Gamla fréttin: Betri flugstöð - betra flug
Akureyri í vetrarbúningi. Myndin tengist fréttinni ekki neitt. Mynd: Chris Wolffensperger
Nú fer í loftið nýr liður hjá okkur á Dagskránni.is en það er Gamla fréttin. Við munum hér eftir birta gamla frétt úr norðan blöðum einu sinni í viku, þó með þeirri undantekningu að í þessari viku verða þær tvær. Gamla fréttin sem við birtum í dag er úr Víkurblaðinu á Húsavík sem kom út miðvikudaginn 26. mars 1986. Fréttin fjallar um opnun nýrrar flugstöðvar á flugvellinum í Aðaldal, en það á vel við enda innanlandsflug mikið verið í deiglunni að undanförnu, sem og reyndar millilandaflug á landsbyggðinni. Á morgun verður svo gömul frétt úr Degi. Gamla fréttin í dag er svona:
Betri flugstöð - betra flug
Almenn ánægja ríkir með nýju flugstöðina á flugvellinum í Aðaldal. Að vísu voru fyrstu farþegar suður ekki alltof hressir með að þurfa að bregða sér í hlutverk farangurs, og sæta hefðbundinni fragtmeðferð (þeir fóru reyndar ekki á færibandið) á meðan heldri menn og aðrir gestir einokuðu farþegasalinn í opnunarathöfn mikilli s.l. föstudag. En það gleymist væntanlega fljótt.
En kannski eiga flughræddir eftir að fá glaðning með tilkomu stöðvarinnar, a.m.k. ef marka má fyrsta farþegaflug norður þegar stöðin var tekin í notkun. Það flug var eindæma gott, hvurgi ókyrrð í lofti, sannkölluð óskaflugferð flughræddra, og ef svona heldur áfram mun flughræðsla væntanlega leggjast af á þessari flugleið.
Hitt er svo annað mál að máltækið segir „fall er fararheill“. En það á tæpast vel við í flugi, þar sem fall jafngildir hrapi, sem er fremur óþægilegt upphaf á flugferð.
Víkurblaðið óskar sjálfu sér og Þingeyingum öllum til hamingju með nýju flugstöðina. JS/EPE
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.