Fyrsta konan í stjórn Sögufélags Eyfirðinga
Fráfarandi ritari Sögufélags Eyfirðinga, Bernharð Haraldsson, fyrrverandi skólameistari sem nú flyst búferlum til Reykjavíkur, afhendir Rannveigu Karlsdóttur fundarbók félagsins.
„Sögufélag Eyfirðinga var stofnað árið 1971. Síðan þá hafa eingöngu karlar setið í aðalstjórn félagsins. Karlremba? Kannski. Þó ekki meðvituð og alls ekki staðfest í lögum félagsins. En ræðum ekki frekar ástæður þessa heldur hitt að á dögunum settist kona, Rannveig Karlsdóttir, í embætti ritara félagsins,“ segir í tilkynningu frá Sögufélagi Eyfirðinga.
Rannveig lauk stúdentsprófi frá Verkmenntaskólanum á Akureyri, B.Ed. prófi frá Háskólanum á Akureyri og meistaragráðu í þjóðfræði frá Háskóla Íslands. Rannveig kenndi við Gagnfræðaskóla Akureyrar og síðar Brekkuskóla og Oddeyrarskóla, samhliða þýðingum. Hún starfar nú á bókasafni og við kennslu í Verkmenntaskólanum á Akureyri.
„Það er kannski tilviljun, en gleðileg, að á sama tíma og fyrsta konan tekur sæti í aðalstjórn Sögufélags Eyfirðinga færa Súlur, rit félagsins, og Björn Teitsson ritstjóri okkur viðtöl við tvær stórmerkar konur. Sú fyrri er hin aldna heiðurskona Ingibjörg Bjarnadóttir í Gnúpufelli. Viðtalið við hana var í Súlum 2014 en ritið kemur út einu sinni á ári. Hið seinna á Birgir Sveinbjörnsson við Mývetninginn og þingkonuna Málmfríði Sigurðardóttur en hún er eins og alþjóð veit – ekki síst þó Eyfirðingar – fjölfróð og segir skemmtilega frá.
Fréttin af síðara viðtalinu – við Málmfríði – er „skúbb“ á máli fjölmiðlanna því það birtist ekki fyrr en með vorinu þegar Súlur 2016 koma á markað. En þess má geta að ritið er á boðstólum í bókabúð Eymundsson á Akureyri. Um leið og stjórn Sögufélags Eyfirðinga býður Rannveigu Karlsdóttur velkomna til starfa viljum við skora á alla er unna þjóðlegum fróðleik og vilja stuðla að varðveislu sögunnar að gerast félagsmenn, síminn er 462-4024, eða netfang, jonhjalta@simnet.is.“
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.