Fyrsta skemmtiferðaskipið komið til Akureyrar
Skemmtiferðaskipið Arion við Oddeyrarbryggju.
Fyrsta skemmtiferðaskipið sem heimsækir Akureyri á þessu sumri, lagðist að Oddeyrarbryggju í morgun. Skipið, sem er minni kantinum, eða tæplega 5.900 brúttótonn, heitir Arion og lagði í ferð sína frá Svíþjóð með um 320 farþega. Frá Svíþjóð var siglt til Færeyja, þaðan til Reykjavíkur, Ísafjarðar og Akureyrar. Skipið heldur frá Akureyri seinni partinn í dag áleiðis til Svalbarða. Þaðan verður siglt til Noregs áður en haldið verður til Svíþjóðar á ný. Alls tekur ferðin 18 daga, að sögn eins farþeganna, sem var á leið til skips á ný, eftir skoðunarferð um Akureyri. Næsta skemmtiferðaskip, Ventura, er svo væntanlegt til Akureyrar á laugardag. Það skip er mun stærra en Arion, eða rúm 116.000 brúttótonn og er áætlað að um borð séu um 2.500 farþegar. Stærsta skipið sem kemur til Akureyrar í sumar er 122.000 brúttótonn og heitir Celebrity Eclipse en það kemur tvisvar, í fyrra skiptið þann 12. júlí. Alls verða komur skemmtiferðaskipa til Akureyrar 65 talsins en síðasta skipið er væntanlegt 17. september. Sífellt stærri skemmtiferðaskip leggja leið sína til Akureyrar og er áætlað að farþegum muni fjölga um 35% í sumar, miðað við sumarið í fyrra. Þá komu tæplega 50.000 farþegar með skemmtiferðaskipum en í ár er gert ráð fyrir því að farþegafjöldinn verði í kringum 67-68 þúsund talsins.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
