu verður fyrirtækjum og teymum sem sækja Drift EA heim boðið að upplifa norðlenska golfmenningu sem hluta af heildstæðri upplifun þar sem vinna, tengslamyndun og afþreying fara saman. -
Sterkur skólabær – vinnum þetta saman
Akureyri er sterkur skólabær og það er ekki tilviljun. Hér hefur byggst upp öflugt menntasamfélag sem samanstendur af leikskólum, grunnskólum, framhaldsskólum og háskóla. Það að bærinn okkar sé „sterkur skólabær“ er ekki endanleg staða og engan veginn tryggt til framtíðar! Þetta er lifandi verkefni sem krefst stöðugrar árvekni, skýrrar framtíðarsýnar og samstarfs ríkis og sveitarfélags sem setur menntun í forgang. -
Lóa mætir í Kelduhverfi
Sumardagurinn fyrsti í Skúlagarði: Lóaboratoríum og vöffluhlaðbo -
Landhelgisgæslan 100 ára - Varðskip og þyrla í heimsókn
Landhelgisgæslan hefur verið áberandi á Akureyri í dag og verður næstu daga, bæði vegna leitar og björgunarráðstefnu Varðbergs sem haldin var í Háskólanum á Akureyri og vegna 100 ára afmælis Gæslunnar sem fagnað er með fjölbreyttum hætti í ár -
Kjarnafæði Norðlenska óskar eftir lóð fyrir starfsstöðvar fyrirtækisins
Skipulagsráð Akureyrar tók fyrir á fundi sínum í gær erindi frá Kjarnafæði Norðlenska en í þvi óskar Ágúst Torfi Hauksson f.h fyrirtækisins eftir viðræðum við Akureyrarbæ um 2,5 ha lóð undir 7-8.000 fm byggingu fyrir starfsstöðvar fyrirtækisins á svæði austan við Týsnes. Eru jafnframt lögð fram fyrstu drög að afmörkun lóðar á svæðinu. -
Símafrí sem virkar í Akureyrarbæ
Í upphafi kjörtímabilsins byrjaði ég strax að beita mér fyrir því að allir grunnskólar Akureyrarbæjar tækju upp samræmdar símareglur. Ég taldi mikilvægt að skapa skýran ramma um notkun snjallsíma í skólum til að stuðla að betra skólaumhverfi, meiri einbeitingu í kennslu og auknum samskiptum milli nemenda. Ég viðraði þessar hugmyndir á fyrstu mánuðum skólaársins 2022 við sviðstjóra fræðslu- og lýðheilsusviðs og skólastjórnendur grunnskóla Akureyrarbæjar. Við tók afar góð vinna hjá starfshópi árið 2023 en hann var samsettur af kjörnum fulltrúum, fulltrúum foreldra og ungmenna, starfsfólki skóla og starfsfólki af fræðslu- og lýðheilsusviði. Hópurinn vann að því að skoða kosti og galla samræmdra símareglna og símafrís í grunnskólum. Hópurinn átti samráð við foreldra, starfsfólk skóla og nemendur með fjölbreyttum hætti. Í kjölfarið tók símafrí í grunnskólum Akureyrarbæjar gildi í ágúst 2024. -
Ábyrgð, eftirlit og öryggi á norðurslóðum: Tengsl borgaralegra og hernaðarlegra þátta
Varðberg, Norðurslóðanetið, Landhelgisgæsla Íslands, dómsmálaráðuneytið og Háskólinn á Akureyri standa fyrir opinu málþingi í dag milli kl 13 til 17 þar sem sjónum verður beint að leit og björgun á norðurslóðum. -
Fyrirlestur Benedikts Sigurðarsonar um Laxárdeiluna
Benedikt Sigurðarson flytur fyrirlestur í salnum á hjúkrunarheimilinu Lögmannashlíð, Vesturhlíð 9 á Akureyri á morgun, föstudaginn 17. apríl, kl. 13:30. Hann er hluti af viðburðaröð AkureyrarAkademíunnar á þessu ári fyrir íbúa hjúkrunarheimilanna og aðra bæjarbúa. Menningarsjóður Akureyrarbæjar styrkir viðburðinn. -
Er Loftbrúin næst?
Akureyri gegnir lykilhlutverki í atvinnu og þjónustu hér á Norðurlandi. Til þess að Akureyri geti haldið áfram að vaxa og dafna þarf markvissa hagsmunagæslu gagnvart ákvörðunum stjórnvalda sem hafa bein áhrif á samkeppnishæfni bæjarins, hvort sem það tengist samgöngumálum, atvinnumálum, heilbrigðismálum o.s.frv. Það er ljóst að bæjarfulltrúar á Akureyri verða að standa vörð um hag bæjarins. Öflug hagsmunagæsla er brýn þegar viðkemur stórum ákvörðunum stjórnvalda sem hafa áhrif á bæjarfélagið.
