Góð þátttaka í Botnsvatnshlaupi Landsbankans
Verðlaunahafar í Botnsvatnshlaupinu 2025. Mynd: Botnvatnshlaup Landsbankans/Facebook.
Botnsvatnshlaup Landsbankans er einn af föstu liðum Mærudaga á Húsavík. Stofnmeðlimir hlaupahópsins Skokka stofnuðu hlaupið árið 2012 og hafa ávallt einhverjir meðlimir hópsins komið að framkvæmdinni síðan. Þetta var síðasta Botnsvatnshlaupið sem Hlaupahópurinn Skokki kemur formlega að.
„Það er full ástæða til að þakka þeim frumkvöðlum sem komu þessu af stað á sínum tíma enda hefur viðburðurinn verið einn sá alrótgrónasti á Mærudögum og notið sífelldra vinsælda. Þökkum einnig Begga, Önnu og co. í Landsbankanum á Húsavík en þau hafa stutt að miklum myndarskap við viðburðinn og hjálpað honum að verða að veruleika ár hvert. Einnig kærar þakkir til SMIÐJUNNAR fyrir frábært samstarf undanfarin ár,“ segir í tilkynningu á Facebooksíðu Skokka.
Hlaupið fór fram á föstudag í góðu hlaupaveðri og alls tóku 82 hlauparar þátt í vegalengdunum tveimur. „Sérlega ánægjulegt hvað að sjá hvað mörg mættu af ungu kynslóðinni. Hlaupið endaði að vanda í Skrúðgarðinum við Kvíabekk og þar voru einnig veitt verðlaun fyrir fyrstu þrjú sætin í 8,3 km hlaupinu,“ segir í Facebookfærslu viðburðarins.
Hjá körlunum varð Atli Steinn Sveinbjörnsson hlutskarpastur, Gunnar Árni Hinriksson annar og Sæþór Olgeirsson þriðji. Hjá konunum varð Ragna Baldvinsdóttir fyrst, María Kristín Bjarnadóttir önnur og Maríon Edda Stefánsdóttir þriðja.
Nýjast
-
„Allt snýst þetta um að leggja góðu málefni lið“
Mömmur og möffins er orðinn ómissandi liður í dagskrá hátíðarinnar Einnar með öllu. -
Góð þátttaka í Botnsvatnshlaupi Landsbankans
Botnsvatnshlaup Landsbankans er einn af föstu liðum Mærudaga á Húsavík. Stofnmeðlimir hlaupahópsins Skokka stofnuðu hlaupið árið 2012 -
Töfrandi stemning í Vaglaskógi - Myndaveisla
Hilmar Friðjónsson ljósmyndari var að hátíðinni og tók meðfylgjandi myndir -
Umhverfisverðlaun Norðurþings 2025
Það voru Soffía Gísladóttir, formaður skipulags- og framkvæmdaráðs Norðurþings og Katrín Sigurjónsdóttir sveitarstjóri sem veittu viðurkenningarnar við setningu Mærudaga á föstudag -
„Game of Thrones“ langoftast nefnd sem áhrifavaldur
Út er komin skýrsla með niðurstöðum spurningakönnunar sem Þekkingarnet Þingeyinga framkvæmdi meðal erlendra ferðamanna sumarið 2024 í Mývatnssveit -
Nýju tröppurnar við Árgil hafa verið opnaðar
Frumhönnun var unnin af Faglausn ehf., vinnuteikningar voru höndum Verkís hf. og Trésmiðjan Rein ehf. sá á um byggingu og uppsetningu -
Akureyri iðar af lífi alla verslunarmannahelgina
Fjölskylduhátíðin Ein með öllu verður haldin á Akureyri um verslunarmannahelgina, dagana 31. júlí til 3. ágúst. -
Helguskúr verður rifinn - hvað gerist þegar átan fer?
Kristín Helgadóttir og Helgi Benediktsson skrifa -
Mærudagar á Húsavík 2025 – Bæjarhátíðin sem sameinar samfélagið hefst núna um helgina!
Nú um helgina hefjast Mærudagar, árleg og rótgróin bæjarhátíð Húsvíkinga, þar sem gleði, litadýrð og samfélagsandi ráða ríkjum
