Framsóknarkonur fagna tilkomu samræmdra framboðsreglna
Landsstjórn landssambands framsóknarkvenna fundaði á Akureyri í gær.
Á landsstjórnarfundi landssambands framsóknarkvenna (LFK) á Akureyri í gær, voru samþykktar tvær ályktanir. Annars vegar ályktun um kynjajafnrétti á framboðslistum Framsóknarflokksins til Alþingiskosninga og hins vegar um launamun kynjanna. Fundurinn fagnar tilkomu samræmdra framboðsreglna sem samþykktar voru á vorfundi miðstjórnar Framsóknarflokksins. Framsóknarflokkurinn er fyrsti og hingað til eini stjórnmálflokkur landsins sem samþykkt hefur samræmdar prófkjörsreglur. Landsstjórnin fagnar sérstaklega reglum sem snerta hlut karla og kvenna á framboðslistum. Enn eitt skref hefur nú verið stigið í átt að frekara jafnrétti kynja á framboðslistum Framsóknarflokksins. Landsstjórnin áréttar að reglur þessar eiga að vera í sífelldri endurskoðun. Landsstjórn LFK hefði viljað ganga enn lengra til þess að jafna hlut kynja í efstu sætum framboðslistanna. Þar sem efstu sæti framboðslista hafa að jafnaði mest vægi er afar brýnt að aðilar af sitt hvoru kyni skipi þau sæti. Með því tryggir Framsóknarflokkurinn að hæfileikar beggja kynja fái notið sín landi og þjóð til heilla, segir í ályktuninni.
Ályktun um launamun kynjanna
Þá lýsir Fundur í Landsstjórn landssambands framsóknarkvenna yfir verulegum áhyggjum af þeirri neikvæðu þróun sem orðið hefur varðandi launamun kynjanna. Samkvæmt launakönnun SFR stéttarfélags í almannaþjónustu frá september 2011 hefur launamunur kynjanna aukist úr 9,9% í 13,2% á milli ára. Í annarri greiningu sem PWC gerði á launamun kynjanna, yfir september 2011, er niðurstaðan sú að karlar eru með 6,6% hærri föst laun en konur að teknu tilliti til helstu áhrifaþátta. Það er algjörlega óásættanlegt að í íslensku samfélagi þrífist óhagganlegt misrétti í launagreiðslum. Landsstjórn LFK lýsir fullri ábyrgð á hendur ríkisstjórn Jóhönnu Sigurðardóttur sem hefur þrátt fyrir fögur fyrirheit um jafnrétti og norræna velferð ekki náð nokkrum árangri í baráttunni við þetta óréttlæti. LFK krefst þess að ríki, sveitarfélög og atvinnurekendur horfi í eigin barm og útrými þessum launamun sem getur ekki átt sé nokkra réttlætingu í íslensku samfélagi á 21. öldinni. Sömu laun fyrir sömu vinnu er ófrávíkjanleg krafa, segir í ályktuninni.
Nýjast
-
Gjörgæslan er meira en vinna - þetta verður hluti af okkur og lífi okkar
„Þú veist aldrei hvernig dagurinn verður,“ segir Ásdís Skúladóttir, gjörgæsluhjúkrunarfræðingur á SAk, þegar hún lýsir starfinu sínu. „Við erum alltaf að læra eitthvað nýtt og verkefnin eru síbreytileg. Þetta starf heldur manni á tánum – og það er einmitt það sem heillar.“ -
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní
